Австралија со 1-0 ја победи Данска на 11-от ден од Светското првенство во фудбал. Со оваа победа Сокерос се пласираа во нокаут фазата на Светското првенство за прв пат после 2006 година. Пласман во нокаут фазата обезбедија уште и Аргентина и Полска.
Со победата над поранешниот европски шампион, Данска, репрезентацијата на Австралија вторпат во својата историја ќе игра елиминациона фаза на Светско првенство после 2006 година.
Стрелец на победничкиот гол беше Метју Леки.
"Сокерус“ на дебито загубија од Франција со 4-1, но потоа врзаа две победи по ред и дојдоа до место меѓу најдобрите.
Австралија е втора во групата со шест бода исто колку и Франција, која во последниот натпревар од групната фаза беше поразена од Тунис со 1-0.
Тунис и покрај победата остана на трето место додека Данска е четврта.
Австралија во осминафиналето на Светското првенство ќе игра со победникот од групата Ц, селекцијата на Аргентина.
Натпреварот иако се одигра во раните утрински часови по австралиско време, не ги спречи илјадниците Австралијци да го следат натпреварот против Данска на отворено и во пабовите речиси во сите градови. На социјалните мрежи се појавија снимки од целосниот хаос откако Леки го постигна голот. Во градовите низ земјата гореа факели, пееја и пиеја, а прославата продолжи и по завршувањето на натпреварот.
Мексико славеше со 2:1 против Саудиска Арабија но тоа не беше доволно да се пласира во осминафиналето. Мексиканците требаше да победат со три гола разлика, а во 52 минута имаа предност од 2:0.
Сепак, во последните минути кога Мексиканците тргнаа со сите сили по решавачки трет погодок, примија гол и на крајот останаа без пласман во нокаут фазата на СП во Катар.
Завршија на третото место и покрај тоа што имаа ист број бодови 4 со Полска но решавачка беше гол разликата.
Аргентина ја совлада Полска со 2 -0 и заврши како прва во групата со 6 бодови.
