ਸਾਲ ਦਾ ਫਲੂ ਸੀਜ਼ਨ ਚੱਲ ਰਿਹਾ ਹੈ ਅਤੇ ਅਜਿਹੇ ਵਿੱਚ ਇੱਕ ਨਵਾਂ ਸੈੱਲ-ਅਧਾਰਿਤ ਇਨਫਲੂਐਨਜ਼ਾ ਟੀਕਾ ਜਾਰੀ ਕੀਤਾ ਗਿਆ ਹੈ। ਦਰਅਸਲ ਇਹ 2021 ਤੋਂ ਪ੍ਰਾਈਵੇਟ ਮਾਰਕੀਟ ਵਿੱਚ ਉਪਲਬਧ ਸੀ ਪਰ ਹੁਣ ਇਸਨੂੰ ਜਨਤਕ ਤੌਰ ਉੱਤੇ ਫੰਡ ਪ੍ਰਾਪਤ ਸਿਹਤ ਪ੍ਰਣਾਲੀ ਲਈ ਮੁਹੱਈਆ ਕੀਤਾ ਗਿਆ ਹੈ। ਮਾਹਿਰਾਂ ਮੁਤਾਬਕ ਇਹ ਨਵਾਂ ਫਾਰਮੂਲਾ ਦੁਨੀਆ ਭਰ ਵਿੱਚ ਫੈਲ ਰਹੇ ਫਲੂ ਦੇ ਨਵੇਂ ਰੂਪਾਂ ਨਾਲ ਨਜਿੱਠਣ ਵਿੱਚ ਕਾਰਗ਼ਰ ਹੈ।
ਪਿਛਲੇ ਸਾਲ ਆਸਟ੍ਰੇਲੀਆ ਵਿੱਚ ਫਲੂ ਦੀ ਮਾਰ ਦੇਖੀ ਗਈ ਸੀ ਜਿਸ ਦੌਰਾਨ ਲਗਭਗ 370 ਲੋਕਾਂ ਦੀ ਫਲੂ ਕਾਰਨ ਮੌਤ ਹੋਈ ਸੀ।
ਇਸ ਸਾਲ ਦੇਸ਼ ਭਰ ਵਿੱਚ ਕਲੀਨਿਕ ਅਤੇ ਜੀ.ਪੀ, ਫਲੂ ਖਿਲਾਫ ਲੜਨ ਦੀ ਤਿਆਰੀ ਕਰ ਰਹੇ ਹਨ।
ਸਿਹਤ ਵਿਭਾਗ ਦੇ ਮੰਤਰੀ ਮਾਰਕ ਬਟਲਰ 'ਫਲੂਕਲਵੈਕਸ ਕੁਆਡ' ਨਾਂ ਦੀ ਇਹ ਨਵੀਂ ਵੈਕਸੀਨ ਲਵਾਉਣ ਵਾਲੇ ਮੰਤਰੀਆਂ ਵਿੱਚੋਂ ਇੱਕ ਹਨ।
'ਫਲੂਕਲਵੈਕਸ ਕੁਆਡ' ਇੱਕ ਸੈੱਲ-ਆਧਾਰਿਤ ਟੀਕਾ ਹੈ ਜੋ ਪਹਿਲੀ ਵਾਰ ਰਾਸ਼ਟਰੀ ਟੀਕਾਕਰਨ ਪ੍ਰੋਗਰਾਮ (NIP) ਵਿੱਚ ਸੂਚੀਬੱਧ ਕੀਤਾ ਗਿਆ ਹੈ।
ਅਪ੍ਰੈਲ ਦੇ ਸ਼ੁਰੂ ਵਿੱਚ ਜਾਰੀ ਕੀਤੀ ਗਈ ਕੋਡਰਲ ਕੋਲਡ ਅਤੇ ਫਲੂ ਦੀ ਭਵਿੱਖਬਾਣੀ, ਸੰਕੇਤ ਦਿੰਦੀ ਹੈ ਕਿ ਇਹ ਸਾਲ ਆਸਟ੍ਰੇਲੀਆ ਵਿੱਚ ਸਭ ਤੋਂ ਭੈੜੇ ਠੰਡੇ ਅਤੇ ਫਲੂ ਦੇ ਮੌਸਮਾਂ ਵਿੱਚੋਂ ਇੱਕ ਹੋਵੇਗਾ।
ਅਧਿਕਾਰੀਆਂ ਨੇ ਪਹਿਲਾਂ ਹੀ ਦੇਸ਼ ਭਰ ਦੇ ਡਾਕਟਰਾਂ ਅਤੇ ਕਲੀਨਿਕਾਂ ਨੂੰ ਟੀਕੇ ਭੇਜਣੇ ਸ਼ੁਰੂ ਕਰ ਦਿੱਤੇ ਹਨ।
ਪਰ ਅਜੇ ਵੀ ਚਿੰਤਾ ਹੈ ਕਿ ਟੀਕਾਕਰਨ ਦੇ ਪੱਧਰ ਉਹ ਨਹੀਂ ਹਨ ਜਿੱਥੇ ਉਨ੍ਹਾਂ ਨੂੰ ਹੋਣਾ ਚਾਹੀਦਾ ਹੈ।
Share
