Поранешниот фудбалер на Сокерус, Саша Огненовски задоволен од досега видното на Светското првенство во Катар. И, актуелниот тренер на Престон Лајонс, Љупче Ацевски ова Светско првенство го оценува како едно од поинтересните со мниогу изненадувања и неизвесност.
Поранешниот репрезентативец на Австралија Саша Огненовски а сега технички директор во Престон Лајонс вели дека во целина е задоволен од прикажаното на Светското првенство во Катар.
"Задоволен сум од она што го прикажаа повеќето репрезентации. Имаше квалитетни натпревари и изнендувања. Австралија постигна голем успех со пласманот во втората фаза. Изнендувања се Јапонија, Мароко а разочарувања секако се Германија, Белгија и Шпанија. Најголем впечаток досега ми остави одбранбениот играч на Хрватска Јошко Гвардиол а посакувам и очекувам Аргентина и Меси да го подигнат победничкиот пехар".
Љупче Ацевски, тренер на Престон Лајонс исто така е задоволен од прикажаниот фудбал на Светското првенство и го оценува како едно од понтересните и неизвесни првенства со многу изнендувања. Пласманот на Австралија во осминафиналето го оценува како голем успех.
"Австралија се претстави во одлично издание и доминираше тимскиот дух со борбена и пожртвувана игра. Францускиот репрезентативец Килијан Мбапе досега остави најдобар впечаток. Бразил е мој фаворит но можни се и изнендувања. Според мене потфрлија Шпанија, Германија и Белгија".
Во аудио разговорот можете да ги слушнете и размислувањата на неколку навивачи за Светското првенство во фудбал во Катар.
Љубителите на фудбалот со нетрпение ги очекуваат четвртфиналните натпревари на Светското првенство во фудбал во Катар.
Очекуваат нови возбудливи натпревари и изнендувања од најдобрите осум селекции што останаа во завршната фаза од Светското првенство.
Еве ги четвртфиналните двојки:
Сабота 10 декември:
Хрватска - Бразил
Холандија - Аргентина
Недела 11 декември:
Мароко - Португалија
Англија - Франција
