न्यु साउथ वेल्समा आज १ सय १२ जनामा कोरोना सङ्क्रमण पुष्टि भएको छ ।
सोमबारको भाइरस ब्रिफिङका क्रममा न्यु साउथ वेल्सकी प्रिमीयर ग्लेडिज बेरीजिक्लीयनले दक्षिण पश्चिमी सिड्नीको फेयर फिल्ड,क्यान्टरबेरी-ब्यान्क्सटाउन र लिभरपुल स्थानीय क्षेत्रहरू भाइरस सङ्क्रमणको केन्द्र बनेको बताइन् ।
पुष्टि भएका मध्ये कम्तिमा पनि ३४ जना सङ्क्रमण अवधिमा समुदाय सँग घुलमिल गरेको प्रिमीयरले बताएकी छन् ।
राज्यमा आज विदेशबाट आएका अन्य चार व्यक्तिमा पनि कोरोना पुष्टि भएको छ ।
हाल अस्पतालमा ६३ जना मानिस कोभिड–१९ बाट सङ्क्रमित उपचार गराइरहेका छन् ।
उपचार गराइरहेका मध्ये १८ जना सघन उपचार कक्षमा र चार जना भेन्टिलेटरमा उपचार गराइरहेका छन् ।
“म आज पनि पुन: त्यही कुरामा जोड दिन चाहन्छु,यदि तपाईँले आफूलाई जोखिममा राख्नु भयो भने तपाईँले आफ्नो पुरै परिवारलाई जोखिममा राख्नु हुनेछ, यसको मतलब विस्तारित परिवार र तपाईँका नजिकका साथीहरू पनि जोखिममा छन् ,” उनले भनिन् ।
उक्त क्षेत्रका अत्यावश्यक क्षेत्रमा काम गर्ने पेसाकर्मीलाई घरमै बस्न सल्लाह दिएकी छन् ।
उनले कोभिड–१९ को लक्षण देखिए औषधि पसल वा मेडिकल सेन्टरमा नगई,जाँच गर्न जान र आइसोलेसनमा बस्न पनि आदेश दिएकी छन् ।
“अत्यावश्यक क्षेत्रमा काम गर्ने कतिपय मानिसहरू लक्षणहरूका साथ काममा गएर भाइरस फैलाउदैछन्,यो बन्द हुनु जरुरी छ, यदि तपाई बिशेषगरि यी क्षेत्रबाट हुनुहुन्छ र लक्षण छन् भने घर नछाड्नुहोस् ” उनले भनिन् ।
प्रिमीयरले खोप कार्यक्रमको बिस्तारका बारेमा पनि बताएकी छन् ।
४० वर्ष माथिका मानिसले चाडै नै राज्यभरका औषधि पसल र खोप केन्द्र्रबाट खोप लगाउन पाउने उनले बताइन् ।
आइतबार राज्यमा कोभिड–१९ बाट सङ्क्रमित एक महिलाको मृत्यु सँगै ७७ जनामा कोरोना सङ्क्रमण पुष्टि भएको थियो ।
आइतबारको ब्रिफिङका क्रममा सोमबार एक सय भन्दा बढी सङ्क्रमित देखिने र त्यसो नभए आफू 'अचम्मित' पर्ने प्रिमीयर बेरीजिक्लीयनले बताएकी थिइन् ।
यता न्यु साउथ वेल्सका स्वास्थ्य मन्त्री ब्राड हाजार्डले भाइरसले सिड्नीको पश्चिमी क्षेत्र फेयर फिल्ड मुख्य केन्द्र बनाएको बताएका छन् ।“फेयर फिल्डका समुदायलाई मेरो कडा सन्देश छ कि भाइरसले तपाई र तपाईँका साथीभाइलाई लक्षित गरिरहेको छ,पारिवारिक सदस्य मार्फत परिवारका अन्य सदस्यलाई भाइरस सरीरहेको छ ”उनले भने ।
“कृपया अहिल्यै सचेत हुनुहोस्,विशेष गरी फेयर फिल्ड भाइरसको लक्षित स्थान बनिरहेको छ । ”
यता भिक्टोरीयमा भने आज कोभिड–१९ को सामुदायिक सङ्क्रमणका कुनै पनि मामला फेला परेका छैनन् ।
विगत १२ दिन देखि भिक्टोरिया सामुदायिक संक्रमणमुत्त रहन सफल भएको छ ।
क्विन्सल्याण्डमा पनि आज कुनै पनि केस फेला नपरेको प्रिमीयर एनेसथेसिया पालासेले जानकारी दिइन् ।
