Поразот на Австралија од Соединетите Американски Држави на Светското првенство 2026 повторно отвори низа прашања околу тактиката, изборот на составот и начинот на кој "Сокерусите“ го започнаа натпреварот.
Додека дел од фудбалската јавност и аналитичарите ја критикуваа почетната поставеност на селекторот Тони Поповиќ, сметајќи дека планот за игра не бил најдобриот избор, нашиот соговорник Андон Дончевски останува цврсто зад австралискиот селектор.
Поранешниот фудбалер, тренер и прв селектор на македонската репрезентација, Дончевски, смета дека Поповиќ добро го познава овој млад состав, ги разбира неговите квалитети, но и неговите слабости, и дека одговорноста за случувањата на теренот не може да се насочи само кон еден човек.
По направените промени во тимот за второто полувреме, видлива беше разликата во играта на Австралија, со повеќе енергија и поинаков пристап, но според Дончевски, факторите кои влијаат врз еден натпревар се многу пошироки од самата тренерска одлука.
Во продолжение ја слушаме втората специјална анализа на Андон Дончевски за Светското првенство 2026 – осврт на натпреварот Австралија – САД, низ призмата на човек со богато фудбалско искуство и длабоко разбирање на играта.
За повеќе прилози, интервјуа и вeсти од SBS на македонски, проверете ја нашата колекција на поткасти овде:
Podcasts in Macedonian | SBS Audio
For more stories, interviews, and news from SBS MACEDONIAN, explore our podcast collection here:
