मुख्य बिषय:
- पाँच सेप्टेम्बरदेखि करिब ७०,००० बालबालिकाले खोपमा पहुँच राख्न सक्ने
- नयाँ एक अध्ययनद्वारा चीनको वुहान कोरोनाभाइरसको केन्द्र रहेको भनाई
- टीजीएद्धारा प्याक्सलोभिड एन्टीभाइरल चक्कीको प्रयोगको म्याद १२ महिनाबाट बढाएर १८ महिना पुर्याइयो
अस्ट्रेलियामा ६ महिनादेखि पाँच वर्ष उमेर समूहका केही बालबालिकालाई मोर्डेनाको कोभिड–१९ खोप लगाउन अनुमति दिइएको छ।
स्वास्थ्य मन्त्री मार्क बटलरले आगामी सेप्टेम्बर पाँच देखि प्रतिरक्षा प्रणाली गम्भीर रूपमा कम भएका, अपाङ्गता र जटिल स्वास्थ्य समस्या भएका करिब ७०,००० बालबालिकाले खोपमा पहुँच राख्न सक्ने बताए।
मन्त्री बटलरले आठ हप्ताको फरकमा दुई डोज दिन सकिने र केही बालबालिका तेस्रो डोजका लागि समेत योग्य हुने बताएका छन्।
“अटागीले ६ महिनादेखि पाँच वर्ष उमेरका जोखिममा नरहेका बालबालिकालाई भने खोपको सिफारिस गरेको छैन, अटागीले खोपको फाइँदाका बारेमा प्रमाणहरू अनुगमन गर्न भने जारी राख्ने छ,” स्वास्थ्य मन्त्री बटलरले भने।
उनले ५ लाख डोज सुरक्षित गरिएको भन्दै, यस हप्ताको अन्त्यमा खोपको केही मात्रा अस्ट्रेलिया आउने बताए।
महिनाको अन्त्यमा खोपका लागि बुकीङ्ग खुल्ने भए पनि अभिभावकहरूलाई अहिले नै खोप केन्द्र वा चिकित्सकलाई सम्पर्क भने नगर्न आग्रह गरे।
अमेरिका, क्यानडा र केही एसियाली राष्ट्रहरूले पाँच वर्ष मुनीका बालबालिकाका लागि खोपलाई अनुमोदन दिइसकेका छन्।
बुधवार, अस्ट्रेलियामा कम्तीमा पनि ६६ जनाले कोभिड–१९ का कारण ज्यान गुमाएका छन्।
जसमध्ये ३९ जना न्यु साउथ वेल्सका छन् भने क्वीन्सल्याण्ड र भिक्टोरियाका ६–६ जना रहेका छन्।
टिजिएले एन्टीभाइरल औषधि प्याक्सलोभिडको प्रयोग मिति १२ महिनाबाट बढाएर १८ महिना पुर्याएको छ। यद्यपि यसलाई २५ डिग्री तापक्रम भन्दा तल भण्डार गर्नु पर्ने बताइएको छ।
प्याक्सलोभिडको पहिलो ब्याचको प्रयोग मिति अगस्ट महिनासम्म मात्र रहेको थियो।
साइन्समा प्रकाशन भएको पियर रिभ्यु अध्ययनले चीनको वुहान प्रान्तको हुनान सी फुड मार्केटबाट कोरोनाभाइरस फैलिएको निष्कर्ष निकालेको छ।
अनुसन्धानकर्ताहरुले चीनमा जिउँदो जनावरको व्यापार मार्फत नै सार्स कोभिड–२ को सुरुवात भएको उल्लेख गरेका हुन्।
ऱ्यापिड एन्टीजेन परीक्षण (ऱ्याट) नतिजा दर्ता गर्न राज्यहरूले बनाएको अनलाइन फारम
- भिक्टोरिया
- न्यु साउथ वेल्स
- क्वीन्सल्याण्ड
- साउथ अस्ट्रेलिया
- टास्मेनिया
- नर्दर्न टेरिटरी
- अस्ट्रेलियन क्यापिटल टेरिटरी
विभिन्न राज्य तथा प्रदेशहरूमा हाल लागू क्वारेन्टिन नियम तथा अन्य प्रतिबन्धहरु बारे थाहा पाउन यहाँ थिच्नुहोस्।
अस्ट्रेलिया आउन चाहने अन्तर्राष्ट्रिय यात्रुहरूका लागि उपलब्ध पछिल्लो आधिकारिक जानकारीका लागि यहाँ थिच्नुहोस्।
- तपाईँको राज्य या टेरिटरीका सम्बन्धित निर्देशनहरू: न्यु साउथ वेल्स, भिक्टोरिया, क्वीन्सल्यान्ड, वेस्टर्न अस्ट्रेलिया, साउथ अस्ट्रेलिया, नर्दन टेरिटरी, अस्ट्रेलियन क्यापिटल टेरिटरी, टास्मेनिया।
- कोभिड-१९ खोपको बारेमा तपाईँको भाषामा जानकारी यहाँ उपलब्ध छ।
