ਬੇਹੱਦ ਜੋਸ਼ੀਲੇ ਅੰਦਾਜ਼ ਵਿੱਚ ਬੋਲੀਆਂ ਪਾਉਣ ਵਾਲ਼ੀ ਅਤੇ ਕੰਨ ਉੱਤੇ ਹੱਥ ਧਰ ‘ਮਿਰਜ਼ਾ’ ਸੁਣਾਉਣ ਵਾਲ਼ੀ ਐਸ ਕੌਰ ਪੰਜਾਬੀ ਗਾਇਕੀ ਵਿੱਚ ਆਪਣੀ ਹੋਂਦ ਅਤੇ ਸਥਾਪਤੀ ਲਈ ਨਿਰੰਤਰ ਯਤਨਸ਼ੀਲ ਹੈ। ਐਸ ਬੀ ਐਸ ਦੇ ਮੈਲਬੌਰਨ ਸਟੂਡੀਓ ਵਿੱਚ ਇੰਟਰਵਿਊ ਦੌਰਾਨ ਐਸ ਕੌਰ ਨੇ ਦੱਸਿਆ ਕਿ ਉਹ ਹੁਣ ਖੁੱਲੇ ਅਖਾੜਿਆਂ ਵਿੱਚ ਆਤਮਾ ਬੁੱਢੇਵਾਲ ਨਾਲ਼ ਆਪਣੀ ਗਾਇਕੀ ਦੇ ਰੰਗ ਪੇਸ਼ ਕਰਦੀ ਹੈ।
ਐਸ ਕੌਰ ਇੱਕ ਪੰਜਾਬੀ ਗਾਇਕਾ ਹੈ ਜੋ ਆਪਣੀ ਸੁਰੀਲੀ ਗਾਇਕੀ ਨਾਲ਼ ਆਪਣੇ ਸੁਣਨ ਵਾਲਿਆਂ ਨੂੰ ਨਿਹਾਲ ਕਰਨ ਦੀ ਸਮਰੱਥਾ ਰੱਖਦੀ ਹੈ।
ਐਸ ਬੀ ਐਸ ਪੰਜਾਬੀ ਨਾਲ਼ ਇੰਟਰਵਿਊ ਦੌਰਾਨ ਉਸਨੇ ਦੱਸਿਆ ਕਿ ਉਹ ਖੁਦ ਭਾਵੇਂ ਲੋਕ-ਗਾਇਕੀ ਨੂੰ ਸਮਰਪਿਤ ਰਹੀ ਹੈ ਪਰ ਉਸਦੀ ਕੋਸ਼ਿਸ਼ ਹਰ ਪ੍ਰਕਾਰ ਦੇ ਗੀਤ ਗਾਓਣ ਦੀ ਰਹੀ ਹੈ।
ਪਿਛਲੇ ਦਿਨੀਂ ਆਪਣੇ ਆਸਟ੍ਰੇਲੀਆ ਦੌਰੇ ਦੌਰਾਨ ਉਸਦਾ ਐਸ ਬੀ ਐਸ ਦੇ ਮੈਲਬੌਰਨ ਸਟੂਡੀਓ ਵੀ ਆਉਣਾ ਹੋਇਆ ਜਿਥੋਂ ਉਸਨੇ ਆਪਣੇ ਸੁਨਣ ਵਾਲਿਆਂ ਲਈ ਵੰਨਗੀ ਮਾਤਰ ਕਈ ਬੋਲੀਆਂ ਅਤੇ ਲੋਕ ਗੀਤ ਸੁਣਾਏ।
Share
