Викториа муж хамгийн чанга дэглэмд шилжлээ

Халдварын тархалт дээд цэгтээ хүрсэн тул Викториа муж 4-р шатны хөл хорио тогтоов.

Шинэ шатны хориг тавигдахаас өмнөх үеийн байдал Source: AAP Image/Erik Anderson

Цар тахлыг намжаахын тулд гамшгийн байдалд шилжсэн Австралийн анхны муж нь Викториа болж байгаа юм. Үүнээс өмнөх шатны буюу 3-р шатны хязгаарлалтын ачаар 20 мянга гаруй шинэ тохиолдол гарахаас сэргийлж чадсан гэсэн тооцоог мэргэжлийн байгууллагаас гаргасан байна.

Энэхүү 4-р шатны хөл хориог 9-р сарын 13-н хүртэл үргэлжлүүлэхээр болсон гэдгийг мужийн захирагч мэдэгдсэн юм. Энэ хугацаанд иргэдийн зорчих хөдөлгөөнийг огцом хязгаарлаж байгаа бөгөөд оройн 8 цагаас үүрийн 5 цаг хүртэл бүрэн хөл хорио тогтоож эхэллээ.