مهم ټکي:
- د تېرې شنبې په ورځ د سیډني ښار د بونډای جنکشن په وېسټفیلډ شاپنګ سنټر کې یو سړي ۶ کسان په چړې ووژل او لږترلږه ۱۲ کسان یې ټپیان کړل.
- په دغه برید کې یو پاکستانی سیکیورټي کارډ وژل شوی او یو بل پاکستانی ټپي شوی دی چې آسټرالیا غواړي دایمي ویزه ورکړي.
- د آسټرالیا حکومت یوه فرانسوي تبعه ته هم دایمي ویزه ورکوي چې د برید پرمهال یې د خلکو د ژوند د ژغورلو هڅه کړې.
د سیډني ښار د بونډای جنکشن په وېسټفیلډ شاپنګ سنټر کې د تېرې شبنې په ورځ، جویل کوچي ۶ کسان په چړې ووژل او لږترلږه ۱۲ کسان یې ټپیان کړل.
د شپږو وژل شویو کسانو په ډله کې ۵ ښځې او یو پاکستانی سیکیورتي کارډ شامل و.
د آسټرالیا د احمدیه مسلمانانو ټولنې ویلي چې د شنبې د ورځې په برید کې یو تن وژل شوی فراز طاهر نومېده چې "یوازې یو کال دمخه یې په آسټرالیا کې د پناه غوښتنه کړې وه او په خپل هېواد پاکستان کې له ظلم څخه را تښتېدلی وو."
ځینې راپورونه ښيي چې فراز طاهر د بونډای جنګشن په شاپنګ سنټر کې د سیکیورټي ګارډ په توګه دنده ترسره کوله او دندې په لومړۍ ورځ ووژل شو.
د بونډای جنګشن شاپنګ سنټر د ټپیانو په ډله کې یو پاکستانی سیکیورټي ګارډ هم شامل دی چې اوسمهال په روغتون کې تر درملنې لاندې دی.
د آسټرالیا لومړي وزیر انتوني البنیزي تایید کړې چې ټپي شوي پاکستاني سیکیورټي ګارډ ته به دایمي ویزه ورکړل شي.
ټپي شوی سیکیورټي ګارډ محمد طحه، د برید کوونکي جویل کوچي(Joel Cauchi) له برید وروسته روغتون ته انتقال شوی.
د Australian په نوم ورځپاڼې راپور ورکړی چې طحه اوسمهال د فراغت لنډمهاله ویزه لري او د ویزې وخت یې کم پاتې دی.
زموږ خپرونه دلته پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
شریکول
