Lungkarda Nungarrayilpa nyinaja muljungka ngulalparla yulaja yirraru Jangalaku.
Yunparnulpa kalya-kalya-ku.
“M, m, m, m”, yulaja-lpa.
Yulajalparla watiki yaliki Jangalaku.
Jangalarlu-jurlpa warluju yarda yarrpurnu kujalpa nyangu Nungarrayirliji.
Yanulpa, yanulpa kujalpa-rla jurnta palija warluju Nungarrayi-kiji.
Warlu-julpa jangkaja-juku wurnturu. Ngulalpa yulaja-juku Jangala-kuju.
Yanurla Jangala-kuju manurla purdangirli karrija wirlinyi-rlarni.
Jangala yanurnu ngurra-kurra ngula nyangu Nungarrayi-lki manurla wardinyi-jarrija karntakuju.
Jangala-jurla wangkaja,
“Yuwa nyiyakunpa yanurnu?”
Nungarrayiji wangkaja.
“Nyuntuku-rnangku yanurnu
warlu yanjarla yirraru manunpaju.
Yanu-pala wardinyilkimanu-pala nyinaja tarnnga
Karrinyarla ngapangka.
Kurdu-jarra-pala palkajarrija.
Ngulalu Lungkardajarrijalku
Lungkarda yangka kalu jalanguju nyinami milpa
palyalku ngulaju yulanjawarnu, yulanja-warnu.
Jukurrpa Yimi Kirli
Jukurrpa stories watiji kalu ngurrju mani PAW Media, rla yangka yapa kurlangu media organisation remote community Yuendumu, rla NT, rla. Yimi watiji kalu ngurrju mani Bilingual Resource Development Unit, rla Yuendumu, rla, ngalya karirlangu warlpiri yimi teaching resources wati kirli.
Voiced by Esau Japanangka Marshall
Recording and Sound Design: Esau Japanangka Marshall
Story: Ormay Gallagher Nangalarlu
Additional Translation: Theresa Napurrurla Ross
Podcast Tile Image: Mina Mina Jukurrpa (Mina Mina Dreaming), Jeanie Napangardi Lewis, Warlukurlangu Artists
