ਭਾਰਤੀ ਸਭਿਆਚਾਰ ਵਿੱਚ ਤਿਓਹਾਰਾਂ ਦੌਰਾਨ ਸ਼ੁੱਭ ਇੱਛਾਵਾਂ ਦੇ ਨਾਲ-ਨਾਲ ਮਿਠਾਈਆਂ ਵੀ ਭੇਂਟ ਕਰਨ ਦਾ ਰਿਵਾਜ ਹੈ। ਬਹੁਤ ਸਾਰੀਆਂ ਮਿਠਾਈਆਂ ਵਿੱਚ ਖੰਡ ਦੇ ਨਾਲ-ਨਾਲ ਘਿਓ, ਸੁੱਕੇ ਮੇਵੇ, ਰਸਾਇਣਕ ਪਦਾਰਥ ਅਤੇ ਰੰਗ ਆਦਿ ਵੀ ਪਾਏ ਜਾਂਦੇ ਹਨ, ਜੋ ਕਿ ਜ਼ਿਆਦਾ ਮਾਤਰਾ ਅਤੇ ਲਗਾਤਾਰ ਖਾਣ ਨਾਲ ਸਿਹਤ ਲਈ ਹਾਨੀਕਾਰਕ ਸਿੱਧ ਹੋ ਸਕਦੇ ਹਨ।
ਸਿਡਨੀ ਦੀ ਡਾਈਟੀਸ਼ੀਅਨ ਸਿਮਰਨ ਗਰੋਵਰ ਮਿਠਾਈਆਂ ਦੀ ਮਿਕਦਾਰ ਅਤੇ ਪੌਸ਼ਟਿਕਤਾ ਬਾਰੇ ਆਪਣੀ ਮਾਹਰ ਸਲਾਹ ਦਿੰਦੇ ਹੋਏ ਕਹਿੰਦੇ ਹਨ ਕਿ, “ਜਿਹੜੀ ਵੀ ਮਿਠਾਈ ਤੁਹਾਨੂੰ ਪਸੰਦ ਹੈ, ਉਸ ਨੂੰ ਜਰੂਰ ਖਾਓ, ਪਰ ਮਾਤਰਾ ਨੂੰ ਸੀਮਤ ਰੱਖਣਾ ਸਿਹਤ ਲਈ ਬਹੁਤ ਹੀ ਜਰੂਰੀ ਹੈ।”
ਤਿਓਹਾਰਾਂ ਦਾ ਅਨੰਦ ਮਾਨਣ ਸਮੇਂ ਸਿਹਤ ਦਾ ਧਿਆਨ ਰਖਣਾ ਵੀ ਜਰੂਰੀ ਹੁੰਦਾ ਹੈ।
ਲੋਕਾਂ ਨੂੰ ਚਾਹੀਦਾ ਹੈ ਕਿ ਉਹ ਮਿਠਾਈਆਂ ਨੂੰ ਰੋਜਾਨਾ ਖਾਣ ਤੋਂ ਪਰਹੇਜ਼ ਕਰਨ, ਅਤੇ ਇਨ੍ਹਾਂ ਦੀ ਮਾਤਰਾ ਨੂੰ ਵੀ ਸੀਮਤ ਕਰਨਾ ਚਾਹੀਦਾ ਹੈ।
ਜ਼ਿਆਦਾ ਖੰਡ ਜਾਂ ਮਿੱਠਾ ਦੰਦਾਂ, ਹੱਡੀਆਂ, ਚਮੜੀ ਆਦਿ ਲਈ ਤਾਂ ਹਾਨੀਕਾਰਕ ਹੁੰਦਾ ਹੀ ਹੈ, ਨਾਲ ਹੀ ਇਸ ਨਾਲ ਸ਼ਰੀਰ ਦਾ ਭਾਰ ਵੀ ਬਹੁਤ ਤੇਜ਼ੀ ਨਾਲ ਵਧਦਾ ਹੈ।
“ਜੇ ਹੋ ਸਕੇ ਤਾਂ ਮਿਠਾਈਆਂ ਨੂੰ ਸਿਹਤਮੰਦ ਚੀਜਾਂ ਜਿਵੇਂ ਸੁੱਕੇ ਮੇਵੇ ਅਤੇ ਤਾਜ਼ੇ ਫਲਾਂ ਨਾਲ ਬਦਲੋ।”
ਬੇਸ਼ਕ ਮਿਠਾਈਆਂ ਖਾਣ ਤੋਂ ਬਿਲਕੁਲ ਪਰਹੇਜ਼ ਤਾਂ ਨਹੀਂ ਕੀਤਾ ਜਾ ਸਕਦਾ, ਪਰ ਇਸ ਦੀ ਮਾਤਰਾ ਨੂੰ ਜ਼ਰੂਰ ਘੱਟ ਕੀਤਾ ਜਾਣਾ ਚਾਹੀਦਾ ਹੈ।
ਜਿਆਦਾ ਮਿੱਠੇ ਦਾ ਸੇਵਨ ਸਿਰਫ਼ ਡਾਇਬੀਟੀਜ਼ ਦੇ ਮਰੀਜ਼ਾਂ ਨੂੰ ਹੀ ਨਹੀਂ ਘਟਾਉਣਾ ਚਾਹੀਦਾ ਬਲਿਕ ਆਮ ਲੋਕਾਂ ਨੂੰ ਵੀ ਇਸ ਦੀ ਮਿਕਦਾਰ ਸੀਮਤ ਹੀ ਰੱਖਣੀ ਚਾਹੀਦੀ ਹੈ।
“ਘਰਾਂ ਵਿੱਚ ਬਣਾਈਆਂ ਜਾਣ ਵਾਲੀਆਂ ਮਿਠਾਈਆਂ ਵਿੱਚ ਲੋਕ ਆਪਣੀ ਪਸੰਦ ਅਨੁਸਾਰ ਵਸਤੂਆਂ ਦੀ ਮਿਕਦਾਰ ਘਟਾ ਵਧਾ ਸਕਦੇ ਹਨ। ਪਰ ਬਜ਼ਾਰਾਂ ਵਿੱਚ ਮਿਲਣ ਵਾਲੀਆਂ ਮਿਠਾਈਆਂ ਜਿਆਦਾ ਲਾਭ ਲੈਣ ਦੇ ਆਸ਼ੇ ਨਾਲ ਗੈਰ ਸਿਹਤਮੰਦ ਚੀਜਾਂ ਨਾਲ ਬਣਾ ਕੇ ਵੇਚੀਆਂ ਜਾਂਦੀਆਂ ਹਨ”, ਮਿਸ ਗਰੋਵਰ ਨੇ ਕਿਹਾ।
ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।
ਐਸ ਬੀ ਐਸ ਆਸਟ੍ਰੇਲੀਆ ਭਰ ਵਿਚਲੇ ਵਿਆਪਕ ਭਾਈਚਾਰੇ ਨੂੰ ਕੋਵਿਡ-19 ਬਾਰੇ ਤਾਜ਼ਾ ਜਾਣਕਾਰੀ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ। 63 ਭਾਸ਼ਾਵਾਂ ਵਿੱਚ ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀ SBS.com.au/coronavirus ਉੱਤੇ ਉਪਲਬਧ ਹੈ।
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।
