युक्रेनमा सैन्य कारबाहीको थालनी गरेको रुसी राष्ट्रपति भ्लादिमिर पुटिनले टेलिभिजनबाट गरेको सम्बोधनका क्रममा बताएका छन्।
मस्कोबाट बोल्दै उनले भने, "मैले सैन्य कारबाही गर्ने निर्णय लिएको छु।" साथै यसको बिचमा अड्चन बन्न आउनेको प्रतिकार गर्ने समेत उनले बताएका छन्।
रुसी सरकारको कार्यकारी शाखा क्रेम्लिनले पूर्वी युक्रेनमा रहेका विरोधी नेताहरूले किभको विरुद्ध मस्कोले सैन्य सहयोग गर्नु पर्ने बताए पछि राष्ट्रपति पुटिनको सो घोषणा आएको हो।
उनले भने, "कसले रोक्ने (युद्धलाई)? मानिसले। यी मान्छेहरू तपाइहरू बिचकै हुन्, म निश्चित छु।"
उनले आफ्नो सम्बोधनको क्रममा पूर्वी उत्तरमा रहेको सो क्षेत्रमा रहेका युक्रेनी सैनिकहरूलाई आफ्नो हतियार जिम्मा लगाएर घर फर्कन आग्रह गरेका छन्।
यस अघि, संयुक्त राष्ट्र सङ्घको सुरक्षा परिषद्ले राष्ट्रपति पुटिनलाई सैन्य गतिविधि निर्देशनलाई रोक्न याचना गरेपछि उक्त घोषणा गरिएको हो।
