16 ਫਰਵਰੀ ਨੂੰ ਮੈਲਬਰਨ ਦੀ ਇੱਕ ਟਰੈਮ ਵਿੱਚ ਕੀਤੇ ਗਏ ਇਸ ਜਿਣਸੀ ਹਮਲੇ ਦੇ ਹਮਲਾਵਰ ਦੀ ਵਿਕਟੋਰੀਆ ਪੁਲਿਸ ਜੋਰਸ਼ੋਰ ਨਾਲ ਭਾਲ ਕਰ ਰਹੀ ਹੈ।
ਵਿਕਟੋਰੀਆ ਪੁਲਿਸ ਮੁਤਾਬਕ ਇੱਕ 20 ਸਾਲਾਂ ਦੀ ਨੋਜਵਾਨ ਲੜਕੀ ਨੇ ਕੂਈਨ ਵਿਕਟੋਰੀਆ ਮਾਰਕਿਟ ਦੇ ਬਾਹਰੋਂ ਰਾਤ 10.30 ਮਿੰਟ ਤੇ 57 ਨੰਬਰ ਦੀ ਟਰੈਮ ਲਈ ਸੀ।
ਪੁਲਿਸ ਮੁਤਾਬਕ ਜਿਵੇਂ ਹੀ ਇਹ ਟਰੈਮ ਵੈਸਟ ਮੈਰੀਬਰਨੋਂਗ ਇਲਾਕੇ ਵਲ ਵਧੀ ਤਾਂ ਇਕ ਅਣਪਛਾਤੇ ਵਿਅਕਤੀ ਨੇ ਇਸ ਲੜਕੀ ਨਾਲ ਜਿਣਸੀ ਛੇੜਛਾੜ ਕੀਤੀ।
ਪੁਲਿਸ ਨੇ ਸੀਸੀ ਟੀਵੀ ਦੀ ਰਿਕਾਰਡਿੰਗ ਜਾਰੀ ਕਰਦੇ ਹੋਏ ਇੱਕ ਵਿਅਕਤੀ ਦੀ ਭਾਲ ਕਰਨ ਦੀ ਅਪੀਲ ਕੀਤੀ ਹੈ।
ਰਿਕਾਰਡਿੰਗ ਵਿਚਲਾ ਵਿਅਕਤੀ ਭਾਰਤੀ ਖਿੱਤੇ ਨਾਲ ਸਬੰਧਤ ਲਗਦਾ ਹੈ ਅਤੇ ਇਸ ਨੇ ਦਾੜੀ ਰੱਖੀ ਹੋਈ ਹੈ। ਉਸ ਨੇ ਲਾਲ ਰੰਗ ਦੀ ਟੀ-ਸ਼ਰਟ, ਕਾਲੇ ਰੰਗ ਦੀ ਪੈਂਟ ਅਤੇ ਕਾਲੇ ਰੰਗ ਦੀ ਹੀ ਪਗੜੀ ਬੰਨੀ ਹੋਈ ਸੀ।
ਪੀੜਤ ਕੁੜੀ ਨੇ ਦੱਸਿਆ ਕਿ ਉਸ ਦੀ ਮਦਦ ਵਾਸਤੇ ਇੱਕ ਹੋਰ ਔਰਤ ਅੱਗੇ ਆਈ ਅਤੇ ਉਸੀ ਸਮੇਂ ਹੀ ਉਸ ਨੂੰ ਪਤਾ ਚਲਿਆ ਕਿ ਉਸ ਨਾਲ ਕੀ ਬੀਤਿਆ ਹੈ।
ਇਸ ਲੜਕੀ ਨੇ ਸੈਵਨ ਨਿਊਜ਼ ਨਾਲ ਗੱਲ ਕਰਦੇ ਹੋਏ ਕਿਹਾ ਕਿ ਉਸ ਨੂੰ ਪਿਛਲੇ ਦੋ ਮਹੀਨਿਆਂ ਤੋਂ ਲਗਾਤਾਰ ਭਿਆਨਕ ਚਿੰਤਾ ਰਹੀ ਹੈ ਕਿ ਇਹ ਵਾਲਾ ਵਿਅਕਤੀ ਕਦੀ ਵੀ ਦੁਬਾਰਾ ਅਜਿਹਾ ਕਾਰਾ ਕਰ ਸਕਦਾ ਹੈ।
ਇਸ ਬਾਬਤ ਜਾਣਕਾਰੀ ਪ੍ਰਦਾਨ ਕਰਨ ਲਈ ਫੋਨ ਨੰਬਰ 1800 333 000 ਉਤੇ ਸੰਪਰਕ ਕੀਤਾ ਜਾ ਸਕਦਾ ਹੈ ਜਾਂ ਫੇਰ ਖੁਫਿਆ ਰਿਪੋਰਟ ਦੇਣ ਲਈ www.crimestoppersvic.com.au ਉੱਤੇ ਜਾਇਆ ਜਾ ਸਕਦਾ ਹੈ।
Anyone with information is urged to contact Crime Stoppers on 1800 333 000 or submit a confidential report to www.crimestoppersvic.com.au.
