ਆਸਟ੍ਰੇਲੀਆ ਵਿੱਚ ਤੀਜੀ ਪੀੜ੍ਹੀ ਦੀ ਇਹ ਬੱਚੀ ਹਿੰਮਤ ਕੌਰ ਕਿਵੇਂ ਬੋਲ ਰਹੀ ਹੈ ਪੰਜਾਬੀ?

Jessmeet and Jagdeep family.

ਤਸਵੀਰ ਵਿੱਚ ਜੈਸਮੀਤ, ਜਗਦੀਪ ਅਤੇ ਹਿੰਮਤ ਦਾ ਪਰਿਵਾਰ ਹੈ। Top Left: ਹਿੰਮਤ ਦੇ ਨਾਨਾ ਅਤੇ ਨਾਨੀ. Bottom Left: ਹਿੰਮਤ ਦੇ ਦਾਦਾ ਅਤੇ ਦਾਦੀ। Credit: Supplied

ਵੈਸਟਰਨ ਸਿਡਨੀ ਨਿਵਾਸੀ ਹਿੰਮਤ ਕੌਰ ਦੇ ਮਾਂ-ਬਾਪ ਜੈਸਮੀਤ ਕੌਰ ਅਤੇ ਜਗਦੀਪ ਸਿੰਘ ਆਸਟ੍ਰੇਲੀਆ ਵਿੱਚ ਵੱਡੇ ਹੋਏ ਹਨ ਅਤੇ ਜਦੋਂ ਆਪਣੀ 2 ਸਾਲ ਦੀ ਬੇਟੀ ਨੂੰ ਭਾਸ਼ਾ ਸਿਖਾਉਣ ਦੀ ਗੱਲ ਆਈ ਤਾਂ ਉਨ੍ਹਾਂ ਨੇ ਅੰਗਰੇਜ਼ੀ ਨਾਲੋਂ ਪੰਜਾਬੀ ਨੂੰ ਤਰਜੀਹ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਆਸਟ੍ਰੇਲੀਆ ਵਿੱਚ ਰਹਿਣ ਦੇ ਬਾਵਜੂਦ ਉਹਨਾਂ ਜਾਣ-ਬੁੱਝ ਕੇ ਹਿੰਮਤ ਨੂੰ ਅੰਗਰੇਜ਼ੀ ਨਾਲੋਂ ਪੰਜਾਬੀ ਪਹਿਲਾਂ ਸਿਖਾਈ ਤਾਂ ਜੋ ਉਸ ਦਾ ਬਚਪਨ ਤੋਂ ਹੀ ਮਾਂ ਬੋਲੀ, ਸੱਭਿਆਚਾਰ, ਧਰਮ ਅਤੇ ਆਪਣੇ ਬਜ਼ੁਰਗਾਂ ਨਾਲ ਰਿਸ਼ਤਾ ਜੁੜਿਆ ਰਹੇ। ਪੂਰੀ ਗੱਲ ਬਾਤ ਇਸ ਆਡੀਉ ਵਿੱਚ ਸੁਣੋ।


ਵੈਸਟਰਨ ਸਿਡਨੀ ਦੇ ਗੇਬਲਜ਼ ਸਬਰਬ ਵਿੱਚ ਰਹਿੰਦੇ ਜੈਸਮੀਤ ਕੌਰ ਅਤੇ ਜਗਦੀਪ ਸਿੰਘ ਪਰਵਾਸੀ ਪਰਿਵਾਰਾਂ ਦੇ ਬੱਚੇ ਹਨ ਜੋ ਆਸਟ੍ਰੇਲੀਆ ਵਿੱਚ ਵੱਡੇ ਹੋਏ।

ਭਾਵੇਂਕਿ ਜਗਦੀਪ 8 ਸਾਲ ਦੀ ਉਮਰ ਵਿੱਚ ਨਿਊਜ਼ੀਲੈਂਡ ਆਏ ਸਨ ਅਤੇ ਜੈਸਮੀਤ ਦਾ ਜਨਮ ਆਸਟ੍ਰੇਲੀਆ ਦਾ ਹੀ ਹੈ, ਫੇਰ ਵੀ ਇਹ ਜੋੜਾ ਪੰਜਾਬੀਅਤ ਨਾਲ ਗੂੜੀ ਸਾਂਝ ਮਹਿਸੂਸ ਕਰਦਾ ਹੈ।

“ਪੰਜਾਬੀ ਸਾਡੇ ਸਰੀਰ ਦਾ ਹਿੱਸਾ, ਆਪਣੇ ਮਨ ਦਾ ਅੰਗ ਹੈ, ਜਿਸ ਤੋਂ ਬਿਨਾ ਅਸੀਂ ਕੁਝ ਵੀ ਨਹੀਂ ਹਾਂ।” ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦਿਆਂ ਜਗਦੀਪ ਨੇ ਦੱਸਿਆ।

ਉਨ੍ਹਾਂ ਕਿਹਾ ਕਿ ਭਾਵੇਂ ਉਹ ਆਸਟ੍ਰੇਲੀਆ ਵਿੱਚ ਵੱਡੇ ਹੋਏ ਹਨ, ਪਰ ਘਰ ਵਿੱਚ ਮਾਂ ਬਾਪ ਨਾਲ ਹਮੇਸ਼ਾ ਤੋਂ ਹੀ ਪੰਜਾਬੀ ਹੀ ਬੋਲਦੇ ਸਨ।

ਪਰ ਜਦੋਂ ਗੱਲ ਅਗਲੀ ਪੀੜ੍ਹੀ ਦੀ ਆਈ,ਹਿੰਮਤ ਦੀ ਆਈ, ਤਾਂ ਉਸ ਨੂੰ ਵੀ ਪਹਿਲਾਂ ਪੰਜਾਬੀ ਬੋਲੀ ਸਿਖਾਉਣ ਦਾ ਫੈਸਲਾ ਜਾਣਬੁੱਝ ਕੇ ਲਿਆ ਗਿਆ।
Jessmeet and Jagdeep
ਤਸਵੀਰ ਵਿੱਚ ਹਿੰਮਤ ਕੌਰ, ਜਗਦੀਪ ਸਿੰਘ ਅਤੇ ਜੈਸਮੀਤ ਕੌਰ ਹਨ। Credit: Supplied
“ਮੈਨੂੰ ਆਪ ਪੰਜਾਬੀ ਲਿਖਣੀ-ਪੜ੍ਹਣੀ ਨਹੀਂ ਆਉਂਦੀ ਪਰ ਮੈਂ ਚਾਹੁੰਦੀ ਹਾਂ ਕਿ ਮੇਰੀ ਬੇਟੀ ਪੰਜਾਬੀ ਲਿਖੇ,ਪੜ੍ਹੇ ਤੇ ਬੋਲੇ। ਜੈਸਮੀਤ ਨੇ ਕਿਹਾ।

ਹਿੰਮਤ ਆਪਣੇ ਮਾਂ -ਬਾਪ, ਦਾਦਾ-ਦਾਦੀ, ਨਾਨਾ-ਨਾਨੀ, ਅਤੇ ਪੜਦਾਦੀ-ਨਾਨੀ ਦੇ ਪਿਆਰ ਨਾਲ ਵੱਡੀ ਹੋ ਰਹੀ ਹੈ, ਜੋ ਚਾਹੇ ਚਾਈਲਡ ਕੇਅਰ ਵਿੱਚ ਅੰਗਰੇਜ਼ੀ ਭਾਸ਼ਾ ਹੌਲੀ ਹੌਲੀ ਸਿੱਖ ਰਹੀ ਹੈ, ਪਰ ਠੇਠ ਪੰਜਾਬੀ ‘ਚ ਗੱਲਬਾਤ ਹਰ ਰੋਜ਼ ਕਰਦੀ ਹੈ।
Himmat Kaur
ਹਿੰਮਤ ਆਪਣੇ ਦਾਦਾ-ਦਾਦੀ (Bottom Right), ਨਾਨਾ-ਨਾਨੀ (Bottom Left) ਦੇ ਨਾਲ। Credit: Supplied
ਕੀ ਜੈਸਮੀਤ ਅਤੇ ਜਗਦੀਪ ਲਈ ਹਿੰਮਤ ਨੂੰ ਅੰਗਰੇਜ਼ੀ ਨਾਲੋਂ ਪਹਿਲਾਂ ਪੰਜਾਬੀ ਸਿਖਾਉਣ ਦਾ ਫਿਕਰ ਹੈ ਜਾਂ ਸੰਤੁਸ਼ਟੀ ? ਪੂਰੀ ਗੱਲ ਬਾਤ ਜਾਣੋ ਐਸ ਬੀ ਐਸ ਪੰਜਾਬੀ ਦੇ ਇਸ ਪੌਡਕਾਸਟ ਵਿੱਚ।


ਸਾਡੇ ਸਾਰੇ ਪੌਡਕਾਸਟ ਇਸ ਲਿੰਕ ਰਾਹੀਂ ਸੁਣੇ ਜਾ ਸਕਦੇ ਹਨ।

ਐਸ ਬੀ ਐਸ ਪੰਜਾਬੀ ਦੁਨੀਆ ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।

ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਸਾਊਥ ਏਸ਼ੀਅਨ 

ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵਿਜ਼ਨ 'ਤੇ ਚੈਨਲ 305 ਉੱਤੇ, SBS ਆਡੀਓ ਐਪ 

ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਸਾਨੂੰ ਵੈਬਸਾਈਟ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫਾਲੋ ਕਰੋ।

Share
Follow SBS Punjabi

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Punjabi-speaking Australians.
Understand the quirky parts of Aussie life.
Get the latest with our exclusive in-language podcasts on your favourite podcast apps.

Watch on SBS
Punjabi News

Punjabi News

Watch in onDemand