ډیری کورنی ادعا کوي چې د ۲۰۰۵ او ۲۰۱۶ کلونو ترمنځ د افغانستان د پوځي عملیاتو پر مهال، د اسټرالیا د دفاعي ځواکونو د غړو له خوا یې خپلوان وژل شوي یا په ناقانونه ډول وهل ټکول شوي دي.
د دفاع وزارت اس بی اس ته ویلي چې د “افغانستان د پلټنو د غرامت طرحه” چې په ۲۰۲۴ کال کې جوړه شوې، لا هم فعاله ده.
دا طرحه د قربانیانو کورنیو او هغو کسانو ته چې د غیرقانوني بریدونو یا د شتمنیو د ویجاړېدو له امله اغېزمن شوي وي او د ځانګړي پلټونکي لخوا دا موارد باوري بلل شوي وي دوی کولی شي دغرامت غوښتنه وکړي.
په اسټرالیا کې د افغانانو د ټولنو مشران د رابرټس-سمېت د نیول کېدو هرکلی کوي او غواړي چې پلټنې د اسټرالیا د دفاعي ځواکونو د رهبرۍ تر لوړو پوړو پورې وغځول شي.
