गर्मी महिनाको मध्यमा पर्यटकहरूले सबैभन्दा बढी रुचाउने स्थान भनेको नै पानी भएको स्थान हो।
पछिल्लो अन्तर्राष्ट्रिय र राष्ट्रिय पर्यटक सर्वेक्षणले जनाए अनुसार, अस्ट्रेलियाले २०१७ को सेप्टेम्बर २० देखिको १२ महिनाको अवधिमा ८० लाख ४० हजार पर्यटकहरू भित्र्याएको छ।
१० लाख ३० हजार त चीन बाट मात्र आएको देखिन्छ जुन विगतका वर्षहरू भन्दा ८ प्रतिशतले वृद्धि भएको हो।
यो नै अर्थतन्त्रका लागी सबैभन्दा ठुलो बजार हो जहाँ चिनिया पर्यटकहरूले ११ अर्ब ५० करोड भन्दा बढी खर्चिएको देखिएको छ।
साथै भारतको भने वृद्धि दर बलियो भएको देखिएको छ, जुन २० प्रतिशतले वृद्धि हुँदै ३ लाख २४ हजार भन्दा धेरै भएको देखिन्छ।
सिड्नीमा पर्यटक गाइडका रूपमा कार्यरत स्यारोन याङ्ग भन्छिन् विभिन्न टुर कम्पनीहरूले मागलाई मध्यनजर गर्दै आफ्ना सेवा लाई प्रवर्धन गरेका छन्।
तर अस्ट्रेलिया भारतीय पर्यटकहरूका लागी पनि रोजाइमा पर्ने स्थान हो।
अस्ट्रेलियन पर्यटन तथा यातायात फोरम कि प्रमुख कार्यकारी मार्गी ओस्मन्ड भन्छिन् भारतीयहरूले अस्ट्रेलिया मन पराउनुको पछाडि क्रिकेटलाई दुवै देशमा मन पराइनु पनि एक कारण हो।
उनी भन्छिन् 'धन्न अस्ट्रेलियालीहरूलाई पनि क्रिकेट खेल्न मन पर्छ।'
तथ्याङ्कले यो पनि देखाउँछ कि हाम्रा सहरी क्षेत्रहरूले पछिल्लो समयमा सबैको ध्यान खिच्न सकिरहेको छैनन्।
२० लाख भन्दा बढी अन्तर्राष्ट्रिय यात्रीहरूको रोजाइमा ग्रामीण क्षेत्रहरू पर्ने गरेको छ।
अस्ट्रेलियालीहरूले नै पनि आफ्नो देशभित्र कै विभिन्न स्थानहरूमा घुम्न जाने गरेका छन्। र आन्तरिक पर्यटनका लागी अस्ट्रेलियालीहरूले खर्चिने रकममा पनि १० प्रतिशतले वृद्धि भएको देखिन्छ।
गोल्ड कोस्ट बाट सिड्नी घुम्न आफ्ना परिवारका साथ आएकी एक महिलाले आफूहरूले अस्ट्रेलिया बाहिर जानु भन्दा आफ्नो देशलाई नै हेर्ने निर्णय गरेको बताइन।
पर्यटन मन्त्री साइमन बर्मिङ्घम भन्छन् ग्रामीण पर्यटनलाई बढाउने उद्देश्यका साथ अहिले रहेको लगानीमा थप ४ करोड थप गर्ने घोषणा गर्ने उनको योजना रहेको छ।
