ਸਿਡਨੀ ਦੀ ਸੰਸਥਾ 'ਪਿੰਕ ਸਾੜੀ' ਨੇ ਪਹਿਲੀ ਵਾਰ 2014 ਵਿੱਚ ਇੱਕ ਬੈਠਕ ਕਰਕੇ ਭਾਈਚਾਰੇ ਵਿੱਚ ਕੈਂਸਰ ਰੋਕਥਾਮ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨ ਦਾ ਟੀਚਾ ਮਿੱਥਿਆ ਸੀ ਅਤੇ ਇਸ ਨੂੰ 2016 ਵਿੱਚ ਬਕਾਇਦਾ ਰਜਿਸਟਰ ਕਰਵਾ ਕੇ ਮੱਦਦ ਕਰਨ ਵਾਲੇ ਕਾਰਜ ਵੀ ਅਰੰਭ ਦਿੱਤੇ ਸਨ।
ਸੰਸਥਾ ਤੋਂ ਅਨੂਪ ਜੋਹਰ ਨੇ ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦੇ ਹੋਏ ਕਿਹਾ, "ਅਜੇ ਵੀ ਘੱਟ ਅੰਗਰੇਜ਼ੀ ਬੋਲਣ ਵਾਲੇ ਭਾਈਚਾਰਿਆਂ, ਜਿਹਨਾਂ ਵਿੱਚ ਭਾਰਤੀ ਖਿੱਤੇ ਤੋਂ ਆਉਣ ਵਾਲੇ ਲੋਕ ਵੀ ਸ਼ਾਮਲ ਹਨ, ਵਿੱਚ ਕੈਂਸਰ ਰੋਕਥਾਮ ਲਈ ਉਪਲਬਧ ਟੈਸਟਾਂ ਬਾਰੇ ਜਾਣਕਾਰੀ ਕਾਫੀ ਘੱਟ ਹੈ"।
ਇਸ ਸੰਸਥਾ ਵਲੋਂ ਜਿੱਥੇ ਕੈਂਸਰ ਰੋਕਥਾਮ ਪ੍ਰਤੀ ਜਾਣਕਾਰੀ ਪ੍ਰਦਾਨ ਕੀਤੀ ਜਾਂਦੀ ਹੈ, ਉੱਥੇ ਨਾਲ ਹੀ ਕੈਂਸਰ ਪੀੜਤਾਂ ਅਤੇ ਉਹਨਾਂ ਦੀ ਦੇਖਭਾਲ ਕਰਨ ਵਾਲਿਆਂ ਨੂੰ ਵੀ ਮੱਦਦ ਪ੍ਰਦਾਨ ਕੀਤੀ ਜਾਂਦੀ ਹੈ।
"ਕੈਂਸਰ ਕਾਰਨ ਸਿਰਫ ਮਰੀਜ਼ ਹੀ ਪੀੜਤ ਨਹੀਂ ਹੁੰਦਾ, ਬਲਿਕ ਇਸ ਦਾ ਪਰਿਵਾਰ, ਰਿਸ਼ਤੇਦਾਰ ਅਤੇ ਦੇਖਭਾਲ ਕਰਨ ਵਾਲੇ ਕਰੀਬੀ ਵੀ ਬੁਰੀ ਤਰਾਂ ਨਾਲ ਪ੍ਰਭਾਵਤ ਹੁੰਦੇ ਹਨ। ਅਤੇ ਲੋੜ ਹੁੰਦੀ ਹੈ ਇੱਕ ਵਿਆਪਕ ਪ੍ਰੋਗਰਾਮ ਉਲੀਕ ਕੇ ਉਹਨਾਂ ਦੀ ਮੱਦਦ ਕੀਤੀ ਜਾਵੇ",ਮਿਸ ਜੋਹਰ ਨੇ ਕਿਹਾ।
ਇਸ ਸਮੇਂ ਲੋੜ ਹੈ ਜਾਗਰੂਕਤਾ ਫੈਲਾਉਣ ਦੀ ਉਹ ਵੀ ਉਹਨਾਂ ਲਈ ਜੋ ਕਿ ਅੰਗਰੇਜ਼ੀ ਵਿੱਚ ਘੱਟ ਮਹਾਰਤ ਰੱਖਦੇ ਹਨ ਅਤੇ ਨਵੇਂ ਨਵੇਂ ਪ੍ਰਵਾਸ ਕਰਕੇ ਆਸਟ੍ਰੇਲੀਆ ਆਏ ਹਨ।
'ਪਿੰਕ ਸਾੜੀ' ਸੰਸਥਾ ਵਲੋਂ ਕੀਤੇ ਜਾਣ ਵਾਲੇ ਕਈ ਉਪਰਾਲਿਆਂ ਬਾਰੇ ਵਿਸਥਾਰਤ ਜਾਣਕਾਰੀ ਲੈਣ ਅਤੇ ਉਹਨਾਂ ਨਾਲ ਜੁੜਨ ਲਈ ਸੰਸਥਾ ਦੀ ਅਨੂਪ ਜੋਹਰ ਨਾਲ ਕੀਤੀ ਇਹ ਗੱਲਬਾਤ ਸੁਣੋ:
