ਸਿਡਨੀ ਵਿਖੇ ਰੇਲਗੱਡੀ ਦੀਆਂ ਪਟੜੀਆਂ 'ਤੇ ਪਰੈਮ ਡਿੱਗਣ ਕਾਰਨ ਭਾਰਤੀ ਮੂਲ ਦੀ ਬੱਚੀ ਅਤੇ ਪਿਤਾ ਦੀ ਹੋਈ ਮੌਤ

ਦੱਖਣ ਸਿਡਨੀ ਦੇ ਕਾਰਲਟਨ ਸਟੇਸ਼ਨ ਉੱਤੇ ਵਾਪਰੇ ਦੁਖਾਂਤ ਜਿਸ ਵਿੱਚ ਇੱਕ ਪਰੈਮ ਰੇਲ ਦੀ ਪਟੜੀ ਤੇ ਰੁੜਨ ਕਾਰਨ ਰੇਲਗੱਡੀ ਨਾਲ ਟਕਰਾ ਗਈ ਸੀ, ਦੌਰਾਨ ਦੋ ਜੁੜਵਾਂ ਬੱਚੀਆਂ ਦੀ ਜਾਨ ਬਚਾਉਣ ਲਈ ਰੇਲ ਲਾਈਨ 'ਤੇ ਕੁੱਦੇ 40 ਸਾਲਾ ਪਿਤਾ ਆਪਣੀ ਦੋ ਸਾਲ ਦੀ ਇੱਕ ਬੱਚੀ ਸਮੇਤ ਜਾਨ ਤੋਂ ਹੱਥ ਧੋ ਬੈਠੇ ਹਨ। ਸੂਬੇ ਦੇ ਪ੍ਰੀਮੀਅਰ ਨੇ ਭਾਰਤੀ ਮੂਲ ਦੇ ਇਸ ਪਰਿਵਾਰ ਨਾਲ ਹੋਈ ਤ੍ਰਾਸਦੀ 'ਤੇ ਦੁੱਖ ਜ਼ਾਹਿਰ ਕੀਤਾ ਹੈ, ਨਾਲ ਹੀ ਮ੍ਰਿਤਕ ਪਿਤਾ ਦੀ ਬਹਾਦਰੀ ਨੂੰ ਸਰਾਹਿਆ ਹੈ।

A train station with a police line blocking the stairs.

ਰੇਲਗੱਡੀ ਦੀਆਂ ਪਟੜੀਆਂ 'ਤੇ prYm if~gx ਕਾਰਨ ਦੋ ਸਾਲਾ ਬੱਚੀ ਅਤੇ ਇਕ ਵਿਅਕਤੀ ਦੀ ਮੌਤ ਹੋ ਗਈ। Source: AAP / Bianca De Marchi

40 ਸਾਲਾ ਦੇ ਭਾਰਤੀ ਮੂਲ ਦੇ ਇੱਕ ਵਿਅਕਤੀ ਦੀ ਆਪਣੀ ਦੋ ਸਾਲਾ ਦੀ ਬੱਚੀ ਸਮੇਤ ਉਸ ਸਮੇਂ ਦਰਦਨਾਕ ਮੌਤ ਹੋ ਗਈ ਜਦੋਂ ਉਹ ਆਪਣੀਆਂ ਦੋਵੇਂ ਬੱਚੀਆਂ ਦੀ ਜਾਨ ਬਚਾਉਣ ਲਈ ਰੇਲ ਲਾਈਨ ਤੇ ਕੁੱਦ ਗਿਆ ਸੀ, ਜਦੋਂ ਤੇਜ਼ ਹਵਾਵਾਂ ਦੇ ਵੇਗ ਨੇ ਉਸ ਦੀਆਂ ਦੋ ਜੁੜਵਾਂ ਬੱਚੀਆਂ ਵਾਲੀ ਪਰੈਮ ਨੂੰ ਅਚਾਨਕ ਰੇਲ ਲਾਈਨ ਵੱਲ ਧੱਕ ਦਿੱਤਾ।

ਹਾਦਸੇ ਦੌਰਾਨ ਇੱਕ ਬੱਚੀ ਲਾਈਨਾਂ ਦੇ ਐਨ ਵਿਚਕਾਰ ਡਿੱਗ ਪਈ ਅਤੇ ਕਿਸਮਤ ਨੇ ਉਸ ਨੂੰ ਵਾਲ ਵਾਲ ਬਚਾ ਲਿਆ।

ਪਰ ਦੂਜੀ ਬੱਚੀ ਅਤੇ ਉਸ ਦਾ ਪਿਤਾ ਜੋ ਕਿ ਉਹਨਾਂ ਨੂੰ ਬਚਾਉਣ ਲਈ ਪਲੇਟਫਾਰਮ ਤੋਂ ਰੇਲਲਾਈਨ 'ਤੇ ਇਹ ਸੋਚ ਕੇ ਛਾਲ ਮਾਰ ਗਿਆ ਕਿ ਕਿਸੇ ਨਾ ਕਿਸੇ ਤਰਾਂ ਉਹ ਆਪਣੀਆਂ ਬੱਚੀਆਂ ਨੂੰ ਬਚਾ ਸਕੇ।

ਪਰ ਐਨ ਉਸੀਂ ਸਮੇਂ ਰੇਲਗੱਡੀ ਦਾ ਸਮਾਂ ਵੀ ਸਟੇਸ਼ਨ ਤੇ ਪਹੁੰਚਣ ਦਾ ਹੋ ਚੁਕਿਆ ਹੋਣ ਕਾਰਨ, ਪਿਤਾ ਅਤੇ ਉਸ ਦੀ ਇੱਕ ਬੱਚੀ ਰੇਲ ਦੀ ਲਪੇਟ ਵਿੱਚ ਆ ਗਏ ਅਤੇ ਆਪਣੀ ਜਾਨ ਤੋਂ ਹੱਥ ਧੋ ਬੈਠੇ।
ਮੀਡੀਆ ਵਿੱਚ ਆਏ ਪੁਲਿਸ ਬਿਆਨਾਂ ਅਨੁਸਾਰ ਪੀੜਤ ਪਰਿਵਾਰ ਲਿਫਟ ਦੁਆਰਾ ਪਲੇਟਫਾਰਮ ਤੇ ਪੁੱਜਿਆ ਸੀ ਅਤੇ ਆਪਣੀ ਬੱਚੀਆਂ ਵਾਲੀ ਪਰੈਮ ਤੋਂ ਸਿਰਫ ਕੁੱਝ ਛਿਣਾ ਲਈ ਹੀ ਹੱਥ ਚੁੱਕਿਆ ਸੀ।

ਐਨ ਐਸ ਡਬਲਿਊ ਦੇ ਪੁਲਿਸ ਸੁਪਰਿਟੇਂਡੈਂਟ ਪੌਲ ਡਨਸਟਨ ਅਨੁਸਾਰ ਪਿਤਾ ਵਲੋਂ ਆਪਣੀਆਂ ਬੇਟੀਆਂ ਦੀ ਜਾਨ ਬਚਾਉਣ ਲਈ ਲਾਈ ਇਹ ਬਾਜ਼ੀ ਬੇਹੱਦ ਬਹਾਦਰੀ ਅਤੇ ਪ੍ਰਸ਼ੰਸਾ ਭਰਪੂਰ ਹੈ।

"ਇੱਕ ਪਿਤਾ ਹੋਣ ਦੇ ਨਾਤੇ ਉਹ ਬਿਨਾਂ ਕੁੱਝ ਸੋਚਿਆਂ ਪਲੇਟਫਾਰਮ ਤੇ ਕੁੱਦ ਗਿਆ ਸੀ।"

ਐਨ ਐਸ ਡਬਲਿਊ ਦੇ ਪ੍ਰੀਮੀਅਰ ਕ੍ਰਿਸ ਮਿਨਸ ਨੇ ਸਾਰੇ ਭਾਰਤੀ ਭਾਈਚਾਰੇ ਜਿਸ ਨਾਲ ਇਹ ਪਰਿਵਾਰ ਸਬੰਧਤ ਸੀ, ਦੁੱਖ ਸਾਂਝਾ ਕੀਤਾ ਹੈ।

"ਮੈਨੂੰ ਉਮੀਦ ਹੈ ਕਿ ਇਸ ਅਚਾਨਕ ਅਤੇ ਅਸਾਧਾਰਣ ਸਮੇਂ ਇੱਕ ਪਿਤਾ ਵਲੋਂ ਕੀਤੇ ਸੁਭਾਵਕ ਅਤੇ ਬਹਾਦਰੀ ਭਰੇ ਕਾਰਨਾਮੇ ਤੋਂ ਥੋੜਾ ਦਿਲਾਸਾ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।"
A flight of stairs cordoned off by police tape.
ਸਿਡਨੀ ਦੇ ਕਾਰਲਟਨ ਰੇਲਵੇ ਸਟੇਸ਼ਨ 'ਤੇ ਦੋ ਸਾਲਾ ਲੜਕੀ ਅਤੇ 40 ਸਾਲਾ ਵਿਅਕਤੀ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਪੁਲਿਸ ਵਲੋਂ ਹਾਦਸੇ ਦੀ ਗੰਭੀਰਤਾ ਨਾਲ ਜਾਂਚ ਸ਼ੁਰੂ:

ਸਿਡਨੀ ਟਰੇਨਸ ਦੇ ਮੁੱਖ ਅਧਿਕਾਰੀ ਮੈਟ ਲੌਂਗਲੈਂਡ ਦਾ ਕਹਿਣਾ ਹੈ ਕਿ ਇਹੋ ਜਿਹੇ ਹਾਦਸੇ ਬਹੁਤ ਘੱਟ ਹੁੰਦੇ ਹਨ ਪਰ ਇਹਨਾਂ ਨਾਲ ਅਸਿਹ ਦੁੱਖ ਪਹੁੰਚਦਾ ਹੈ।

ਉਨ੍ਹਾਂ ਕਿਹਾ, "ਪੁਲਿਸ ਵਲੋਂ ਇਸ ਮਾਮਲੇ ਦੀ ਬਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਸਾਨੂੰ ਮਾਮਲੇ ਦੀ ਤਹਿ ਤੱਕ ਪਹੁੰਚਣ ਵਿੱਚ ਕੁੱਝ ਸਮਾਂ ਲੱਗ ਸਕਦਾ ਹੈ।"

"ਅਸੀਂ ਆਪਣੇ ਵੱਲੋਂ ਸਾਰੀ ਜਾਣਕਾਰੀ ਪੁਲਿਸ ਨੂੰ ਪ੍ਰਦਾਨ ਕਰ ਦਿੱਤੀ ਹੈ।"
ਪੁਲਿਸ ਵਲੋਂ ਦਿੱਤੇ ਇੱਕ ਬਿਆਨ ਵਿੱਚ ਕਿਹਾ ਗਿਆ ਸੀ ਕਿ ਇਹ ਹਾਦਸਾ ਸ਼ੱਕੀ ਨਹੀਂ ਹੈ।

ਕੋਰੋਨਰ ਵਾਸਤੇ ਇੱਕ ਰਿਪੋਰਟ ਤਿਆਰ ਕੀਤੀ ਜਾ ਰਹੀ ਹੈ।

ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ ਸਾਡਾ ਪੰਜਾਬੀ ਪ੍ਰੋਗਰਾਮ ਐਸ ਬੀ ਐਸ ਸਾਊਥ ਏਸ਼ੀਅਨ 'ਤੇ ਸੁਣੋ। ਸਾਨੂੰ ਫੇਸਬੁੱਕ  ਤੇ ਉੱਤੇ ਵੀ ਫਾਲੋ ਕਰੋ।


Share

Published

By Rashida Yosufzai, MP Singh
Source: SBS

Share this with family and friends


Follow SBS Punjabi

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Punjabi-speaking Australians.
Understand the quirky parts of Aussie life.
Get the latest with our exclusive in-language podcasts on your favourite podcast apps.

Watch on SBS
Punjabi News

Punjabi News

Watch in onDemand