Бид энэ удаагийн ярилцлагын зочноор Англи хэлний багш, орчуулагч, хэл шинжлэл судлаач, “Sydney Bookworms” номын клубийг үүсгэн байгуулагч Ц.Одончимэгийг урилаа.
Тэрээр одоо Macquarie их сургуульд Applied Linguistics and TESOL (Хэрэглээний хэл шинжлэл ба TESOL) чиглэлээр магистрын түвшинд суралцаж байгаа юм.
“Sydney Bookworms” номын клубт хүссэн хүн бүр оролцох боломжтой бөгөөд сар бүр шинэ ном уншиж хамтдаа ярилцахаар цугладаг байна. Энэхүү клубийг сайн дурын үндсэн дээр эхлүүлсэн бөгөөд хоёр жилийн турш тогтвортой үргэлжилж, сар болгон номоо уншиж, ярилцахаар цугладаг идэвхтэй гишүүдтэй болжээ. Энэ сард хүүхдүүдэд зориулсан цахим номын клубийн үйл ажиллагааг мөн эхлүүлжээ.
Тэрээр “Хэдий би өөрөө англи хэлний багш ч гэлээ хүмүүсийг монгол хэлээ сайн сураасай гэж боддог. Хүмүүс гадаад хэлээр сайн ярьж чадахгүй байна гээд аялга, дуудлагадаа алдаа гаргах вий гэж санаа зовдог. Гэтэл гадаад хэл бол хэрэглээ. Ойлголцох хэмжээнд сурсан байж болно. Өөрийнхөө хэлний чадварыг шүүмжлээд байх хэрэггүй юм шиг санагддаг юм. Харин монгол хэлээ төгс сайн сурахад анхаарч байгаасай, хуучны монгол уран зохиолын номуудыг уншаад хэлээ сайжруулаасай, хүүхдүүдээ бас эх хэлээ сайн сурахад анхаардаг байгаасай” хэмээсэн юм.
Та Монгол хэлээр илүү олон подкаст сонсмоор байна уу?
Манай Facebook хуудсыг дагаж, Apple Podcast, Spotify сувагт бидэнтэй нэгдээрэй. Мөн долоо хоног бүрийн Мягмар гарагт 2-3 цагийн хооронд SBS 3-р сувгаар Монгол хэл дээрх хөтөлбөрөө хүлээн авч сонсоорой.
