ਆਸਟ੍ਰੇਲੀਅਨ ਟੈਕਸੇਸ਼ਨ ਦਫਤਰ ਦੇ ਨਵੇਂ ਨਿਯਮਾਂ ਮੁਤਾਬਕ ਕੰਪਨੀ ਦੇ ਅਸਲੀ ਡਾਇਰੈਕਟਰ ਨੂੰ ਹੁਣ ਆਪਣੀ ਆਈ ਡੀ ਪ੍ਰਦਾਨ ਕਰਨੀ ਪਵੇਗੀ। 30 ਨਵੰਬਰ ਤੋਂ ਪਹਿਲਾਂ ਕੰਪਨੀਆਂ ਦੇ ਮਾਲਕਾਂ ਨੂੰ ਆਪਣੀ ਡਾਇਰੈਕਟਰ ਆਈ ਡੀ ਬਣਾਉਣੀ ਪਵੇਗੀ ਜਿਸ ਨਾਲ ਧੋਖਾਧੜ੍ਹੀ ਦੇ ਮਾਮਲਿਆਂ ਨੂੰ ਰੋਕਿਆ ਜਾ ਸਕੇਗਾ। ਮੈਲਬੌਰਨ ਵਿੱਚ ਅਕਾਊਂਟੈਂਟ ਮਨਪ੍ਰੀਤ ਸਿੰਘ ਨੇ ਇਸ ਸਬੰਧੀ ਕੁਝ ਜ਼ਰੂਰੀ ਜਾਣਕਾਰੀ ਸਾਂਝੀ ਕੀਤੀ ਹੈ।
ਆਸਟ੍ਰੇਲੀਆ ਵਿੱਚ ਪਹਿਲਾਂ ਲੋਕ ਆਪਣੀ ਪਛਾਣ ਦੀ ਬਹੁਤ ਹੀ ਘੱਟ ਤਸਦੀਕ ਨਾਲ ਕੰਪਨੀਆਂ ਦੇ ਡਾਇਰੈਕਟਰ ਬਣਨ ਲਈ ਸਾਈਨ-ਅਪ ਕਰ ਸਕਦੇ ਸਨ ਪਰ ਹੁਣ ਆਸਟ੍ਰੇਲੀਅਨ ਟੈਕਸੇਸ਼ਨ ਦਫ਼ਤਰ ਨੇ ਇਸ ਵਿੱਚ ਕੁੱਝ ਤਬਦੀਲੀਆਂ ਕੀਤੀਆਂ ਹਨ।
ਨਵੇਂ ਨਿਯਮਾਂ ਮੁਤਾਬਕ ਹੁਣ ਕੰਪਨੀ ਦਾ ਅਸਲ ਮਾਲਕ ਹੀ ਕੰਪਨੀ ਦੇ ਡਾਇਰੈਕਟਰ ਵਜੋਂ ਸਾਈਨ-ਅੱਪ ਕਰ ਸਕੇਗਾ।
ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦਿਆਂ ਅਕਾਊਂਟੈਂਟ ਮਨਪ੍ਰੀਤ ਸਿੰਘ ਨੇ ਦੱਸਿਆ ਕਿ ਇੱਕ ਵਿਅਕਤੀ ਦੀ ਇੱਕ ਹੀ ਡਾਇਰੈਕਟਰ ਆਈ ਡੀ ਹੋਵੇਗੀ ਜਿਸ ਉੱਤੇ ਉਸਦੀਆਂ ਸਾਰੀਆਂ ਕੰਪਨੀਆਂ ਦਾ ਵੇਰਵਾ ਹੋਵੇਗਾ।
ਉਹਨਾਂ ਦੱਸਿਆ ਕਿ ਜਿੰਨੀਆਂ ਵੀ ਆਸਟ੍ਰੇਲੀਅਨ ਬਿਜ਼ਨਸ ਰਜਿਸਟਰੀ ਸੇਵਾਵਾਂ ਆਸਟ੍ਰੇਲੀਅਨ ਟੈਕਸੇਸ਼ਨ ਦਫ਼ਤਰ ਦੇ ਅਧੀਨ ਕੰਮ ਕਰਦੀਆਂ ਹਨ ਉਹਨਾਂ ਸਾਰੀਆਂ ਕੰਪਨੀਆਂ ਦੇ ਡਾਇਰੈਕਟਰਾਂ ਨੂੰ ਇੱਕ ਡਾਇਰੈਕਟਰ ਪਛਾਣ ਨੰਬਰ ਜਾਂ ਡੀ ਆਈ ਐਨ ਦੀ ਲੋੜ ਹੋਵੇਗੀ।
ਜਿਹੜੇ ਡਾਇਰੈਕਟਰ 30 ਨਵੰਬਰ ਤੱਕ ਸਾਈਨ-ਅੱਪ ਕਰਨ ਵਿੱਚ ਅਸਮਰੱਥ ਹਨ ਉਹਨਾਂ ਨੂੰ ਇਹ ਫਾਰਮ ਭਰਕੇ ਦਾਖਲ ਕਰਵਾਉਣਾ ਪਵੇਗਾ।
ਇਸ ਤੋਂ ਇਲਾਵਾ ਆਸਟ੍ਰੇਲੀਆ ਤੋਂ ਬਾਹਰ ਰਹਿੰਦੇ ਕੰਪਨੀ ਮਾਲਕ ਡਾਇਰੈਕਟਰ ਆਈ ਡੀ ਲਈ ਇੱਥੇ ਅਰਜ਼ੀ ਦੇ ਸਕਦੇ ਹਨ।
ਡਾਇਰੈਕਟਰ ਆਈ ਡੀ ਨੂੰ ਲੈ ਕੇ ਪੂਰੀ ਜਾਣਕਾਰੀ ਪੰਜਾਬੀ ਵਿੱਚ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ।
ਅਕਾਊਂਟੈਂਟ ਮਨਪ੍ਰੀਤ ਸਿੰਘ ਵੱਲੋਂ ਇਸ ਸਬੰਧੀ ਦਿੱਤੀ ਜ਼ਰੂਰੀ ਜਾਣਕਾਰੀ ਲਈ ਪੇਜ ਉੱਪਰ ਸਾਂਝੀ ਕੀਤੀ ਗਈ ਆਡੀਓ ਸੁਣੋ
