ਆਉ ਖਾਈਏ ਫੁੱਲੀਆਂ ਤੇ ਪਤਾਸੇ, ਵੰਡੀਏ ਹਾਸੇ ਹੀ ਹਾਸੇ, ਚਾਰੇ ਪਾਸੇ

ਨਵਾਂ ਸਾਲ ਬੇਸ਼ਕ ਸਾਡੇ ਬੂਹਿਆਂ ਤੇ ਅਜੇ ਕਿਲਕਾਰੀਆਂ ਹੀ ਪਾ ਰਿਹਾ ਹੈ ਪਰ ਅਸੀਂ ਤਾਂ ਕਰ ਦਿੱਤੀ ਹੈ ਤਿਆਰੀ, ਸਾਲ ਦੇ ਪਹਿਲੇ ਤਿਉਹਾਰ 'ਲੋਹੜੀ' ਦੀ।

ਪੋਹ ਦਾ ਪਹਿਲਾ ਮਹੀਨਾ ਉਹ ਮਹੀਨਾ ਜਿਸ ਵਿੱਚ ਧੂਣੀਆਂ ਲੱਗਣੀਆਂ ਸ਼ੁਰੂ ਹੋ ਜਾਂਦੀਆਂ ਹਨ।

ਲੋਹੜੀ ਦਾ ਤਿਉਹਾਰ ਭਾਰਤ ਵਿੱਚ ਹੀ ਨਹੀਂ ਸਗੋਂ ਭਾਰਤ ਵਾਸੀ ਜਿੱਥੇ ਜਿੱਥੇ ਵੱਸੇ ਨੇ, ਉੱਥੇ ਉੱਥੇ ਮਨਾਇਆ ਜਾਂਦਾ ਹੈ।

ਅਸੀਂ ਪਰਦੇਸਾਂ ਵਿੱਚ ਵੱਸੇ ਭਾਰਤੀ ਇੰਨ੍ਹਾਂ ਤਿਉਹਾਰਾਂ ਜ਼ਰੀਏ ਹੀ ਆਪਣੇ ਵਿਰਸੇ ਦੀਆ ਯਾਦਾਂ ਨੂੰ ਤਾਜ਼ਾ ਰੱਖਦੇ ਹਾਂ 'ਤੇ ਪਿੱਛੇ ਰਹਿ ਗਈ ਮੁਹੱਬਤ ਦਾ ਨਿੱਘ ਮਾਣਦੇ ਹਾਂ।