Coming Up Mon 9:00 PM  AEDT
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਆਸਟ੍ਰੇਲੀਆ ਦੀਆਂ ਪਰਵਾਸੀ ਔਰਤਾਂ ਨੂੰ ਛਾਤੀ ਦੇ ਕੈਂਸਰ ਤੋਂ ਬਚਾਅ ਲਈ ਨਿਯਮਤ ਮੈਮੋਗ੍ਰਾਮ ਕਰਵਾਉਣ ਦੀ ਅਪੀਲ

Radiographer Parveen Singh has been doing mammography for the last ten years. Source: Getty / Parveen Singh

'ਬ੍ਰੈਸਟ-ਸਕ੍ਰੀਨ ਆਸਟ੍ਰੇਲੀਆ' ਸਰਕਾਰ ਦੁਆਰਾ ਪ੍ਰਮਾਣਿਤ ਪ੍ਰੋਗਰਾਮ ਹੈ ਜੋ ਔਰਤਾਂ ਲਈ ਮੁਫ਼ਤ ਸਕ੍ਰੀਨਿੰਗ ਸੇਵਾਵਾਂ ਦੀ ਪੇਸ਼ਕਸ਼ ਕਰਦਾ ਹੈ। ਛਾਤੀ ਦੇ ਕੈਂਸਰ ਦੇ ਸ਼ੁਰੂਆਤੀ ਲੱਛਣਾਂ ਦੀ ਪਹਿਚਾਣ ਬਾਰੇ ਜਾਗਰੂਕਤਾ ਵਧਾਉਣ ਲਈ ਸਾਲਾਨਾ ਮੁਹਿੰਮ ਦੇ ਚੱਲਦੇ, ਮੈਲਬੌਰਨ ਦੀ ਰੇਡੀਓਗ੍ਰਾਫਰ ਪਰਵੀਨ ਸਿੰਘ ਨਾਲ ਖਾਸ ਗੱਲਬਾਤ।

ਬ੍ਰੈਸਟ ਕੈਂਸਰ ਵਿਸ਼ਵ ਭਰ ਦੀਆਂ ਔਰਤਾਂ ਵਿੱਚ ਸਭ ਤੋਂ ਆਮ ਤਰ੍ਹਾਂ ਦਾ ਕੈਂਸਰ ਹੈ। ਅਕਸਰ ਸਕ੍ਰੀਨਿੰਗ ਦੁਆਰਾ, ਸਮੇਂ ਸਿਰ ਜਾਂਚ ਹੋਣ ਤੇ ਛਾਤੀ ਦੇ ਕੈਂਸਰ ਦਾ ਇਲਾਜ ਅਸਾਨੀ ਨਾਲ ਕੀਤਾ ਜਾ ਸਕਦਾ ਹੈ।

ਪਰਵੀਨ ਸਿੰਘ, 2005 ਤੋਂ ਮੈਲਬੌਰਨ ਵਿਖੇ ਰੇਡੀਓਗ੍ਰਾਫਰ ਵਜੋਂ ਕੰਮ ਕਰ ਰਹੀ ਹੈ। ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦਿਆਂ ਉਨ੍ਹਾਂ ਦੱਸਿਆ ਕਿ ਛਾਤੀ ਦੇ ਕੈਂਸਰ ਬਾਰੇ ਜਾਗਰੂਕਤਾ ਮਹੱਤਵਪੂਰਣ ਹੈ ਕਿਉਂਕਿ ਇਹ ਬਿਮਾਰੀ ਛੇਤੀ ਉਝਾਗਰ ਹੋਣ ਤੇ ਜ਼ਿਆਦਾ ਇਲਾਜਯੋਗ ਹੁੰਦੀ ਹੈ। 

ਉਨ੍ਹਾਂ ਕਿਹਾ ਕਿ ਇੱਕ ਰੇਡੀਓਗ੍ਰਾਫਰ ਵਜੋਂ ਮੈਂ ਬਹੁਤ ਸਾਰੀਆਂ ਪ੍ਰਵਾਸੀ ਔਰਤਾਂ ਦੀ ਸਕਰੀਨਿੰਗ ਤੇ ਆਉਣ ਦੀ ਉਮੀਦ ਕਰਦੀ ਹਾਂ, ਪਰ ਇਨ੍ਹੇ ਸਾਲਾਂ ਵਿੱਚ ਮੈਂ ਪੰਜਾਬੀ ਮੂਲ ਦੀਆਂ ਕਾਫ਼ੀ ਘੱਟ ਔਰਤਾਂ ਨੂੰ ਹੀ ਮੈਮੋਗ੍ਰਾਮ ਕਰਵਾਉਂਦੇ ਵੇਖਿਆ ਹੈ।

ਆਸਟ੍ਰੇਲੀਆਈ ਸਰਕਾਰ ਦਵਾਰਾ ਪ੍ਰਮਾਣਿਤ ਮੁਫ਼ਤ ਮੈਮੋਗ੍ਰਾਫੀ ਪ੍ਰੋਗਰਾਮ

ਪਰਵੀਨ ਨੇ ਨਿਯਮਤ ਮੈਮੋਗ੍ਰਾਮ ਕਰਵਾਉਣ ਦੀ ਮਹੱਤਤਾ ਬਾਰੇ ਦੱਸਿਆ ਕਿ ਸਮੇਂ ਸਿਰ ਸਕ੍ਰੀਨਿੰਗ ਕਰਵਾਉਣ ਨਾਲ ਛਾਤੀ ਦੇ ਕੈਂਸਰ ਨਾਲ ਮੌਤਾਂ ਨੂੰ ਰੋਕਣ ਦੀ ਸੰਭਾਵਨਾ ਸਭ ਤੋਂ ਵੱਧ ਹੁੰਦੀ ਹੈ।

ਉਨ੍ਹਾਂ ਦੱਸਿਆ ਕਿ ਸਰਕਾਰ ਦੁਆਰਾ ਚਲਾਇਆ ਜਾਂਦਾ 'ਬ੍ਰੈਸਟ-ਸਕ੍ਰੀਨ' ਪ੍ਰੋਗਰਾਮ 50 ਤੋਂ 74 ਸਾਲ ਦੀ ਉਮਰ ਦੀਆਂ ਔਰਤਾਂ ਲਈ ਮੁਫ਼ਤ ਛਾਤੀ ਦੀ ਜਾਂਚ ਯਾਨੀ ਕਿ ਸਕ੍ਰੀਨਿੰਗ ਸੇਵਾਵਾਂ ਦੀ ਪੇਸ਼ਕਸ਼ ਕਰਦਾ ਹੈ। 40  ਤੋਂ 49 ਅਤੇ 75 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੀਆਂ ਔਰਤਾਂ ਜਿਨ੍ਹਾਂ ਵਿੱਚ ਛਾਤੀ ਦੇ ਕੈਂਸਰ ਦੇ ਕੋਈ ਲੱਛਣ ਨਹੀਂ ਹਨ, ਉਹ ਵੀ ਇਸ ਮੁਫ਼ਤ ਸਕ੍ਰੀਨਿੰਗ ਮੈਮੋਗ੍ਰਾਮ ਲਈ ਯੋਗ ਹਨ।

ਇਸ ਵਿੱਚ ਹਰ 2 ਸਾਲ ਬਾਅਦ ਬ੍ਰੈਸਟ ਸਕਰੀਨਿੰਗ ਕੀਤੀ ਜਾਂਦੀ ਹੈ ਅਤੇ ਛੋਟੇ ਤੋਂ ਛੋਟੇ ਕੈਂਸਰਗ੍ਰਸਤ ਭਾਗ ਮੈਮੋਗ੍ਰਾਮ ਦੁਆਰਾ ਪਛਾਣੇ ਜਾ ਸਕਦੇ ਹਨ।

Breast Care Awareness Punjabi
Mammography is an x-ray of breasts.
Getty Images

ਬ੍ਰੈਸਟ ਕੈਂਸਰ ਦੇ ਲੱਛਣ:

ਛਾਤੀ ਵਿੱਚ ਹੋਣ ਵਾਲੀਆਂ ਤਬਦੀਲੀਆਂ ਤੋਂ ਸਤਰਕ ਰਹਿਣ ਬਾਰੇ ਗੱਲ ਕਰਦਿਆਂ ਪਰਵੀਨ ਨੇ ਕਿਹਾ ਕਿ ਜੇ ਤੁਸੀਂ ਅਸਾਧਾਰਣ ਛਾਤੀ ਦਾ ਦਰਦ ਜਾਂ ਗੁੰਝਲਦਾਰ ਮਹਿਸੂਸ ਕਰਦੇ ਹੋ, ਗੰਢਾਂ, ਬ੍ਰੈਸਟ 'ਚ ਕੋਈ ਉਭਾਰ, ਪਾਣੀ ਜਾਂ ਖ਼ੂਨ ਦਾ ਨਿੱਪਲ ਡਿਸਚਾਰਜ, ਇਨਵਰਟੇਡ ਨਿੱਪਲ ਯਾ ਛਾਤੀ ਦੇ ਆਕਾਰ ਵਿੱਚ ਕੋਈ ਬਦਲਾਅ ਵੇਖਦੇ ਹੋ ਤਾਂ ਤੁਰੰਤ ਡਾਕਟਰ ਦੀ ਸਲਾਹ ਲਓ।

"ਜੇ ਸਥਿਤੀ ਵਿਗੜ ਜਾਵੇ ਤਾਂ ਮੌਤ ਦਾ ਖ਼ਤਰਾ ਹੋ ਸਕਦਾ ਹੈ ਜਿਸ ਲਈ ਇਸ ਦੇ ਲੱਛਣ ਜਾਨਣੇ ਬਹੁਤ ਜ਼ਰੂਰੀ ਹਨ," ਉਨ੍ਹਾਂ ਕਿਹਾ।

ਪਰਵੀਨ ਅਨੁਸਾਰ  ਜੀਵਨ ਕਾਲ ਦੇ ਦੌਰਾਨ ਬਹੁਤ ਸਾਰੇ ਕਾਰਕ ਹਨ ਜੋ  ਛਾਤੀ ਦੇ ਕੈਂਸਰ ਦੇ ਜੋਖ਼ਮ ਨੂੰ ਪ੍ਰਭਾਵਤ ਕਰ ਸਕਦੇ ਹਨ। ਵੱਧਦੀ ਉਮਰ, ਵੱਧਦਾ ਭਾਰ, ਖਰਾਬ ਜੀਵਨਸ਼ੈਲੀ, ਸ਼ਰਾਬ ਤੇ ਸਿਗਰੇਟ ਦੀ ਵਰਤੋਂ, ਜਨੈਟਿਕ੍ਸ (ਪਰਿਵਾਰਕ ਇਤਿਹਾਸ ), ਆਦਿ ਕਾਰਣ ਕੈਂਸਰ ਦੇ ਜੋਖ਼ਮ ਨੂੰ ਪ੍ਰਭਾਵਤ ਕਰ ਸਕਦੇ ਹਨ ਜਿਨ੍ਹਾਂ ਤੋਂ ਸਤਰਕ ਰਹਿਣ ਦੀ ਜ਼ਰੂਰਤ ਹੈ। 

Breast Cancer Awareness Punjabi
Estimated most common cancers diagnosed, 2021.
Cancer Australia website

ਕੈਂਸਰ ਦੇ 2019 ਦੇ ਅੰਕੜਿਆਂ ਅਨੁਸਾਰ, ਛਾਤੀ ਦੇ ਕੈਂਸਰ ਨੇ ਆਸਟ੍ਰੇਲੀਆ ਵਿੱਚ ਪ੍ਰੋਸਟੇਟ ਕੈਂਸਰ ਦੇ ਅੰਕੜਿਆਂ ਨੂੰ ਪਛਾੜ ਦਿੱਤਾ ਹੈ ਅਤੇ ਇਸ ਸਾਲ 2021 ਵਿੱਚ 20,000 ਤੋਂ ਵੱਧ ਨਵੇਂ ਬ੍ਰੈਸਟ ਕੈਂਸਰ ਕੇਸਾਂ ਦੇ ਨਿਦਾਨ ਹੋਣ ਦਾ ਅਨੁਮਾਨ ਹੈ।

ਵਧੇਰੇ ਜਾਣਕਾਰੀ , ਬ੍ਰੈਸਟ ਸਕ੍ਰੀਨ ਆਸਟ੍ਰੇਲੀਆ ਤੇ ਉਪਲੱਭਦ ਹੈ।
ਵਿਕਟੋਰੀਆ ਵਿੱਚ ਸਕ੍ਰੀਨਿੰਗ ਬੁੱਕ ਕਰਨ ਲਈ, ਬ੍ਰੈਸਟ ਸਕ੍ਰੀਨ ਵਿਕਟੋਰੀਆ ਤੇ ਜਾਓ।

Read this story in English

ਰੇਡੀਓਗ੍ਰਾਫਰ ਪਰਵੀਨ ਸਿੰਘ ਨਾਲ਼ ਕੀਤੀ ਇਹ ਆਡੀਓ ਇੰਟਰਵਿਊ ਸੁਣਨ ਲਈ ਪੇਜ ਦੇ ਉੱਪਰ ਤਸਵੀਰ ਵਿੱਚ ਬਣੇ ਪਲੇਅਰ ਤੇ ਕਲਿੱਕ ਕਰੋ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।

Coming up next

# TITLE RELEASED TIME MORE
ਆਸਟ੍ਰੇਲੀਆ ਦੀਆਂ ਪਰਵਾਸੀ ਔਰਤਾਂ ਨੂੰ ਛਾਤੀ ਦੇ ਕੈਂਸਰ ਤੋਂ ਬਚਾਅ ਲਈ ਨਿਯਮਤ ਮੈਮੋਗ੍ਰਾਮ ਕਰਵਾਉਣ ਦੀ ਅਪੀਲ 25/10/2021 08:51 ...
ਲੂਨਰ ਨਵਾਂ ਸਾਲ ਕੀ ਹੈ ਅਤੇ ਇਹ ਆਸਟ੍ਰੇਲੀਆ ਵਿੱਚ ਕਿਵੇਂ ਮਨਾਇਆ ਜਾਂਦਾ ਹੈ? 28/01/2022 11:21 ...
ਸਿਹਤ ਕਰਮਚਾਰੀਆਂ ਅਤੇ ਨਰਸਾਂ ਦਰਪੇਸ਼ ਅਜੇ ਵੀ ਆ ਰਹੀਆਂ ਨੇ ਕਈ ਚੁਣੋਤੀਆਂ 28/01/2022 07:00 ...
ਪਾਕਿਸਤਾਨ ਡਾਇਰੀ: ਪੱਤਰਕਾਰ ਹੁਸਨੈਨ ਸ਼ਾਹ ਦੀ ਲਾਹੌਰ ਪ੍ਰੈੱਸ ਕਲੱਬ ਦੇ ਬਾਹਰ ਗੋਲੀ ਮਾਰਕੇ ਹੱਤਿਆ 27/01/2022 06:44 ...
'ਤਾਰਾ ਤਾਰਾ ਖੇਡੇ': ਪਾਕਿਸਤਾਨੀ ਪੰਜਾਬੀ ਕਵੀ ਇਰਸ਼ਾਦ ਸਿੰਧੂ ਦਾ ਗ਼ਜ਼ਲ ਪਰਾਗਾ 27/01/2022 10:48 ...
ਇਸ ਸ਼ਤਾਬਦੀ ਦੇ ਅੰਤ ਤੱਕ 1500 ਭਾਸ਼ਾਵਾਂ ਹੋ ਸਕਦੀਆਂ ਹਨ ਅਲੋਪ 25/01/2022 05:00 ...
ਵਿਦਿਆਰਥੀਆਂ ਦੀ ਸੁਰੱਖਿਅਤ ਢੰਗ ਨਾਲ ਸਕੂਲ ਵਾਪਸੀ ਦੀ ਤਿਆਰੀ ਸ਼ੁਰੂ 24/01/2022 07:00 ...
ਆਸਟ੍ਰੇਲੀਆ ਵਿੱਚ 5-11 ਸਾਲ ਦੇ ਬੱਚਿਆਂ ਲਈ ਟੀਕਾਕਰਨ ਦੀ ਹੋਈ ਸ਼ੁਰੂਆਤ 14/01/2022 09:53 ...
ਠੰਡ ਦਾ ਮਹੀਨਾ ਉੱਤੋਂ ਢੋਲੀਆਂ ਦਾ ਸ਼ੋਰ ਹੈ, ਰੌਣਕਾਂ ਨੇ ਲੱਗੀਆਂ ਬਾਈ ਵਿਆਹਾਂ ਦਾ ਦੌਰ ਹੈ 07/01/2022 07:44 ...
ਮੁਸਲਿਮ ਔਰਤਾਂ ਦੀ 'ਨਿਲਾਮੀ ਕਰਨ' ਵਾਲੀ ਐਪ ਬਨਾਉਣ ਵਾਲੇ ਆਰੋਪੀਆਂ ਨੂੰ ਲਿਆ ਗਿਆ ਹਿਰਾਸਤ 'ਚ 05/01/2022 04:13 ...
View More