ਜ਼ਿਕਰਯੋਗ ਹੈ ਕਿ ਕੋਲਸ ਨੇ ਹਾਲ ਹੀ ਵਿੱਚ ਆਪਣੇ ਸਾਲਾਨਾ ਮੁਨਾਫੇ ਵਿੱਚ ਰਿਕਾਰਡ ਵਿਕਰੀ ਦੇ ਨਾਲ ਨਾਲ ਸ਼ੋਪਲਿਫਟਿੰਗ ਵਿੱਚ ਵੀ ਰਿਕਾਰਡ ਵਾਧੇ ਦਾ ਐਲਾਨ ਕੀਤਾ ਹੈ।
ਮਹਿੰਗਾਈ ਦੀ ਵੱਧ ਦੀ ਮਾਰ ਨੇ ਜਿੱਥੇ ਲੋਕਾਂ ਨੂੰ ਇਹ ਨਿੱਕੀਆਂ ਨਿੱਕੀਆਂ ਚੋਰੀਆਂ ਕਰਨ ਤੇ ਮਜਬੂਰ ਕੀਤਾ ਹੈ ਉੱਥੇ ਸੁਪਰਮਾਰਕਿਟਾਂ ਵਲੋਂ ਲੋਕਾਂ ਤੇ ਨਿਗ੍ਹਾ ਰੱਖਣ ਲਈ ਤੇ ਇਨ੍ਹਾਂ ਚੋਰੀਆਂ ਦੀ ਰੋਕਥਾਮ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਜਾ ਰਹੇ ਹਨ।
ਜਦੋਂ ਸੈਂਸਰਾਂ ਨੂੰ ਸ਼ੱਕ ਹੁੰਦਾ ਹੈ ਕਿ ਟਰਾਲੀ ਦੇ ਲੋਡ ਅਨੁਸਾਰ ਭੁਗਤਾਨ ਨਹੀਂ ਕੀਤਾ ਗਿਆ ਹੈ ਜਾਂ ਕੋਈ ਭੁਗਤਾਨ ਕੀਤੇ ਬਿਨਾਂ ਸਟੋਰ ਛੱਡ ਰਿਹਾ ਹੈ ਤਾਂ ਇਹ ਨਵੀਂ ਤਕਨੀਕ ਟਰਾਲੀ ਦੇ ਪਹੀਆਂ ਨੂੰ ਲਾਕ ਕਰ ਦਿੰਦੀ ਹੈ।
ਕੋਲਸ ਦੀ ਨਵੀਂ ਮੁਖੀ ਲੀਹ ਵੇਕਰਟ ਦਾ ਕਹਿਣਾ ਹੈ ਕਿ ਜ਼ਿਆਦਾਤਰ ਖਰੀਦਦਾਰ ਇਮਾਨਦਾਰ ਹੁੰਦੇ ਹਨ, ਪਰ ਰਹਿਣ-ਸਹਿਣ ਦੇ ਦਬਾਅ ਨੇ ਮੌਕਾਪ੍ਰਸਤ ਚੋਰੀਆਂ 'ਚ ਦੁਨੀਆਂ ਭਰ 'ਚ ਵਾਧਾ ਕੀਤਾ ਹੈ।
ਇੰਨ੍ਹਾ ਚੋਰੀਆਂ ਨੂੰ ਨਜਿੱਠਣ ਦੀ ਕੋਸ਼ਿਸ਼ ਵਿੱਚ ਹੁਣ ਪ੍ਰਮੁੱਖ ਸੁਪਰਮਾਰਕਿਟਾਂ ਟਰਾਲੀ ਲਾਕ ਅਤੇ ਸਮਾਰਟ ਗੇਟਾਂ ਵਰਗੀਆਂ ਪਹਿਲਕਦਮੀਆਂ ਦੀ ਸ਼ੁਰੂਆਤ ਦੇ ਨਾਲ ਨਾਲ ਸਾਦੇ ਕੱਪੜਿਆਂ ਵਿੱਚ 'ਲੌਸ ਪ੍ਰੀਵੈਂਸ਼ਨ ਔਫੀਸਰਸ' ਦੀ ਨਿਯੁਕਤੀ ਵੀ ਕਰ ਰਹੀਆਂ ਹਨ।
ਕੇਰ੍ਨ੍ਸ ਤੋਂ ਵੂਲੀਜ਼ ਦੀ ਅਸਸਿਸਟੈਂਟ ਮੈਨੇਜਰ ਪ੍ਰੀਤ ਭੁੱਲਰ ਨੇ ਐਸਬੀਐਸ ਪੰਜਾਬੀ ਨਾਲ ਇਨ੍ਹਾਂ ਚੋਰੀਆਂ ਦੇ ਵਾਅਕੇ ਸਾਂਝੇ ਕਰਦੇ ਹੋਏ ਦੱਸਿਆ ਕਿ ਇਸ ਸਾਲ ਗਰੌਸਰੀ ਦੀਆਂ ਚੋਰੀਆਂ 'ਚ ਕਾਫੀ ਵਾਧਾ ਵੇਖਣ ਨੂੰ ਮਿਲਿਆ ਹੈ।
ਨਾਲ ਹੀ ਉਨ੍ਹਾਂ ਦੱਸਿਆ ਕਿ ਇਸ ਬਾਬਤ ਵੂਲਜ਼ਵਰਥ ਵਲੋਂ ਸ਼ੌਪਲਿਫਟਿੰਗ ਨੂੰ ਕਿਸ ਤਰੀਕੇ ਨਾਲ ਠੱਲ੍ਹ ਪਾਈ ਜਾ ਰਹੀ ਹੈ।
ਵਿਸਥਾਰਿਤ ਜਾਣਕਾਰੀ ਲਈ ਇਹ ਖਾਸ ਇੰਟਰਵਿਊ ਸੁਣੋ:
