ਪਾਵਰਲਿਫਟਰ, ਕੋਚ ਅਤੇ ਮੈਡੀਕਲ ਵਿਦਿਆਰਥਣ ਕਿਰਨ ਸੰਧੂ ਨੇ ਆਪਣਾ ਪਾਵਰਲਿਫਟਿੰਗ ਦਾ ਸਫ਼ਰ ਸਾਂਝਾ ਕਰਦਿਆਂ ਦੱਸਿਆ ਕਿ ਕਿਵੇਂ ਉਹ ਆਪਣੀ ਰਿਹਾਇਸ਼ ਦੀ ਕਾਰਪਾਰਕ ਤੋਂ ਇੱਕ ਮਾਮੂਲੀ ਜਿਹੀ ਸ਼ੁਰੂਆਤ ਕਰਕੇ ਨੈਸ਼ਨਲ ਪੱਧਰ ਤੱਕ ਪਹੁੰਚੀ ਹੈ। ਨਾਲ ਹੀ ਕਿਰਨ ਨੇ ਫਿਟਨੈਸ 'ਚ ਆਉਣ ਵਾਲੀਆਂ ਔਰਤਾਂ ਨੂੰ ਆਉਂਦੀਆਂ ਮੁਸ਼ਕਿਲਾਂ 'ਤੇ ਚਾਨਣਾ ਪਾਇਆ ਕਿ ਕਈ ਵਾਰ ਕਿਸ ਤਰ੍ਹਾਂ ਉਨ੍ਹਾਂ ਨੂੰ ਨਿਰਾਸ਼ਜਨਕ ਟਿੱਪਣੀਆਂ ਦਾ ਵੀ ਸਾਹਮਣਾ ਕਰਨਾ ਪੈਂਦਾ ਹੈ, ਪੂਰੀ ਗੱਲਬਾਤ ਇਸ ਇੰਟਰਵਿਊ ਰਾਹੀਂ ਸੁਣੋ...
Key Points
- ਕਿਰਨ ਸੰਧੂ ਆਪਣੀ ਬਿਲਡਿੰਗ ਦੀ ਕਾਰਪਾਰਕ ਤੋਂ ਨੈਸ਼ਨਲ ਪੱਧਰ ਤੱਕ ਦੇ ਸ਼ਾਨਦਾਰ ਪਾਵਰਲਿਫਟਿੰਗ ਵਾਲੇ ਸਫ਼ਰ ਨੂੰ ਸ਼ਾਂਝਾ ਕਰਦੇ ਹਨ।
- ਕਿਰਨ ਨੂੰ ਬਹੁਤ ਸਾਰੇ ਨਿਰਾਸ਼ਜਨਕ ਕੰਮੈਂਟਾਂ ਦਾ ਸਾਹਮਣਾ ਵੀ ਕਰਨਾ ਪਿਆ ਜਿਸ ਕਾਰਨ ਉਹਨਾਂ ਦਾ ਮਨੋਬਲ ਕਾਫੀ ਪ੍ਰਭਾਵਤ ਹੋਇਆ।
- ਯੂ ਐਸ ਏ ਪਾਵਰਲਿਫਟਿੰਗ ਆਸਟ੍ਰੇਲੀਆ ਮੁਕਾਬਲੇ ਵਿੱਚ ਹਿੱਸਾ ਲੈਕੇ ਕਿਰਨ ਨੇ ਸਰੀਰਕ, ਮਾਨਸਿਕ, ਅਤੇ ਸਮਾਜਿਕ ਫਾਇਦਿਆਂ ਦਾ ਕਾਫੀ ਅਨੁਭਵ ਕੀਤਾ।
ਐਸ ਬੀ ਐਸ ਨਾਲ ਗੱਲ ਕਰਦਿਆਂ ਕਿਰਨ ਸੰਧੂ ਨੇ ਦੱਸਿਆ ਕੇ ਉਹਨਾਂ ਨੇ ਆਪਣਾ ਖੇਡਾਂ ਵਿਚਲਾ ਸਫ਼ਰ ਤੈਰਾਕੀ ਤੋਂ ਸ਼ੁਰੂ ਕੀਤਾ, ਫੇਰ ਕੋਵਿਡ ਲੌਕਡਾਊਨ ਦੌਰਾਨ ਭਾਰ ਚੁੱਕਣ ਦੇ ਤਜ਼ਰਬੇ ਨੇ ਉਹਨਾਂ ਨੂੰ ਪਾਵਰਲਿਫਟਿੰਗ ਦਾ ਰਾਹ ਦਿਖਾਇਆ।
ਪਰ, ਪਾਵਰਲਿਫਟਿੰਗ ਦੀ ਦੁਨੀਆ ਵਿੱਚ ਕਦਮ ਰੱਖਣ ਦੌਰਾਨ ਅਤੇ ਆਪਣੇ ਆਪ ਨੂੰ ਮਜ਼ਬੂਤ ਬਨਾਉਣ ਦੀ ਇੱਛਾ ਰੱਖਣ ਵਾਲੀ ਕਿਰਨ ਨੂੰ ਕਾਫੀ ਨਿਰਾਸ਼ਜਨਕ ਟਿੱਪਣੀਆਂ ਦਾ ਸਾਹਮਣਾ ਵੀ ਕਰਨਾ ਪਿਆ।
ਕਿਰਨ ਦਾ ਕਹਿਣਾ ਹੈ ਕਿ ਨਕਾਰਾਤਮਕ ਕੰਮੈਂਟਾਂ ਨਾਲ ਉਸ ਦਾ ਮਨੋਬਲ ਕਾਫੀ ਪ੍ਰਭਾਵਿਤ ਹੋਇਆ ਅਤੇ ਉਹ ਪਾਵਰਲਿਫਟਿੰਗ ਦੀ ਖੇਡ ਨੂੰ ਬਰਕਰਾਰ ਰੱਖਣ ਉੱਤੇ ਮੁੜ ਵਿਚਾਰ ਕਰਨ ਲਈ ਮਜਬੂਰ ਹੋਈ।
ਕਿਰਨ ਨੂੰ ਲੱਗਦਾ ਹੈ ਕਿ ਜੋ ਸ਼ਬਦ ਪਾਵਰਲਿਫਟਿੰਗ ਕਰ ਰਹੀਆਂ ਔਰਤਾਂ ਪ੍ਰਤੀ ਵਰਤੇ ਜਾਂਦੇ ਹਨ ਉਹਨਾਂ ਨਾਲ ਔਰਤਾਂ ਨੂੰ ਪਿੱਛੇ ਧੱਕਿਆ ਜਾਂਦਾ ਹੈ ਅਤੇ ਸਕਰਾਤਮਾਕ ਲਫ਼ਜ਼ਾਂ ਨਾਲ ਉਹਨਾਂ ਵਰਗੇ ਹੋਰ ਕਈ ਭਾਗੀਦਾਰ ਇਸ ਖੇਡ ਵਿੱਚ ਆਉਣ ਲਈ ਉਤਸ਼ਾਹਿਤ ਹੋਣਗੇ।
ਕਿਰਨ ਦਾ ਮਨਣਾ ਹੈ ਕੇ ਫਿਟਨੈੱਸ ਸਿਰਫ ਪਤਲਾ ਜਾਂ ਤਕੜਾ ਸਰੀਰ ਬਨਾਉਣ ਬਾਰੇ ਨਹੀਂ ਹੈ, ਬਲਕਿ ਆਪਣੀ ਸਰੀਰਕ ਅਤੇ ਮਾਨਸਿਕ ਤੰਦਰੁਸਤੀ ਦਰਮਿਆਨ ਲਾਭਦਾਇਕ ਰਿਸ਼ਤਾ ਕਾਇਮ ਕਰਨ ਬਾਰੇ ਹੈ।
ਯੂ ਐਸ ਏ ਪਾਵਰਲਿਫਟਿੰਗ ਆਸਟ੍ਰੇਲੀਆ ਜਿਹੇ ਨਾਮੀ ਮੁਕਾਬਲੇ ਵਿਚ ਹਿੱਸਾ ਲੈ ਕੇ ਕਿਰਨ ਨੇ ਸਰੀਰਕ, ਮਾਨਸਿਕ, ਅਤੇ ਸਮਾਜਿਕ ਫਾਇਦਿਆਂ ਦਾ ਕਾਫੀ ਅਨੁਭਵ ਕੀਤਾ ਹੈ।
ਅਤੇ ਹੁਣ ਇਹ ਹੋਰ ਪੰਜਾਬੀ ਅਤੇ ਸਾਊਥ ਏਸ਼ੀਅਨ ਔਰਤਾਂ ਨੂੰ ਇਹਨਾਂ ਮੁਕਾਬਲਿਆਂ ਵਿਚ ਹਿੱਸਾ ਲੈਂਦੇ ਦੇਖਣਾ ਚਹੁੰਦੇ ਹਨ।
ਕਿਰਨ ਦਾ ਇਸ ਮੁਕਾਬਲੇ ਵਿਚ ਸਫ਼ਰ ਅਤੇ ਹੋਰਨਾਂ ਖੇਡ ਮਸਲਿਆਂ ਉੱਤੇ ਉਹਨਾਂ ਦੇ ਵਿਚਾਰਾਂ ਬਾਰੇ ਜਾਨਣ ਲਈ ਸੁਣੋ ਇਹ ਗੱਲਬਾਤ....
