ਚਮੜੀ ਦੇ ਰੋਗਾਂ ਵਿੱਚ ਚੰਬਲ ਦਾ ਰੋਗ ਆਮ ਹੀ ਸੁਣਨ ਨੂੰ ਮਿਲ ਜਾਂਦਾ ਹੈ ਜਿਸ ਨੂੰ ਅੰਗ੍ਰੇਜ਼ੀ ਵਿੱਚ ‘ਸੋਰਾਈਸਿਸ’ ਕਿਹਾ ਜਾਂਦਾ ਹੈ। ਸਿਡਨੀ ਤੋਂ ਚਮੜੀ ਦੇ ਰੋਗਾਂ ਦੇ ਮਾਹਰ ਸਰਵਜੀਤ ਕੌਰ ਸੋਹਲ ਦਾ ਕਹਿਣਾ ਹੈ ਕਿ ਇਹ ਰੋਗ ਕਿਸੇ ਵੀ ਉਮਰ ਵਿੱਚ ਕਿਸੇ ਵੀ ਵਿਅਕਤੀ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਇਸ ਦੇ ਇਲਾਜ ਅਤੇ ਕਾਰਨਾਂ ਬਾਰੇ ਹੋਰ ਵੇਰਵੇ ਦਿੰਦਿਆਂ ਉਹਨਾਂ ਦੱਸਿਆ ਕਿ ਇਸ ਬਾਰੇ ਕਾਫੀ ਖੋਜਾਂ ਚਲ ਰਹੀਆਂ ਹਨ।
‘ਸੋਰਾਈਸਿਸ’ ਨਾਲ ਪ੍ਰਭਾਵਿਤ ਮਰੀਜ਼ ਵਿੱਚ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਉੱਤੇ ਜਾਂ ਫਿਰ ਕਿਸੇ ਇੱਕ ਹਿੱਸੇ ਉੱਤੇ ਇਸਦਾ ਅਸਰ ਦੇਖਿਆ ਜਾ ਸਕਦਾ ਹੈ।
ਆਮ ਤੌਰ ਉੱਤੇ ਇਸ ਸਥਿਤੀ ਵਿੱਚ ਮਰੀਜ਼ ਦੀ ਚਮੜੀ ਉੱਤੇ ਲਾਲ ਰੰਗ ਦੇ ਖੜ੍ਹੇਪ ਬਣ ਜਾਂਦੇ ਹਨ।
ਸਿਡਨੀ ਤੋਂ ਚਮੜੀ ਦੇ ਰੋਗਾਂ ਦੇ ਮਾਹਰ ਸਰਵਜੀਤ ਕੌਰ ਸੋਹਲ ਦੱਸਦੇ ਹਨ ਕਿ ਇਹ ਖੜ੍ਹੇਪ ਇਸ ਲਈ ਬਣਦੇ ਹਨ ਕਿਉਂਕਿ ਚਮੜੀ ਦੇ ਨਵੇਂ ਸੈੱਲਾਂ ਨੂੰ ਬਣਾਉਣ ਦਾ ਗੇੜ੍ਹ ਤੇਜ਼ ਹੋ ਜਾਂਦਾ ਹੈ।
ਇਸ ਰੋਗ ਪਿਛਲੇ ਕਾਰਨਾਂ ਬਾਰੇ ਗੱਲ ਕਰਦਿਆਂ ਉਹਨਾਂ ਦੱਸਿਆ ਕਿ ਜ਼ਿਆਦਤਰ ਇਹ ਪਰਿਵਾਰ ਵਿੱਚ ਬਿਮਾਰੀ ਦਾ ਇਤਿਹਾਸ ਹੋਣ ਵਾਲੇ ਵਿਅਕਤੀਆਂ ਨੂੰ ਪ੍ਰਭਾਵਿਤ ਕਰਦਾ ਹੈ ਪਰ ਇਸਦੇ ਕੋਈ ਪੁਖ਼ਤਾ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ।
ਇਸ ਦੇ ਇਲਾਜ ਬਾਰੇ ਗੱਲ ਕਰਦਿਆਂ ਉਹਨਾਂ ਦੱਸਿਆ ਕਿ ਚੰਬਲ ਦੇ ਘੱਟ ਮਿਆਦ ਦੇ ਇਲਾਜ ਕੀਤੇ ਜਾ ਸਕਦੇ ਹਨ ਪਰ ਪੱਕੇ ਤੌਰ ਉੱਤੇ ਇਸਦਾ ਇਲਾਜ ਲੱਭਣ ਲਈ ਅਜੇ ਖੋਜ ਚੱਲ ਰਹੀ ਹੈ।
ਇਹ ਘੱਟ ਮਿਆਦ ਵਾਲੇ ਅਸਥਾਈ ਇਲਾਜ ਕੀ ਹਨ ਇਹ ਜਾਨਣ ਲਈ ਹੇਠਾਂ ਸਾਂਝੀ ਕੀਤੀ ਗਈ ਪੂਰੀ ਇੰਟਰਵਿਊ ਸੁਣੋ:
Share
