കൊറോണവൈറസ് ബാധ തടഞ്ഞുനിർത്തുന്നത് ലക്ഷ്യമിട്ട് ഇന്ത്യൻ സർക്കാർ കടുത്ത യാത്രാ വിലക്കുകളാണ് പ്രഖ്യാപിച്ചിരിക്കുന്നത്.
ഏപ്രിൽ 14 വരെ ഇന്ത്യയിലേക്ക് രാജ്യാന്തര വിമാനങ്ങളൊന്നും അനുവദിക്കില്ല.
ഇതു കാരണം നൂറുകണക്കിന് ഇന്ത്യൻ പൗരൻമാരാണ് ഓസ്ട്രേലിയയിൽ കുടുങ്ങിക്കിടക്കുന്നത്. സന്ദർശനത്തിനെത്തിയ മാതാപിതാക്കളും, വിനോദസഞ്ചാരികളും, സ്റ്റുഡന്റ് വിസയിലെത്തിയവരുമെല്ലാം ഇക്കൂട്ടത്തിലുണ്ട്.
സ്റ്റുഡന്റ് വിസയിലെത്തിയ പലർക്കും ജോലിയും നഷ്ടമായതോടെ സാമ്പത്തിക പ്രതിസന്ധിയും രൂക്ഷമാണ്.
ഇതിനിടയിലാണ് ഇന്ത്യൻ പൗരൻമാരെ നാട്ടിലെത്തിക്കാനായി എയർ ഇന്ത്യ പ്രത്യേക വിമാനം ഏർപ്പെടുത്തുന്നു എന്ന പ്രചാരണം വ്യാപിച്ചത്.
ഏപ്രിൽ ആറിന് സിഡ്നിയിൽ നിന്നാണ് വിമാനമെന്ന സന്ദേശം വാട്സാപ്പ് ഗ്രൂപ്പുകളിലൂടെയും ഫേസ്ബുക്കിലൂടെയും പ്രചരിച്ചിരുന്നു.
എന്നാൽ ഈ പ്രചാരണം വ്യാജമാണെന്ന് ക്യാൻബറയിലെ ഇന്ത്യൻ ഹൈക്കമ്മീഷൻ വ്യക്തമാക്കി.
Source: Supplied
അത്തരത്തിൽ പൗരൻമാരെ തിരികെ കൊണ്ടുപോകാനായി ഒരു വിമാനസർവീസും ഇപ്പോൾ പരിഗണനയിലില്ലെന്നും ഹൈക്കമ്മീഷൻ വ്യക്തമാക്കി.
ഇപ്പോഴത്തെ സാഹചര്യത്തിൽ ഇന്ത്യയിലേക്ക് പോകണമെങ്കിൽ യാത്രാവിലക്ക് മാറേണ്ടിവരും. ഏപ്രിൽ 14ഓടെ മാത്രമേ ഇതിന്റെ കാര്യത്തിൽ കൂടുതൽ വിശദാംശങ്ങൾ ലഭിക്കുകയുള്ളൂ.
മാർച്ച് 26ന് ഇസ്രായേലിലെ ടെൽ അവീവിൽ കുടുങ്ങിക്കിടന്ന ഇന്ത്യൻ പൗരൻമാരെ നാട്ടിലെത്തിക്കാനായി എയർ ഇന്ത്യ പ്രത്യേക ചാർട്ടേർഡ് വിമാനം അയച്ചിരുന്നു. നേരത്തേ ചൈനയിൽ നിന്നും ഇറാനിൽ നിന്നുമെല്ലാം പൗരൻമാരെ ഇന്ത്യ തിരിച്ചെത്തിക്കുകയുമുണ്ടായി.
Australians must stay at least 1.5 metres away from other people. Indoors, there must be a density of no more than one person per four square metres of floor space.
If you believe you may have contracted the virus, call your doctor, don’t visit, or contact the national Coronavirus Health Information Hotline on 1800 020 080.
If you are struggling to breathe or experiencing a medical emergency, call 000.
