ਨਿਊਜ਼ੀਲੈਂਡ ਵਿੱਚ ਪੈਦਾ ਹੋਏ ਅਤੇ 2011 ਵਿੱਚ ਆਸਟ੍ਰੇਲੀਆ ਆ ਵੱਸੇ ਗੁਰਸੇਵਕ ਸਿੰਘ ਦਾ ਬਚਪਨ ਅਤੇ ਜਵਾਨੀ ਬੇਸ਼ੱਕ ਪੰਜਾਬ ਵਿੱਚ ਨਹੀਂ ਬੀਤਿਆ ਪਰ ਦਾਦਾ-ਦਾਦੀ ਅਤੇ ਨਾਨਾ-ਨਾਨੀ ਵਲੋਂ ਸਿੱਖ ਧਰਮ ਤੇ ਪੰਜਾਬੀ ਸੱਭਿਆਚਾਰ ਬਾਰੇ ਦੱਸੀਆਂ ਗੱਲਾਂ ਦਾ ਇੰਨਾ ਅਸਰ ਹੋਇਆ ਕਿ ਚਿੱਤਰਕਾਰੀ ਦੇ ਸ਼ੌਕੀਨ ਗੁਰਸੇਵਕ ਨੇ ਪੰਜਾਬ ਨੂੰ ਰੰਗਾਂ ਰਾਹੀਂ ਬਿਆਨ ਕਰਨਾ ਸ਼ੁਰੂ ਕਰ ਦਿੱਤਾ।
ਗੁਰਸੇਵਕ ਸਿੰਘ ਆਪਣੀ ਚਿੱਤਰਕਲਾ ਰਾਹੀਂ ਨਵੀਂ ਪੀੜ੍ਹੀ ਨੂੰ ਪੰਜਾਬ ਬਾਰੇ ਜਾਣੂ ਕਰਵਾਉਣ ਅਤੇ ਪੰਜਾਬ ਨਾਲ ਜੋੜ ਕੇ ਰੱਖਣ ਦੇ ਉਪਰਾਲੇ ਕਰ ਰਹੇ ਹਨ।
ਗੁਰਸੇਵਕ ਵਲੋਂ ਬਣਾਈਆਂ ਪੰਜਾਬ ਦੀਆਂ ਵੱਖ-ਵੱਖ ਤਸਵੀਰਾਂ ਵਿੱਚ ਪਿੰਡ ਦੀ ਫਿਰਨੀ, ਗੁਰਦੁਆਰਿਆਂ ਦੇ ਗੁੰਬਦ, ਨਿਸ਼ਾਨ ਸਾਹਿਬ, ਫੁਲਕਾਰੀ, ਲੋਕ ਨਾਚ ਗਿੱਧਾ ਅਤੇ ਖੇਤ ਸ਼ਾਮਲ ਹਨ।
ਮੌਜੂਦਾ ਸਮੇਂ ਵਿੱਚ ਮੈਲਬਰਨ ਦੇ ਮਿਕਲ੍ਹਮ ਇਲਾਕੇ ’ਚ ਰਹਿੰਦੇ ਗੁਰਸੇਵਕ ਸਿੰਘ ਦਾ ਪਿਛੋਕੜ ਪੰਜਾਬ ਦੇ ਮਾਲਵਾ ਖੇਤਰ, ਭਵਾਨੀਗੜ੍ਹ (ਸੰਗਰੂਰ) ਦਾ ਹੈ।
ਹਾਲਾਂਕਿ ਪੰਜਾਬ ਦੀ ਤਰਜ਼ਮਾਨੀ ਕਰਦੇ ਅਨੇਕਾਂ ਮੰਚ ਮੌਜੂਦ ਹਨ ਪਰ ਤਸਵੀਰਾਂ ਦਾ ਇਹ ਮਾਧਿਅਮ ਵੀ ਆਸਟ੍ਰੇਲੀਅਨ ਪੰਜਾਬੀਆਂ ਦੀ ਨਵੀਂ ਪੀੜ੍ਹੀ ਅਤੇ ਹੋਰਨਾਂ ਭਾਈਚਾਰਿਆਂ ਨੂੰ ਪੰਜਾਬ ਤੇ ਪੰਜਾਬੀਅਤ ਬਾਰੇ ਜਾਣੂ ਕਰਵਾਉਣ ਦੀ ਭੂਮਿਕਾ ਅਦਾ ਕਰ ਰਿਹਾ ਹੈਗੁਰਸੇਵਕ ਸਿੰਘ
ਐਸਬੀਐਸ ਪੰਜਾਬੀ ਨਾਲ ਗੱਲਬਾਤ ਕਰਦਿਆਂ ਗੁਰਸੇਵਕ ਸਿੰਘ ਨੇ ਦੱਸਿਆ ਕਿ ਪੰਜਾਬ ਦੀਆਂ ਇਹ ਤਸਵੀਰਾਂ ਪਿਛਲੇ ਸਾਲ ਤੋਂ ਬਣਾਈਆਂ ਜਾ ਰਹੀਆਂ ਹਨ ਅਤੇ ਇਸ ਦੇ ਲਈ ਉਸ ਨੇ ਬਕਾਇਦਾ ਪੰਜਾਬ ਦਾ ਦੌਰਾ ਵੀ ਕੀਤਾ ਹੈ। ਉਸ ਨੇ ਹਿਊਮ ਸਿਟੀ ਕੌਂਸਲ ਦੀ ਸਹਾਇਤਾ ਨਾਲ ਕਰੇਗੀਬਰਨ ਲਾਈਬ੍ਰਰੀ ਗੈਲਰੀ ਵਿੱਚ ਇਨ੍ਹਾਂ ਤਸਵੀਰਾਂ ਦੀ ਇੱਕ ਪ੍ਰਦਰਸ਼ਨੀ ਵੀ ਲਗਾਈ ਹੈ ਜੋ 12 ਮਈ ਨੂੰ ਸਮਾਪਤ ਹੋ ਜਾਵੇਗੀ।
ਪੰਜਾਬ ਤੋਂ ਦੂਰ ਬਹਿ ਕੇ ਆਪਣੇ ਆਪ ਨੂੰ ਅਤੇ ਦੂਜਿਆਂ ਨੂੰ ਪੰਜਾਬ ਦੀ ਅਮੀਰ ਵਿਰਾਸਤ ਨਾਲ ਜੋੜ ਕੇ ਰੱਖਣਾ ਬਹੁਤ ਜ਼ਰੂਰੀ ਹੈਗੁਰਸੇਵਕ ਸਿੰਘ
ਹੋਰ ਵੇਰਵੇ ਲਈ ਇਹ ਆਡੀਓ ਇੰਟਰਵਿਊ ਸੁਣੋ....
Share
