फोहोर बाट मोहर बन्छ भन्ने कसरी थाहा पाउनु भयो?
यो नयाँ कुरा हैन, हाम्रै घरमा पनि आमा -हजुरआमाहरूले हर्लीक्सको सिसीमा अचार हालेर त्यसलाई फेरी प्रयोगमा ल्याउने गर्नुहुन्छ । तर यसलाई व्यवस्थित रूपमा व्यवसाय नै बनाएको उदाहरण हामीसँग नभएको मात्र हो।
व्यवसाय गर्छु भन्दा धेरैले अब फ्यामिलि स्टार्ट गर्नुपर्छ भन्नु भएको थियो।
यो व्यवसायबाट पैसा कमाइन्छ भन्ने सुरु देखिनै सोच्नु भएको थियो?
हो, सुरु देखिनै लागेको थियो। यसको लागि मैले केही गृहकार्य गरेकी थिएँ।
कसैले नगरेको व्यवसाय सुरु गर्न कत्तिको गाह्रो भयो?
मैले विवाह गरेपछि व्यवसाय सुरु गरेकी हुँ। त्यस बेला मैले नयाँ व्यवसाय गर्छु भन्दा धेरैले अब फ्यामिलि स्टार्ट गर्नुपर्छ भन्नु भएको थियो। त्यसमा पनि फोहोरको काम गर्ने भन्दा धेरैलाई मन परेको थिएन।
तपाईँले गर्ने काम के हो?
हामी फोहोर सङ्कलन गर्छौ। फोहोर उठाउनका लागि हामीलाई मानिसहरूले सम्पर्क गर्नुहुन्छ। हामी त्यहाँ खालि सिसी दाइहरूलाई पठाउँछौँ र त्यसलाई किन्छौँ। हामी फोहोरलाई सिधै डम्पिङ् साइडमा जानबाट रोक्छौँ। रिसाइकल गर्न मिल्ने सामान छुट्याउँछौं।
नेपालमा मानिसहरूमा फोहोर रिसाइकल गर्न मिल्छ भन्न् चेतना कत्तिको छ?
पुनर्प्रसोधन गर्न मिल्छ भन्ने धेरैलाई थाहा छ। तर कसरी गर्ने भन्ने थाहा छैन।
