Австралийн үл үзэгдэгч "алуурчин"-наас өөрийгөө яаж хамгаалах вэ?

Цаг агаарын мэдээнээс таны шалгах ёстой нэг чухал зүйл бол нарны хэт ягаан туяа буюу UV түвшин хэр хэмжээнд байгааг харах явдал юм. Өнөөдөр мэдрэгдэхгүй ч олон жилийн дараа үхлийн шалтгаан болох магадлалтай энэ туяанаас хэрхэн өөрийгөө хамгаалах талаас эндээс сонсоорой.

Гадаа халуун байна гэдэг нь та наранд түлэгдэнэ гэсэн үг биш. Харин UV таныг түлдэг. Бороотой, сэрүүхэн, бүрхэг өдөр ч UV таныг гэмтээж чадна. Source: Getty / Jenny Evans

Хэт ягаан туяаны түвшин 3-аас дээш байх үед нарнаас хамгаалах арга хэмжээг авахыг SunSmart-ын Sally Blane зөвлөж байна.

Бид өөрсдийгөө яаж хамгаалах вэ?

Хэт ягаан туяа нь тамхи, асбесттой ижил ангилалд багтдаг хорт хавдар үүсгэгч юм.

Австралид олон жил хэрэглэгдэж ирсэн хуучны нэгэн хэлц үгийг тайлбарлая: "Slip, Slop, Slap, Seek and Slide"

• Slip: Урт ханцуйтай цамц гэх мэт арьсаа нарнаас халхлах хувцас өмсөх.
• Slop: SPF 50+ (түүнээс өндөр) усанд тэсвэртэй нарны тос түрхэх.
• Slap: Өргөн хүрээтэй малгай өмсөх.
• Seek: Нарны шууд тусгалаас зайлсхийж, сүүдэртэй газраар явах.
• Slide: Нарны хамгаалалттай шил зүүх.