१.सन् १९९४ देखि २०१८ सम्मको आइपुग्दा आरोहीको रुपमा तपाईको अनुभव कस्तो रह्यो ?
सुरुवाती दिनमा अध्याधिक ग्राहो भएको थियो । विभिन्न हिमाल आरोहण गर्दै जाँदा सजिलो हुँदै गएको थियो । सन् २००८ मा मैले विदेशी प्रशिक्षकहरुमार्फत पर्वतारोहणसम्बन्धी तीन वर्षको प्रशिक्षण लिएको थिए ।
त्यस प्रशिक्षणले गर्दा अहिलेसम्म सगरमाथा आरोहणलाई निरन्तरता दिईरहेको छु ।
२. सर्वोच्च शिखर सगरमाथा २२ औं पटक चढेर विश्व कीर्तिमान कायम गरिसक्नु भएको छ । सगरमाथा आरोहणको क्रममा कहिल्यै डर लागेन् ?
मैले आरोहीको रुपमा आरोहण यात्रा सुरु गर्दा कुनै किसिमका पर्वतारोहणसम्बन्धी स्कुलहरु थिएनन् । त्यसैले स्वभाविक रुपमा डर लाग्ने भइहाल्यो । फेरि सगरमाथा २२ औं पटक चढ्छु भन्ने कल्पनापनि गरिएन् ।
क्लामिङ शेर्पाको रुपमा काम गरिरहेको थिए । २२ औं पटक सगरमाथाको शिखरमा पाइला पुरÞ्याउँदा मैले सेभेन समिट ट्रेकको सबै जिम्मेवारी लिएको थिए ।
३.तपाईले आरोहणलाई मुख्य पेशा बनाएर लाग्नु भएको २४ वर्ष भइसक्यो । सुरुवाती दिनमा सर्वोच्च शिखर सगरमाथा चढ्नुपर्छ भनेर कसरी प्रोत्साहित हुनुभएको थियो ?
हाम्रो बेलासम्म स्कुल गएर पढ्नु पर्छ भन्ने संस्कृतिको विकास भएको थिएन् ।
फेरि ठुलो परिवार भएकाले गरिबी व्यापक थियो । हिमाल चढ्न हिडेका आरोहीहरुको भारी बोक्यो भने राम्रो पैसा कमाइन्छ भनेर गाँउभरका शेर्पाहरु यसै पेशामा लागेका थिए । बुबा र दाजु यसैमा लागेका हुँदा लागेको थिए ।
४.कहिलेसम्म सर्वोच्च शिखर सगरमाथा आरोहण गरिरहने योजना बनाउनु भएको छ ? विभिन्न हिमाल आरोहणका चुनौतीहरु के के हुने रहेछन् ?
हिमाल आरोहणको लागि सबै कुराले साथ दिनु जरुरी हुन्छ । त्यसैले मेरो ज्यानले साथ दिएसम्म सम्भवतः २ वर्ष सगरमाथा आरोहणलाई निरन्तरता दिने योजना बनाएको छु ।
मेरो अनुभवको कुरा गर्नुहुन्छ भने भाग्य, शारीरिक क्षमता र अल्टिच्युट मिल्नुपर्छ । सन् २०१४ मा मेरो पाँच जना साथीहरु आरोहणको क्रममा निधन भएको थियो । व्यक्तिगत रुपमा मैले तितो अनुभव गर्नुपरेको छैन् ।
५.विश्वको सर्वोच्च शिखर सगरमाथा चढ्नको लागि कत्तिको तयारी गर्नुपर्ने हुन्छ ? सगरमाथा आरोहण गर्न कति दिन लाग्ने रहेछ ?
कुनैपनि हिमाल चढ्न आत्मविश्वास र प्रशिक्षणकको आवश्कता पर्दछ । मौसमले साथ दिएको खण्डमा काठमाडौंदेखि सगरमाथा चढेर काठमाडौं फर्कन करिव दुई महिना लाग्ने गर्दछ ।
६.अहिलेसम्म कति जनालाई सगरमाथाको सफल आरोहण गराइसक्नु भएको छ ?
मैले रेकर्डनै राखेको छैन् । लगभग दुई सय हाराहारीलाई सगरमाथाको चुचुरोमा पुर्याईसकेको छु । मैले आजसम्म कोही नेपालीलाई सगरमाथा पुर्याउन पाएको छैन् ।
७. आफ्ना छोराछोरीलाई यो क्षेत्रमा आउन प्रोत्साहित गरिरहनु भएको छ ?
हामी शेर्पाहरुको साहस र इमान्दारितालाई सबैले विश्वास गरेका छन् । मेरो बुबा र दाजुसँगै शिक्षाको अभावमा म यो पेशामा आएको थिए । मेरो छोराछोरीलाई राम्रो शिक्षा दिएको छु । त्यसैले उनीहरुले अन्य पेशामा राम्रो अवसर पाउने हुँदा यस पेशामा आँउदैनन् भन्नेमा ढुक्क छु ।
पुरा कुराकानी सुन्नुहोस् :
