Австралийн Өрсөлдөөн ба Хэрэглэгчийн Комисс (ACCC) алслагдсан болон бүс нутгийн Австралид түлш нийлүүлэгчдийг шалгаж байгаа бөгөөд шатахууны нэмэгдэл үнэ 70 хувиас давсан гэх гомдлуудад хариу арга хэмжээ авч байгаа нь энэ юм.
Ийм шатахууны нэмэгдэл нь хот суурин газруудад ч мөн бүртгэгдэж байгаа бөгөөд кафе, ресторан, аялал жуулчлалын компаниуд нэмэлт хураамж хэлбэрээр авч буй тохиолдол гарч байна.
Australia Institute-ийн ахлах эдийн засагч Matt Grudnoff SBS Examines-д хэлэхдээ, Австралид хэрэглэгчдийг төөрөгдүүлэх нь хууль бус— жишээлбэл, үнийн өсөлтийг зөвхөн зардлын өсөлттэй холбоотой гэж худал мэдэгдэх зэрэг нь хууль зөрчсөн явдал болно гэжээ.
Гэхдээ үнийн хөөрөгдлийн бусад хэлбэрүүд нь үнэндээ хууль ёсны байж болохыг тэр мөн онцолсон байна.
Олон хүмүүс үүнийг мэддэггүй. Үнэндээ үнийн хөөрөгдөл нь хууль бус биш юм.Matt Grudnoff, senior economist, the Australia Institute
“Хэрэв нэг компани хүн бүр үнийн өсөлтийн талаар ярьж байгааг харж, үүн дээр үндэслэн өөрийн зардал өсөөгүй байхад ч үнээ нэмэхээр шийдвэл энэ нь бүрэн хууль ёсны үйлдэл,” гэж Mr Grudnoff хэлжээ.
Мельбурны их сургуулийн Ritchie Chair of Economic Research профессор David Byrne хэлэхдээ, үнийн хөөрөгдлийг хязгаарлахад эрүүл өрсөлдөөн маш чухал. Гэхдээ Австралид энэ нь хүндрэлтэй асуудал гэлээ.
“Бидэнд нийлүүлэгч компаниуд цөөн байдаг. Үүнийг бид түлш, банкны салбар, супермаркетуудад харж болно… эдгээр компаниуд зах зээлийн хүчтэй байр суурьтай,” гэж тэр хэлсэн байна.
Зах зээлд цөөн тоглогч байхад өрсөлдөөн дутмаг байдаг тул үнэ илүү өндөр тогтох хандлагатай байдаг.Professor David Byrne, the University of Melbourne
SBS Examines энэ дугаартаа үнийн хөөрөгдлийн асуудлыг хөндөж, Австраличууд ирээдүйн түлшний үнийн огцом өсөлтөд хэрхэн бэлтгэлтэй байх талаар тодрууллаа.
SBS Nepali, SBS Russian болон SBS Chinese-ийн нэмэлт сурвалжлагатайгаар бэлтгэв.
SBS Examines бусад дугааруудыг Монгол хэлээр сонсохыг хүсвэл ЭНД дараарай.
Та Монгол хэлээр илүү олон подкаст сонсмоор байна уу?
Манай Facebook хуудсыг дагаж, Apple Podcast, Spotify сувагт нэгдээрэй. Мөн долоо хоног бүрийн Мягмар гарагт 2-3 цагийн хооронд SBS 3-р сувгаар Монгол хэл дээрх хөтөлбөрөө хүлээн авч сонсоорой.
