भिक्टोरिया प्रहरी द्वारा एक विज्ञप्ति सार्वजनिक गर्दै एक व्यक्तिले मलमा रहेका आम मानिसहरु माथि छुरा प्रहार गर्नुका साथै एक सवारी साधनमा आगलागि भएको बताएको छ।
घटनास्थल पुगेका प्रहरीले आफ्नो कारवाहीमा एक व्यक्ति माथि गोलि प्रहर गरेको र उक्त व्यक्तिको प्रहरी सुरक्षाका साथ् हाल अस्पतालमा उपचार भईरहेको प्रहरीको भनाई छ।
सोसल मिडियामा व्यापक रूपमा बाँडिएको एक भिडियोमा एक व्यक्तिले आगजनीमा परेको एक गाडी नजिकैबाट दुई प्रहरी जवानहरुलाई प्रहार गर्नलागेको दृश्य देखिएको छ। उनलाई पछि प्रहरीले आफ्नो नियन्त्रणमा लिएको थियो।
बर्क तथा स्वान्सटन मार्ग बीच रहेका एक प्रत्यक्षदर्शी सुकी सिंहले एसबिएस समाचारलाई भने, "मैले निकै ठुलो आगो बलेको देखें अनि जताततै प्रहरी नै प्रहरी थिए। हेलिकप्टर माथि आकाशमा थियो, मानिसहरु जता पायो त्यतै भागी रहेका थिए।"
अर्का एकजनाले भने, "मानिसहरु चिच्याउँदै दौडिरहेका थिए। त्यो क्षण साँचिकै नै आक्रान्त पार्ने खालको थियो।"
भिक्टोरिया प्रहरीले प्रत्यक्षदर्शीहरु बाट घटनाको छानबीनको लागि थप सहयोग प्रदान गर्न आग्रह गरेको छ।
राज्यका प्रिमियर डानियल एन्ड्रुजले घटना पछि पीडितहरुको सहयोगमा लागेका प्रहरी आम मानिसहरुको कदमको प्रसंसा गरेका छन्।
