पहिलो नम्बरमा भने न्यूजल्याण्डले बाजी मारेको छ ।
लोई इन्स्टीच्यूटले गरेको मुल्याङकनमा न्यूजील्याण्ड पछाडि कोरोना भाइरसको नियन्त्रणमा उपलब्धि मूलक कदम चाल्नेमा भियतनाम परेको छ ।
यसै गरी ताइवान,थाइल्यान्ड र साईप्रस क्रमशः तेस्रो चौथो र पाचौ मुलुक बनेका छन् ।
लोई इन्स्टीच्यूटले कोरोना भाइरसका एक सय भन्दा माथिका सङ्क्रमण रहँदा ३६ हप्ताको समयावधिमा मुलुकले कसरी व्यवस्थापन गर्यो भनेर ९२ मुलुक माथि अध्ययन गरेको थियो ।
चीनलाई भने पर्याप्त जानकारी उपलब्ध नगराएको भन्दै मुल्याङकन प्रक्रियामा सामेल गराइएन ।
अमेरिका,ब्राजिल, इरान र मेक्सिको महामारीलाई व्यवस्थापन गर्न नसकेका मुलुकहरूको सुचीमा परेको छ ।
Ranking of covid response Source: LOWY INSTITUTE
एसियाली प्रशान्त क्षेत्रले भाइरस नियन्त्रणमा सफलता पाएको अध्ययनको निष्कर्ष छ ।
लोई इन्स्च्टीच्यूटका अनुसन्धानकर्ता हार्वी लिमाहुले सफलता पाएका मुलुकहरूले सही समयमा आफ्नो सीमा बन्द गरेको र जनस्वास्थ्यको मापदण्डलाई लागु गरेको बताए ।
“सबैभन्दा महत्त्वपूर्ण कुरा अन्तर्राष्ट्रिय सिमाना वरिपरि आफ्नो सानो जनसङ्ख्यालाई बार भित्र राख्न सफल भए ।” उनले ए बि सी सँगको कुराकानीका क्रममा भने ।
“अनुसन्धानमा के भेटियो भने ठुलो जनसङ्ख्या भएका मुलुकहरूलाई भाइरस व्यवस्थापन गर्न निकै चुनौतीपूर्ण देखियो ।”
उनले भने कि अस्ट्रेलियाको प्रतिक्रिया अद्धितिय थियो, प्रत्येक राज्यको प्रतिक्रिया ६/७ वटा स्वतन्त्र मुलुकहरूको जस्तै थियो ।
लोकतान्त्रिक र अधिनायकवादी शासन शैलीका मुलुकहरू मध्ये अधिनायकवादी मुलुकहरू कोरोनाको लामो समय सम्म व्यवस्थापन गर्न असफल रहेको पनि अध्ययनले देखाएको छ ।
अमेरिका,बेलायत जस्ता प्रजातान्त्रिक मुलुकहरू अन्य शासन व्यवस्था भएका मुलुकहरू भन्दा महामारीलाई व्यवस्थापन गर्न ज्यादा सक्षम रहेको पनि अध्ययनले देखाएको छ ।
अनुसन्धानले सानो मुलुकमा महामारी नियन्त्रण गर्न सहज भएको पाइएको बताएको छ ।
१ करोड भन्दा कम जनसङ्ख्या भएका मुलुकहरूले नियन्त्रणको राम्रो व्यवस्थापन गरेको भेटिएको छ ।
