आइतबार नयाँ थपिएका सङ्क्रमितका बारेमा जानकारी दिँदै राज्यकी प्रिमीयर ग्लेडीज बेरीजीक्लीयनले आगामी दिनहरुम अवस्था “झनै खराब” हुने चेतावनी दिएकी छन् ।
सिड्नीको दक्षिण पश्चिममा यस अघि पुष्टि भएका सङ्क्रमितको नजिकको सम्पर्कमा रहेकी ९० वर्ष उमेर समूहकी महिलाको लिभरपुल स्थित अस्पतालमा उपचारका क्रममा निधन भएको हो ।
शुक्रवार उनको कोरोना रिपोट पोजेटिभ पाइएको थियो ।
प्रिमीयर ग्लेडीज बेरीजिक्लियनले मृत्यु भएकी महिला परिवारकै सदस्य बाट सङ्क्रमित बनेको जानकारी दिइन् ।
“दुखको कुरा,हामीले एक वृद्ध व्यक्तिको मृत्यु भएको देखेका छौ,म उनको परिवार र प्रियजनप्रति गहिरो समवेदना प्रकट गर्न चाहन्छु ” प्रिमीयरले भनिन् ।
सोमबार नयाँ केशहरूको सङ्ख्या एक सय भन्दा बढी हुने अनुमान पनि उनले गरेकी छन् ।
“आगामी दिनमा केश लोड आज हामीले देखेको भन्दा निकै बढी हुनेछ” उनले भनिन् ।
अधिकास नयाँ फेला परेका केश दक्षिण पश्चिमी सिड्नीमा रहेको र त्यहाँ प्रहरीको उपस्थिति पछि आफ्नो आलोचना भएको पनि उनले बताएकी छन् ।
न्यु साउथ वेल्सकी स्वास्थ्य प्रमुख केरी च्यान्टले ७७ नयाँ केश मध्ये ५० जना पारिवारिक सदस्यबाट नै संक्मीत बनेको बताइन् ।
हाल ५२ जना कोरोना सङ्क्रमित अस्पतालमा रहेका र त्यस मध्ये १५ जना सघन उपचार कक्षमा रहेको र ५ जना भने भेन्टिलेटरमा रहेको बताईको छ ।
