ਆਸਟ੍ਰੇਲੀਆ ਦੀ ਫਿੱਟਨੈੱਸ ਇੰਡਸਟਰੀ ਵਿੱਚ ਮਰਦਾਂ ਦੇ ਨਾਲ-ਨਾਲ ਔਰਤਾਂ ਦੀ ਨੁਮਾਇੰਦਗੀ ਵੀ ਕਿਸੇ ਤੋਂ ਛੁਪੀ ਨਹੀਂ ਹੈ। ਪੰਜਾਬੀ ਮੂਲ ਦੀ ਗੁਨੀਤ ਚੀਮਾ ਦਾ ਨਾਮ ਵੀ ਇਸੇ ਲੜੀ ਵਿੱਚ ਹੀ ਆਉਂਦਾ ਹੈ।ਗੁਨੀਤ ਨੇ ਇਸ ਖੇਤਰ ਵਿੱਚ ਸ਼ਾਨਦਾਰ ਅਗਵਾਈ ਕਰਦਿਆਂ ਥੋੜ੍ਹੇ ਸਮੇਂ ਵਿੱਚ ਹੀ ਨਾ ਸਿਰਫ ਆਪਣੀ ਵੱਖਰੀ ਪਛਾਣ ਬਣਾਈ ਹੈ ਬਲਕਿ ‘ਔਸਐਕਟਿਵ’ ਵਲੋਂ ਅਨੇਕਾਂ ਮਾਣ-ਸਨਮਾਨ ਵੀ ਹਾਸਿਲ ਕੀਤੇ ਹਨ। ਐਸ ਬੀ ਐਸ ਪੰਜਾਬੀ ਨਾਲ ਗੱਲਬਾਤ ਦੌਰਾਨ ਗੁਨੀਤ ਨੇ ਭਾਰਤੀ ਮੂਲ ਦੀਆਂ ਔਰਤਾਂ ਵਿੱਚ ਸਿਹਤ ਸੰਭਾਲ ਪ੍ਰਤੀ ਅਵੇਸਲੇਪਣ ’ਤੇ ਚਿੰਤਾ ਜ਼ਾਹਰ ਕਰਦਿਆਂ ਇਸ ਪਾਸੇ ਸੁਚੇਤ ਹੋਣ ਦਾ ਸੁਨੇਹਾ ਦਿੱਤਾ ਹੈ।
ਭਾਰਤੀ ਬਾਸਕਟਬਾਲ ਦੇ ਚੋਟੀ ਦੇ ਖਿਡਾਰੀ ਅਰਜੁਨਾ ਐਵਾਰਡੀ ਸੱਜਣ ਸਿੰਘ ਚੀਮਾ ਦੀ ਧੀ ਗੁਨੀਤ ਚੀਮਾ ਨੂੰ ਖੇਡਾਂ ਅਤੇ ਸਿਹਤ ਸਾਂਭ-ਸੰਭਾਲ ਦੀ ਗੁੜ੍ਹਤੀ ਘਰ ਤੋਂ ਮਿਲ ਗਈ ਸੀ।
ਉਸ ਨੇ ਪੰਜਾਬ ਵਿੱਚ ਰਹਿੰਦਿਆਂ ਇੰਜੀਨੀਅਰਿੰਗ ਦੀ ਪੜ੍ਹਾਈ ਦੇ ਨਾਲ-ਨਾਲ ਖੇਡਾਂ ਨੂੰ ਪੂਰੀ ਤਰਜੀਹ ਦਿੱਤੀ ਅਤੇ ਨੈਸ਼ਨਲ ਪੱਧਰ ਦੇ ਬਾਸਕਟਬਾਲ, ਹੈਂਡਬਾਲ ਅਤੇ ਸ਼ੂਟਿੰਗ ਮੁਕਾਬਲਿਆਂ ਵਿੱਚ ਹਿੱਸਾ ਲਿਆ।
ਜਨੂੰਨ ਨਾਲ ਅਤੇ ਆਨੰਦ ਮਾਣਦੇ ਹੋਏ ਕੀਤਾ ਜਾਣ ਵਾਲਾ ਕੋਈ ਵੀ ਕੰਮ ਕਦੇ ਅਸਫਲ ਨਹੀਂ ਹੁੰਦਾ।ਗੁਨੀਤ ਚੀਮਾ
ਸਾਲ 2009 ਵਿੱਚ ਆਸਟ੍ਰੇਲੀਆ ਆ ਕੇ ਵੀ ਗੁਨੀਤ ਦਾ ਖੇਡਾਂ ਅਤੇ ਸਿਹਤ ਪ੍ਰਤੀ ਰੁਝਾਣ ਬਣਿਆ ਰਿਹਾ। ਉਸ ਨੇ ਸਾਲ 2017 ਵਿੱਚ ਆਪਣਾ ਪਹਿਲਾ ਜਿੰਮ ਖਰੀਦਿਆ ਤੇ ਇਸ ਵੇਲੇ ਉਸ ਵਲੋਂ 4 ਜਿੰਮ ਚਲਾਏ ਜਾ ਰਹੇ ਹਨ।
ਹੋਰ ਵੇਰਵੇ ਲਈ ਸੁਣੋ ਇਹ ਇੰਟਰਵਿਊ.....
Share
