ਜਦੋਂ ਪਰਥ ਨਿਵਾਸੀ ਵਿਸ਼ਾ ਸੁਨਿਆਸੀ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਐਮਰਜੈਂਸੀ ਹਲਾਤਾਂ ਵਿੱਚ ਮਾਰਚ 2020 ਵਿੱਚ ਮੋਰੀਸ਼ਸ ਜਾਣਾ ਪਇਆ ਤਾਂ ਉਨ੍ਹਾਂ ਨੇ ਕਦੇ ਨਹੀਂ ਸੀ ਸੋਚਿਆ ਕਿ ਉਹ ਦੋ ਸਾਲਾਂ ਬਾਅਦ ਵੀ ਉਥੋਂ ਵਾਪਸ ਆਉਣ ਵਿੱਚ ਅਸਮਰਥ ਹੋਣਗੇ।
ਸ਼੍ਰੀਮਤੀ ਸੁਨਿਆਸੀ ਕੋਲ ਬ੍ਰਿਜਿੰਗ ਵੀਜ਼ਾ ਬੀ (ਬੀ ਵੀ ਬੀ) ਸੀ, ਜਿਸਦੀ ਮਿਆਦ ਜੁਲਾਈ 2020 ਵਿੱਚ ਖਤਮ ਹੋ ਗਈ ਜਦੋਂ ਸਰਹਦਾਂ ਬੰਦ ਹੋਣ ਕਰਕੇ ਉਹ ਬਾਹਰ ਫ਼ਸੇ ਹੋਏ ਸੀ।
ਆਸਟ੍ਰੇਲੀਆ ਦੀਆਂ ਪ੍ਰਵਾਸੀ ਨੀਤੀਆਂ ਕਰਕੇ ਵਾਪਸ ਆਉਣ ਵਿੱਚ ਅਸਮਰਥ ਸ਼੍ਰੀਮਤੀ ਸੁਨਿਆਸੀ ਹੁਣ ਤਕ ਆਸਟ੍ਰੇਲੀਆ ਵਿਖੇ ਖ਼ਾਲੀ ਪਏ ਆਪਣੇ ਮਕਾਨ ਦੇ ਕਿਰਾਏ ਦਾ ਭੁਗਤਾਨ ਕਰ ਰਹੇ ਹਨ ਅਤੇ ਹੁਣ ਤਾਂ ਉਹ ਇਨ੍ਹੇ ਮਜਬੂਰ ਹੋ ਗਏ ਹਨ ਕਿ ਉਨ੍ਹਾਂ ਨੂੰ ਆਪਣੇ ਲਾਡਲੇ ਕੁੱਤੇ ਨੂੰ ਵੀ ਕਿਸੇ ਨੂੰ ਗੋਦ ਦੇਣ ਲਈ ਪ੍ਰਬੰਧ ਸ਼ੁਰੂ ਕਰਨੇ ਪੈ ਗਏ ਹਨ।
ਸਰਕਾਰ ਵਲੋਂ ਇਹ ਰਿਆਇਤਾਂ ਅੰਤਰਰਾਸ਼ਟਰੀ ਵਿਦਿਆਰਥੀਆਂ, ਛੁੱਟੀ ਕੱਟਣ ਅਤੇ ਕੰਮ ਕਰਣ ਆਏ ਪ੍ਰਵਾਸੀਆਂ ਅਤੇ ਕੁਝ ਅਸਥਾਈ ਵੀਜ਼ਾ ਧਾਰਕਾਂ ਨੂੰ ਪ੍ਰਦਾਨ ਕੀਤੀਆਂ ਗਇਆਂ ਹਨ ਜਿਸ ਅਧੀਨ 15 ਦਸੰਬਰ 2021 ਤੋਂ ਯੋਗ ਵੀਜ਼ਾ ਧਾਰਕ ਯਾਤਰਾ ਛੋਟ ਲਏ ਬਿਨਾਂ ਆਸਟ੍ਰੇਲੀਆ ਦੀ ਯਾਤਰਾ ਕਰ ਸਕਦੇ ਹਨ।
ਬ੍ਰਿਜਿੰਗ ਵੀਜ਼ਾ ਧਾਰਕਾਂ ਨੂੰ ਇਸ ਸੂਚੀ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ ਜਿਸ ਕਰਕੇ ਉਹ ਠਗਿਆ ਮਹਿਸੂਸ ਕਰ ਰਹੇ ਹਨ ਅਤੇ ਇਸ ਮਾਮਲੇ ਵਿੱਚ ਸਰਕਾਰ ਤੋਂ ਸਪਸ਼ਟੀਕਰਣ ਚਾਹੁੰਦੇ ਹਨ।
ਬ੍ਰਿਜਿੰਗ ਵੀਜ਼ਾ ਧਾਰਕ ਛੋਟ ਲਏ ਬਿਨਾਂ ਆਸਟ੍ਰੇਲੀਆ ਨੂੰ ਛੱਡਕੇ ਜਾ ਸਕਦੇ ਹਨ ਪਰ ਯਾਤਰਾ ਪਾਬੰਦੀਆਂ ਖ਼ਤਮ ਹੋਣ ਤੱਕ ਛੋਟ ਲਏ ਬਗੈਰ ਵਾਪਸ ਨਹੀਂ ਆ ਸਕਦੇ।
ਗ੍ਰਹਿ ਮਾਮਲਿਆਂ ਦੇ ਵਿਭਾਗ ਦੇ ਅੰਕੜਿਆਂ ਅਨੁਸਾਰ 15 ਦਸੰਬਰ 2021 ਤੱਕ ਕੁਲ 23,239 ਬੀ ਵੀ ਬੀ ਧਾਰਕ ਸਨ ਜਿਨ੍ਹਾਂ ਵਿੱਚੋਂ ਤਕਰੀਬਨ 18 ਪ੍ਰਤੀਸ਼ਤ ਇਸ ਸਮੇਂ ਆਸਟ੍ਰੇਲੀਆ ਤੋਂ ਬਾਹਰ ਫ਼ਸੇ ਹੋਏ ਹਨ।
ਐਸ ਬੀ ਐਸ ਆਸਟ੍ਰੇਲੀਆ ਭਰ ਵਿਚਲੇ ਵਿਆਪਕ ਭਾਈਚਾਰੇ ਨੂੰ ਕੋਵਿਡ-19 ਬਾਰੇ ਤਾਜ਼ਾ ਜਾਣਕਾਰੀ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ। 63 ਭਾਸ਼ਾਵਾਂ ਵਿੱਚ ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀ SBS.com.au/coronavirus ਉੱਤੇ ਉਪਲਬਧ ਹੈ।
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।
