गत शनिवार नेपालका विभिन्न स्थानमा भएका उप निर्वाचनको परिणामपछि प्रमुख प्रतिपक्षी दल नेपाली कांग्रस उत्साहि देखिएको छ भने सत्तारुढ नेपाल कम्युनिष्ट पार्टिका नेताहरुले भने सचेत हुनुपर्ने प्रतिक्रिया दिएका छन ।
भक्तपुरको प्रदेश सभा, धरान उपमहानगर पालिकाको मेयर र चितवनका महत्वपुर्ण वडामा कांग्रेस बिजयी भएपछि उत्साही देखिएको हो ।
यी क्षेत्रमा यसअघि नेकपाले जितेको थियो । धरानलाई बामपन्थीको गढ नै मानिन्छ भने भक्तपुर प्रधानमन्त्री केप ीओलीको वासस्थान भएको जिल्ला हो । चितवन नेकपाका अर्का अध्यक्ष पुष्पकमल दाहाल प्रचण्डको निर्वाचन क्षेत्र हो ।
यस जीतलाई नेपाली कांग्रेसका सभापति शेर वहादुर देउवाले निक्कै महत्व दिएका छन । कांग्रेसले वामपन्थीको बर्चस्व रहेको र महत्वपुर्ण क्षेत्रमा जितेको छ, उनले भने, यो कांग्रेसलाई खोज्नुपर्छ भन्नेहरुका लागि जवाफ हो ।
पहिले भन्दा एक सिट कम आएपनि शहरी र रणनीतिक महत्वका ठाउमा चुनाव जितेकाले कांग्रेस उत्साहि भएको प्रवक्ता विश्वप्रकाश शर्माले वताए।
Nepal Election Commission Media center Source: NEC Facebook
कम्युनिस्ट पार्टी प्रतिको खस्कदो समर्थन?
यता नेकपाका नेता भीम रावलले भने यो निर्वाचनबाट दल र सरकारलाई सेचत बनाएको प्रतिक्रिया दिएका छन । यसले हामी सचेत हुनुपर्ने देखाएको छ, उनले भने ।
उपनिर्वाचनबाट रिक्त रहेका चार सांसद र ४८ स्थानीय तहका प्रमुख पदमा शनिवार निर्वा्चित भएका छन् ।
उपनिर्वाचनबाट निर्वा्चित जनप्रतिनिधिको कार्यकाल अब बाँकी रहेको करिब साढे दुइ बर्ष मात्र हुनेछ । शनिबार भएको उपनिर्वाचनबाट प्रतिनिधिसभा सदस्य एक, प्रदेश सभा सदस्य तीन, उपमहानगर प्रमुख एक, गाउँपालिका अध्यक्ष तीन, गाउँपालिका उपाध्यक्ष एक र ४३ वडाध्यक्ष निर्वा्चित भएका छन् ।
निर्वाचन आयोगका प्रवक्ता राजकुमार श्रेष्ठले उपनिर्वाचनबाट पाँच राजनीतिक दलका ६ महिलासहित ५२ जनप्रतिनिधि निर्वा्चित भएको जानकारी दिए ।
निर्वा्चित ५२ मध्ये सत्तारुढ नेकपाका ३० जना छन् । कांग्रेसका १३, समाजवादीका ४, राजपाका ३, राष्ट्रिय जनमोर्चाका १ र स्वतन्त्र उम्मेदवार एकजना निर्वा्चित भएको आयोगका प्रवक्ता श्रेष्ठले जानकारी दिए ।
प्रतिनिधिसभा सदस्य एक, प्रदेश सभा सदस्य एक, गाउँपालिका प्रमुख तीन, गाउँपालिका उपाध्यक्ष एक र २४ वडाध्यक्षमा नेकपाका उम्मेदवार विजयी भएका छन् ।
कांग्रेसले प्रदेश सभा सदस्य एक, उपमहानगर प्रमुख एक र ११ वडाध्यक्ष जितेको छ । राष्ट्रिय जनमोर्चाले प्रदेश सभा सदस्य एक, समाजवादीले चार र राजपाले तीन वडाध्यक्ष जितेका हुन् ।
Nepal Communist Party President KP Sharma Oli (right) and Pushpa Kamal Dahal (left) after the announcement of their party unity in May 2018. Source: Facebook
निर्वाचित महिला सङ्ख्या
उपनिर्वाचनमा ६ जना महिला निर्वा्चित भएका छन् ।
त्यसमध्ये एक प्रतिनिधिसभा सदस्य, एक प्रदेश सभा सदस्य, एक गाउँपालिका उपाध्यक्ष र तीन वडाध्यक्ष छन् । कास्की–२ बाट नेकपाकी विद्या भट्टराई प्रतिनिधिसभा सदस्य र दाङ–३ (ख) बाट नेकपाकै विमलाकुमारी खत्री प्रदेश सभा सदस्यमा निर्वा्चित भएका छन् ।
पोखरामा तत्कालीन पर्यटनमन्त्री एवं एमाले नेता रविन्द्र अधिकारीको हेलिकोप्टर दुर्घटनामा निधन भएपछि पुन निर्वाचन भएको थियो । अधिकारीको ठाउमा उनकी पत्नी भटराई निर्वाचन जितेकी हुन ।
