Инстаграм сензацијата со 250,000 следбеници Џорџ Георгиевски од Џелонг, собра над 50 милиони прегледи за неговите брзи, хранливи и креативни рецепти, што го намалува времето на подготовка, дури и за омилените традиционални јадења, на само неколку минути. Неговата втора публикација пристигнува во јануари 2021 година.
Скромниот татко вели „сè уште не можам да верувам“ и потенцира дека главната движечка сила зад неговите креации за храна е длабоката љубов и почит што ги чувствува кон своето семејство.
Првата публикација на Џорџ 'School Lunchbox Express' беше хит, отворајќи го патот за неговата втора да биде лансирана ширум светот.
Креаторот на рецепти за училишни ручеци вели дека одбил многу комерцијални понуди за да ги задржи неговите рецепти глобално достапни и одговара на сите што испраќаат коментари на неговата Инстаграм страница.
Share
