ਮਾਰਸਡਨ ਪਾਰਕ ਸਿਡਨੀ ਵਿਖੇ ਐਤਵਾਰ 16 ਅਕਤੂਬਰ ਨੂੰ ਕਰਵਾਏ ਗਏ ਦਿਵਾਲੀ ਮੇਲੇ ਉੱਤੇ ਹਾਜ਼ਿਰ ਪੰਜਾਬੀਆਂ ਦੇ ਵਿਚਾਰ ਜਾਨਣ ਲਈ ਇਹ ਪੋਡਕਾਸਟ ਸੁਣੋ
ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦੇ ਹੋਏ ਕਰਮਜੀਤ ਸਿੰਘ ਅਣਖੀ ਨੇ ਦੱਸਿਆ ਕਿ ਉਹ ਆਸਟ੍ਰੇਲੀਆ ਵਿੱਚ ਕਾਫੀ ਖੁਸ਼ ਹਨ ਅਤੇ ਉਨ੍ਹਾਂ ਦਾ ਜਿਆਦਾ ਸਮਾਂ ਹੋਰਨਾਂ ਬਜ਼ੁਰਗਾਂ ਦੀ ਸੰਗਤ ਅਤੇ ਆਪਣੇ ਪੋਤੇ-ਪੋਤੀਆਂ ਦੇ ਨਾਲ ਚੰਗਾ ਗੁਜ਼ਰ ਰਿਹਾ ਹੈ।
ਇਸ ਦੇ ਨਾਲ ਹੀ 12ਵੀਂ ਜਮਾਤ ਦੇ ਹਰਨੂਰ ਸਿੰਘ ਨੇ ਵੀ ਐਸ ਬੀ ਐਸ ਪੰਜਾਬੀ ਨੂੰ ਮਾਣ ਨਾਲ ਦੱਸਿਆ, “ਅਸੀਂ ਘਰ ਵਿੱਚ ਤਾਂ ਪੰਜਾਬੀ ਬੋਲਦੇ ਹੀ ਹਾਂ, ਨਾਲ ਹੀ ਦੋਸਤਾਂ ਨਾਲ ਵੀ ਜਿੱਥੋਂ ਤੱਕ ਹੋ ਸਕੇ ਪੰਜਾਬੀ ਵਿੱਚ ਹੀ ਗਲਬਾਤ ਕਰਦੇ ਹਾਂ”।
ਹਰਨੂਰ ਅਨੁਸਾਰ, ਮਾਂ ਬੋਲੀ ਪੰਜਾਬੀ ਨੂੰ ਬਣਦਾ ਸਤਿਕਾਰ ਦੇਣਾ ਸਾਡਾ ਸਾਰਿਆਂ ਦਾ ਫਰਜ਼ ਹੈ।
ਇਸ ਦੌਰਾਨ ਇੱਕ ਹੋਰ ਸੀਨੀਅਰ ਸਿਟੀਜ਼ਨ ਕਮਲਜੀਤ ਸਿੰਘ ਨੇ ਭਾਰਤ/ਪੰਜਾਬ ਦੀ ਦਿਵਾਲੀ ਅਤੇ ਇੱਥੋਂ ਆਸਟ੍ਰੇਲੀਆ ਦੀ ਦਿਵਾਲੀ ਦਾ ਫਰਕ ਦੱਸਿਆ। ਪੂਰੀ ਗੱਲਬਾਤ ਸੁਨਣ ਲਈ ਪੋਡਕਾਸਟ ਉੱਤੇ ਕਲਿਕ ਕਰੋ।
Share
