ਹੁਣੇ ਹੀ ਪਾਸ ਕੀਤੀ ਐਚ ਐਸ ਸੀ ਵਿਚ ਸਚਲੀਨ ਖੰਨਾ ਨੇ ਬਹੁਤ ਵਧੀਆ 99.5 ਏਟਾਰ ਅੰਕ ਹਾਸਲ ਕੀਤੇ, ਨਾਲ ਹੀ ਇੰਗਲਿਸ਼ ਐਡਵਾਂਸ ਵਿਚ ਇਸ ਨੇ ਤਕਰੀਬਨ 70,000 ਸਿਖਿਆਰਥੀਆਂ ਵਿਚੋਂ 9ਵਾਂ ਸਥਾਨ ਪ੍ਰਾਪਤ ਕੀਤਾ ਅਤੇ ਮਿਊਜ਼ਿਕ ਵਿਚ ਤਾਂ ਪੂਰੇ ਅੰਕ ਹਾਸਲ ਕਰਦੇ ਹੋਏ ਸਾਰੇ ਪੰਜਾਬੀਆਂ ਦਾ ਮਾਣ ਵਧਾਇਆ ਹੈ।
ਸਚਲੀਨ ਕਹਿੰਦੀ ਹੈ ਕਿ ਉਸ ਨੂੰ ਬਚਪਨ ਤੋਂ ਹੀ ਸੰਗੀਤ ਨਾਲ ਪਿਆਰ ਸੀ ਅਤੇ ਉਸ ਨੇ ਸਿਰਫ ਚਾਰ ਸਾਲ ਦੀ ਉਮਰ ਵਿਚ ਹੀ ਪਿਆਨੋ ਵਜਾਉਣਾ ਬਾਖੂਬੀ ਸਿਖ ਲਿਆ ਸੀ। ਇਸ ਦੇ ਪਰਿਵਾਰ ਵਿਚੋਂ ਕਿਸੇ ਦਾ ਵੀ ਪਿਛੋਕੜ ਸੰਗੀਤ ਨਾਲ ਨਾ ਜੁੜਦਾ ਹੋਣ ਦੇ ਬਾਵਜੂਦ ਵੀ ਸਚਲੀਨ ਦੇ ਮਾਪਿਆਂ ਨੇ ਇਸ ਨੂੰ ਪੂਰਾ ਪੂਰਾ ਸਹਿਯੋਗ ਦਿਤਾ ਅਤੇ ਇਸ ਮੁਕਾਮ ਤੱਕ ਪਹੁੰਚਾਇਆ।
ਸਚਲੀਨ ਦਾ ਬਚਪਨ ਤੋਂ ਹੀ ਇਹ ਸੁਫਨਾਂ ਸੀ ਕਿ ਇਕ ਦਿੰਨ ਉਹ ਸਿਡਨੀ ਵਿਚਲੇ ਓਪਰਾ ਹਾਊਸ ਵਿਚ ਜੋਹਰ ਦਿਖਾ ਸਕੇ, ਜੋ ਕਿ ਆਉਂਦੀ 19 ਫਰਵਰੀ 2018 ਨੂੰ ਪੂਰਾ ਹੋਣ ਜਾ ਰਿਹਾ ਹੈ।
ਸਚਲੀਨ ਖੰਨਾ ਉਹ ਮਾਣਮੱਤੀ ਪੰਜਾਬਣ ਹੈ ਜਿਸ ਨੇ ਆਸਟ੍ਰੇਲੀਆ ਦੇ ਚੋਟੀ ਦੇ ਮਿਊਜ਼ਿਕ ਸਿਲੇਕਟਿਵ ਸਕੂਲ ਵਿਚ ਪੜਦੇ ਹੋਏ ਆਪਣਾ ਖੁੱਦ ਦਾ ਮਿਊਜ਼ਿਕ ਕੰਪੋਜ਼ ਕਰਨ ਦੀ ਠਾਣ ਲਈ। ਸਚਲੀਨ ਨੇ ਖਾਸ ਤੋਰ ਤੇ ਕਿਹਾ ਕਿ ਉਸ ਦਾ ਸੰਗੀਤ ਵਾਲਾ ਸ਼ੌਕ ਹੀ ਉਸ ਦੇ ਸਰਬਪੱਖੀ ਵਿਕਾਸ ਲਈ ਸਹਾਈ ਰਿਹਾ ਹੈ।
