ਇਹ ਜਾਣਕਾਰੀ ਤੁਹਾਨੂੰ ਆਸਟ੍ਰੇਲੀਅਨ ਟੈਕਸ ਆਫਿਸ (ਏ ਟੀ ਓ) ਵੱਲੋਂ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਇਸ ਆਡੀਓ ਇੰਟਰਵਿਊ ਵਿੱਚ ਜਗਜੀਤ ਸਿੰਘ, ਆਸਟ੍ਰੇਲੀਅਨ ਟੈਕਸੇਸ਼ਨ ਆਫ਼ਿਸ ਵੱਲੋਂ ਜਾਣਕਾਰੀ ਦੇਣਗੇ।
ਜਿਆਦਾਤਰ ਕਾਰੋਬਾਰ ਆਪਣੀ ਐਕਟੀਵਿਟੀ ਸਟੇਟਮੈਂਟ ਤਿਮਾਹੀ ਭਰਦੇ ਹਨ, ਭਰਨ ਦੀ ਅਗਲੀ ਤਰੀਕ 28 ਜੁਲਾਈ ਹੈ।
ਇਹ ਯਾਦ ਰੱਖਣ ਵਾਲੀ ਗੱਲ ਹੈ ਕਿ ਜੇ ਤੁਹਾਡੇ ਕੋਲ ਭਰਨ ਲਈ ਕੁਝ ਵੀ ਨਾ ਹੋਵੇ ਤਾਂ ਵੀ ਤੁਹਾਨੂੰ 'ਜ਼ੀਰੋ ਐਕਟੀਵਿਟੀ' ਲਿਖਕੇ ਫਾਈਲ ਕਰਨੀ ਚਾਹੀਦੀ ਹੈ। ਜੇ ਸਮੇ ਦੀ ਬਚਤ ਕਰਨੀ ਹੋਵੇ ਤਾਂ ਭਰਨ ਦਾ ਸਹੀ ਤਰੀਕਾ ਔਨਲਾਈਨ ਹੋਏਗਾ।
ਤੁਸੀਂ ਏ ਟੀ ਓ ਦੇ ਔਨਲਾਈਨ ਬਿਜ਼ਨੇਸ ਪੋਰਟਲ ਤੇ ਜਾਕੇ, ਮਾਈ'ਗਵ ਅਕਾਊਂਟ ਜ਼ਰੀਏ, ਇੱਕ ਇੱਕਲੇ ਕਾਰੋਬਾਰੀ ਵਜੋਂ ਇਹ ਜਾਣਕਾਰੀ ਦੇ ਸਕਦੇ ਹੋ। ਔਨਲਾਈਨ ਸਭ ਤੋਂ ਸਰਲ ਤਰੀਕਾ ਹੈ ਅਤੇ ਇਸਦੇ ਚਲਦਿਆਂ ਤੁਹਾਨੂੰ ਅਦਾਇਗੀ ਲਈ ਤੇ ਜਾਣਕਾਰੀ ਭਰਨ ਲਈ ਦੋ ਵਾਧੂ ਹਫਤੇ ਵੀ ਮਿਲ ਜਾਂਦੇ ਹਨ।
ਟੈਕਸ ਰੀਟਰਨ ਮਾਈ'ਟੈਕਸ ਜ਼ਰੀਏ ਔਨਲਾਈਨ ਭਰੀ ਜਾ ਸਕਦੀ ਹੈ ਜਾਂ ਇਸ ਲਈ ਤੁਸੀਂ ਕਿਸੇ ਰਜਿਸਟਰਡ ਟੈਕਸ ਏਜੇਂਟ ਦੀ ਮਦਦ ਵੀ ਲੈ ਸਕਦੇ ਹੋ। ਇਹ ਕੰਮ 1 ਜੁਲਾਈ ਤੋਂ ਬਾਅਦ ਮਾਈ'ਟੈਕਸ ਜ਼ਰੀਏ ਔਨਲਾਈਨ ਕੀਤਾ ਜਾ ਸਕਦਾ ਹੈ ਜਾਂ ਤੁਸੀਂ 31 ਅਕਤੂਬਰ ਤੋਂ ਪਹਿਲਾਂ ਟੈਕਸ ਏਜੇਂਟ ਦੀ ਸਹੂਲਤ ਲੈ ਸਕਦੇ ਹੋ।
ਜੇ ਤੁਸੀਂ ਸੋਚ ਲਿਆ ਹੈ ਕਿ ਇਹ ਕੰਮ ਕਿਸੇ ਏਜੰਟ ਰਾਹੀਂ ਕਰਨਾ ਹੈ ਤਾਂ ਇਹ ਜ਼ਰੂਰ ਪਤਾ ਕਰ ਲਓ ਕਿ ਕੀ ਉਹ ਤਸਦੀਕਸ਼ੁਦਾ ਹੈ, ਰਜਿਸਟਰਡ ਹੈ। ਇਸ ਬਾਰੇ ਔਨਲਾਈਨ ਟੀ ਪੀ ਬੀ ਡਾਟ ਗਵ ਡਾਟ ਏ ਯੂ ਤੋਂ ਪਤਾ ਕੀਤਾ ਜਾ ਸਕਦਾ ਹੈ।
ਪਰ ਇਹ ਗੱਲ ਯਾਦ ਰੱਖੋ ਕਿ ਜਾਣਕਾਰੀ ਭਾਵੇਂ ਉਸਨੇ ਭਰੀ ਹੈ ਪਰ ਇਸ ਤਹਿਤ ਜਿੰਮੇਵਾਰੀ ਤੁਹਾਡੀ ਬਣਦੀ ਹੈ। ਤੁਹਾਨੂੰ ਆਪਣੀ ਸਾਰੀ ਆਮਦਨ ਦਾ ਵੇਰਵਾ ਦੇਣਾ ਪੈਣਾ ਹੈ, ਜਿਸ ਵਿੱਚ ਕੈਸ਼ ਕੀਤੇ ਕੰਮ ਦੀ ਆਮਦਨ, ਕਾਰੋਬਾਰਾਂ ਵਿਚ ਹਿੱਸੇਦਾਰੀ, ਤੁਹਾਡੀ ਦੂਜੀ ਨੌਕਰੀ, ਵਿਦੇਸ਼ੀ ਆਮਦਨ ਤੇ ਕੈਪੀਟਲ ਗੇਨ ਵੀ ਸ਼ਾਮਿਲ ਹੈ।
ਜੇ ਤੁਸੀਂ ਮਾਈਟੈਕ੍ਸ ਜ਼ਰੀਏ ਟੈਕਸ ਰਿਟਰਨ ਭਰਨੀ ਹੋਵੇ ਤਾਂ ਸਹੀ ਸਮਾਂ ਮੱਧ-ਅਗਸਤ ਹੁੰਦਾ ਹੈ। ਓਦੋਂ ਤੱਕ ਸਾਰੀ ਜਾਣਕਾਰੀ ਪਹਿਲਾਂ ਹੀ ਆਨਲਾਈਨ ਪੋਰਟਲ ਵਿੱਚ ਆ ਜਾਂਦੀ ਹੈ, ਤੁਹਾਡੇ ਰੁਜ਼ਗਾਰਦਾਤਾ, ਪ੍ਰਾਈਵੇਟ ਸਿਹਤ ਬੀਮਾ, ਬੈਂਕ ਤੇ ਹੋਰ ਸਰਕਾਰੀ ਅਦਾਰਿਆਂ ਵੱਲੋਂ ਪਹਿਲਾਂ ਹੀ ਕਾਫੀ ਸਾਰੀ ਜਾਣਕਾਰੀ ਭਰ ਦਿੱਤੀ ਗਈ ਹੁੰਦੀ ਹੈ।
ਤੁਸੀਂ ਸਿਰਫ ਇਸ ਜਾਣਕਾਰੀ ਤੇ ਨਿਗਾਹ ਮਾਰਨੀ ਹੈ ਤੇ ਜੋ ਕੋਈ ਜਾਣਕਾਰੀ ਨਾ ਹੋਵੇ ਤਾਂ ਉਸਨੂੰ ਸਹੀ ਕਰਨਾ ਹੈ - ਇਸ ਤਰਾਹ ਤੁਸੀਂ ਆਪਣੀ ਆਮਦਨ ਦਾ ਸਹੀ ਵੇਰਵਾ ਤੇ ਰਿਕਾਰਡ ਰੱਖ ਸਕਦੇ ਹੋ। ਇਸ ਬਾਰੇ ਹੋਰ ਜਾਣਕਾਰੀ ਏ ਟੀ ਓ ਦੀ ਵੈਬਸਾਈਟ ato.gov.au ਜਾ ਸਕਦੀ ਹੈ।
ਜੇ ਤੁਹਾਨੂੰ ਲੋੜ ਹੋਵੇ ਤਾਂ 13 14 50 ਤੇ ਫੋਨ ਕਰਕੇ ਆਪਣੀ ਭਾਸ਼ਾ ਵਿੱਚ ਮਦਦ ਲੈਂਦਿਆਂ ਟੈਕਸ ਅਫਸਰ ਨਾਲ 13 28 66 'ਤੇ ਰਾਬਤਾ ਬਣਾਇਆ ਜਾ ਸਕਦਾ ਹੈ।
