सेप्टेम्बर १९ देखि लागु हुने उक्त नयाँ ब्याज दर बैंकका हाल रहेका र नयाँ ग्राहक सबै माथि लागु हुने छ |
अस्ट्रेलियाली रिजर्व बैंकद्वारा सन् २०१६ देखि लागु गरिएको १.५० प्रतिशतको ब्याज दरमा कुनै बदलाव नगरिएको समयमा वेस्टप्याकको उक्त कदम आएको हो |
उक्त वृद्धिको मतलब ऋण लिएकै घरमा बस्ने ग्राहकहरुको दर ५.३८ प्रतिशत पुग्ने छ भने लगानीको रूपमा खरिद गरिएका भवनहरुका लागि ग्राहकहरुले ५.९३ प्रतिशतको दरले ऋण तिर्नु पर्नेछ |
ऋणको लागि रकम उपलब्ध गराउन बैंकले बेहोर्नु पर्ने खर्च बढ्नुको कारण आफ्नो भेरिएबल दरमा वृद्धि गर्नु परेको बैंकका कार्यकारी प्रमुख ब्रायन हार्टज़रले बताए |
यसका साथ चार लाख डलर को ऋण रहेका ग्राहकहरुको भुक्तानी दरमा वार्षिक चार सय डलर सम्म थपिन सक्ने बताइएको छ |
यो वर्ष ब्याज दर बढाउने निर्णय गर्ने वेस्टप्याक पहिलो प्रमुख बैंक बनेको छ | अस्ट्रेलियाका अन्य प्रमुख बैंकहरुबाट चाहिं यस्तो संकेत अहिलेको लागि आएको छैन |
Westpac CEO Brian Hartzer says it was a "difficult" decision to raise rates by 0,14%. Source: AAP
