शुक्रबारसम्मको २४ घण्टे गणना अवधिमा अस्ट्रेलिया भर २४ जनाले कोरोनाभाइरसका कारण ज्यान गुमाएका छन्। ती मध्य न्यु साउथ वेल्स र भिक्टोरियामा प्रत्येक राज्यमा ७ जना, र वेस्टर्न अस्ट्रेलियामा दुई जना हुन्।
कोभिड-१९ का पछिल्ला सङ्क्रमण, अस्पताल भर्ना तथा मृतक सङ्ख्या बारे जानकारी यहाँ उपलब्ध छ।
भिक्टोरियामा पनि त्यससँग मिल्दोजुल्दो सङ्क्रमण १५ अप्रिलमा देखा परेको थियो। त्यो सङ्क्रमण टलामरीन क्याचमेन्टबाट सङ्कलन गरिएको फोहोर पानीमा भेटिएको हो।
विश्व स्वास्थ्य सङ्गठनले बीए.४ (BA.4) र बीए.५ (BA.5) भेरिएन्टहरू कुन-कुन ठाउँमा फैलिएको भनी निगरानी र अनुसन्धान गरिरहेको छ यी दुवै पहिलो पटक दक्षिण अफ्रिकी र युरोपेली मुलुकहरूमा देखा परेका थिए।
दक्षिण अफ्रिकी वैज्ञानिकहरू भन्छन् कि बीए.४ (BA.4) र बीए.५ (BA.5) भेरिएन्टहरू देशको बढ्दो सङ्क्रमणसँग सम्बन्धित हुन सक्छन्
"बीए.४ (BA.4) र बीए.५ (BA.5) ले छिटै बीए.२ को ठाउँ लिएका छन्, र दक्षिण अफ्रिकामा सन् २०२२ को अप्रिल महिनाको पहिलो हप्तादेखि देखिएका सबै सङ्क्रमणको ५० प्रतिशत यही भेरिएन्टहरू छन्," उनीहरूले भने।
"केही ठाउँहरूमा अस्पताल भर्नाको सङ्ख्या बढ्न थालेको पाइएको छ।"
थप जानकारी केही बेरमा
