विश्वकप क्रिकेट २०१९: चर्चामा भारतको ढिलो सुरुवात र साउथ अफ्रिकाको खराब प्रदर्शन

अहिलेसम्म न्युजिल्याण्ड आफ्नो दुवै खेलहरूमा जित हासिल गर्दै अङ्क तालिकाको शिखरमा छ भने आज साँझ ७:३० बजेदेखि सुरु हुने खेलमा अस्ट्रेलिया वेस्ट इन्डिजसँग भिड्दै अङ्क तालिकाको टुप्पोमा पुग्न खोज्नेछ।

यो विश्वकपमा बङ्गलादेशले साउथ अफ्रिकालाई हराएर सबैलाई हैरान बनाइदियो किनभने बङ्गलादेशले अहिलेसम्म उसले खेलेका एक दिवसीय खेलहरूमा ३३० रन कहिल्यै बनाएको थिएन।

साउथ अफ्रिकालाई बङ्गलादेशले २१ रनले पराजित गर्दै उसले यसपालिको “अपसेट” कायम गरेको छ।

हालसम्मको अङ्कतालिका यसप्रकार रहेको छ:

भारत र साउथ अफ्रिका किन चर्चामा?

गए राति दक्षिण अफ्रिकालाई हराएपछि विराट कोहलीले कप्तानको रूपमा ओडिआई क्रिकेटमा ५०औं जित हात पारेका छन्।

कोहली ओडिआईमा कप्तानको रूपमा सबैभन्दा छिटो ५० जित हात पार्ने कप्तानको सूचीमा चौथो स्थानमा परेका छन्।

अष्ट्रलियालालाई २ दुई पटक विश्वकप जिताएका रिक्की पोन्टिङ र वेस्ट इन्डिजलाई पहिलो विश्वकप दिलाएका क्लाइ लोएडले ६३ खेल भित्रै कप्तानको रूपमा ५० जित हात पारेका थिए।

भारतीय कप्तान कोहलीले भने ६९ खेलमा यो सफलता हासिल गरेका हुन्।

भारतले आफ्नो अभियान किन ढिलो सुरु गर्‍यो?

क्रिकेटका पारखीहरूलाई त बताइ रहनु परेन तर, थाहा नपाउनेहरूका लागि भने कुरो यस्तो हो:

भारतीय क्रिकेट बोर्ड (बीसीसीआई)मा व्याप्त भ्रष्टाचारलाई नियन्त्रण गर्न सन् २०१४ मा एक पूर्व भारतीय न्यायाधीश राजेंद्रमल लोढाको नेतृत्वमा एक जाँचबुझ समिति गठन गरिएको थियो।

उसले गरेका सिफारिसहरू मध्ये एकमा चाहिँ भारतले आइपिएल सक्किएको १५ दिनपछि मात्र कुनै अन्तर्राष्ट्रिय खेल खेलोस् भन्ने कुरा व्यक्त गरिएको थियो।

भारतमा केही हप्ता अघिसम्म आइपिएल अथवा भारतीय प्रिमियर लिग चल्दै थियो। त्यस कारण, उसले अन्तर्राष्ट्रिय क्रिकेट परिषद्लाई आफ्नो खेल पर सार्न अनुरोध गरेको थियो।

साउथ अफ्रिकाको खराब सुरुवात

यो प्रतियोगितामा लगातार ३ खेल हारेर आफ्नो विश्वकप अभियान सुरु गरेको साउथ अफ्रिकाले बाँकी ६ खेलमा आफ्नो खेल निकै सुधार्नुपर्ने छ।

काँधको चोटका कारण डेल स्टेन र ह्यामस्ट्रिङ्ग चोटका कारण अर्का बलर लुङ्गी एङ्गिडी बाहिरिए पछि “प्रोटियाज”लाई केही अफ्ठेरो हुने अनुमान त लगाइएकै थियो तर यस्तो हारको शृङ्खला नै सुरु हुनेछ भनेर शायदै कसैले कल्पना गरेका थिए होलान्।

साउथ अफ्रिकामा जन्मी हुर्केका र पछि त्यहाँको क्रिकेट बोर्डसँग “जातीयता कोटा” प्रणाली बारे असन्तुष्टि व्यक्त गर्दै इंग्ल्याण्डबाट अन्तर्राष्ट्रिय क्रिकेट खेल्न पुगेका केभिन पिटर्सनले ट्विटर मार्फत व्यङ्गबाण प्रयोग गर्दै भने,

अहिलेसम्मको नतिजा:

आगामी ७ दिनका खेलहरु:

अहिलेसम्मका धेरै रन बनाउने प्रमुख पाँच खेलाडी

अहिलेसम्मका विकेट लिने प्रमुख पाँच खेलाडी

अहिलेसम्म सबैभन्दा धेरै छक्का हान्ने प्रमुख पाँच खेलाडी

अहिलेसम्म सबैभन्दा धेरै चौका हान्ने प्रमुख खेलाडी