ਇਸ ਸਾਲ ਦੇ ਅੰਤ ਵਿੱਚ ਆਸਟ੍ਰੇਲੀਆ ਦੇ ਲੋਕਾਂ ਵਲੋਂ ਇੱਕ ਜਨਮਤ ਸੰਗ੍ਰਹਿ ਵਿੱਚ ਹਿੱਸਾ ਲਿਆ ਜਾਵੇਗਾ ਜਿਸ ਵਿੱਚ ਉਹ ਇੱਕ ਸਵਾਲ ਦਾ ਹਾਂ ਜਾਂ ਨਾਂਹ ਵਿੱਚ ਜਵਾਬ ਦੇਣਗੇ। ਇਹ ਸਵਾਲ ਹੈ: ਕੀ ਤੁਸੀਂ ਇੱਕ ਆਦਿਵਾਸੀ ਅਤੇ ਟੋਰੇਸ ਸਟ੍ਰੇਟ ਆਈਲੈਂਡਰ ਵੋਇਸ ਸਥਾਪਤ ਕਰ ਕੇ ਆਸਟ੍ਰੇਲੀਆ ਦੇ ਮੂਲ ਵਾਸੀਆਂ ਨੂੰ ਮਾਨਤਾ ਦੇਣ ਲਈ ਸੰਵਿਧਾਨ ਵਿੱਚ ਤਬਦੀਲੀ ਦਾ ਸਮਰਥਨ ਕਰਦੇ ਹੋ?
2017 ਵਿੱਚ, ਦੇਸ਼ ਭਰ ਦੇ 250 ਆਦਿਵਾਸੀ ਆਗੂ ਉਲੂਰੂ ਵਿਖੇ ਇਕੱਠੇ ਹੋਏ ਸਨ।
ਉੱਥੇ, ਉਨ੍ਹਾਂ ਨੇ ਦਿਲ ਤੋਂ 'ਉਲੂਰੂ ਬਿਆਨ' ਤਿਆਰ ਕੀਤਾ ਅਤੇ ਇਸਦਾ ਸਮਰਥਨ ਕੀਤਾ।
ਸ਼ਬਦਾਂ ਦਾ ਇਹ ਸਧਾਰਨ ਪਰ ਕਾਵਿਕ ਸਮੂਹ ਤਿੰਨ ਚੀਜ਼ਾਂ ਦੀ ਮੰਗ ਕਰਦਾ ਹੈ: ਆਵਾਜ਼, ਸੰਧੀ ਅਤੇ ਸੱਚ।
ਇਸ ਨੂੰ ਛੇ ਸਾਲ ਬੀਤ ਗਏ ਹਨ ਅਤੇ ਹੁਣ ਆਸਟ੍ਰੇਲੀਆ ਦੇ ਲੋਕਾਂ ਨੂੰ ਸੰਵਿਧਾਨ ਵਿੱਚ ਤਬਦੀਲੀ ਕਰਨ ਦੀ ਇਸ ਬੇਨਤੀ ਉੱਤੇ ਵੋਟ ਪਾਉਣ ਲਈ ਕਿਹਾ ਜਾ ਰਿਹਾ ਹੈ।
ਵੋਇਸ ਅਸਲ ਵਿੱਚ ਹੈ ਕੀ?
ਸਰਕਾਰ ਦੇ ਫਸਟ ਨੇਸ਼ਨਜ਼ ਰੈਫਰੈਂਡਮ ਵਰਕਿੰਗ ਗਰੁੱਪ ਦਾ ਕਹਿਣਾ ਹੈ ਕਿ 'ਵੋਇਸ' ਆਸਟ੍ਰੇਲੀਆ ਦੀ ਸੰਸਦ ਅਤੇ ਕਾਰਜਕਾਰੀ ਸਰਕਾਰ ਨੂੰ ਆਦਿਵਾਸੀ ਅਤੇ ਟੋਰੇਸ ਸਟ੍ਰੇਟ ਆਈਲੈਂਡਰ ਲੋਕਾਂ ਲਈ ਕਾਨੂੰਨ ਅਤੇ ਮਹੱਤਤਾ ਦੀ ਨੀਤੀ 'ਤੇ ਪ੍ਰਤੀਨਿਧਤਾ ਕਰਨ ਲਈ ਇੱਕ ਸਥਾਈ ਸੰਸਥਾ ਵਜੋਂ ਕੰਮ ਕਰੇਗੀ।
ਧਿਆਨਯੋਗ ਹੈ ਕਿ ਇਹ ਵਿਚਾਰ ਨਵਾਂ ਨਹੀਂ ਹੈ।
ਰੀਕੰਸੀਲੀਏਸ਼ਨ ਆਸਟਰੇਲੀਆ ਦਾ ਕਹਿਣਾ ਹੈ ਕਿ ਆਦਿਵਾਸੀ ਅਤੇ ਟੋਰੇਸ ਸਟ੍ਰੇਟ ਆਈਲੈਂਡਰ ਕਰੀਬ ਇੱਕ ਸਦੀ ਤੋਂ ਕਿਸੇ ਨਾ ਕਿਸੇ ਰੂਪ ਵਿੱਚ ਰਾਜਨੀਤਿਕ ਆਵਾਜ਼ ਦੀ ਮੰਗ ਕਰ ਰਹੇ ਹਨ।
ਵਿਰੋਧੀ ਦਲੀਲ ਦਿੰਦੇ ਹਨ ਕਿ ਇਸ ਨੂੰ ਪਹਿਲੀਆਂ ਸੰਸਥਾਵਾਂ ਦੀ ਤਰਾਂ ਸਿਰਫ਼ ਕਾਨੂੰਨ ਬਣਾਇਆ ਜਾ ਸਕਦਾ ਹੈ।
ਜਿਵੇਂ-ਜਿਵੇਂ ਬਹਿਸ ਵਧਦੀ ਜਾ ਰਹੀ ਹੈ, ਇਸ ਵਿਸ਼ੇਸ਼ ਵੌਇਸ ਪ੍ਰਸਤਾਵ ਦਾ ਸਮਰਥਨ ਘਟਦਾ ਜਾ ਰਿਹਾ ਹੈ।
ਪਰ ਵੋਇਸ ਦਾ ਵਿਰੋਧ ਕਰਨ ਵਾਲੇ ਸਾਰੇ ਇੱਕੋ ਟੀਮ ਵਿੱਚ ਨਹੀਂ ਹਨ।
ਰਾਏਸ਼ੁਮਾਰੀ ਅਕਤੂਬਰ ਅਤੇ ਨਵੰਬਰ ਦੇ ਵਿਚਕਾਰ ਕਿਸੇ ਵੀ ਸਮੇਂ ਹੋਣ ਦੀ ਉਮੀਦ ਹੈ - ਇੱਕ ਤਾਰੀਖ ਦਾ ਐਲਾਨ ਕਰਨਾ ਅਜੇ ਬਾਕੀ ਹੈ।
ਵੋਟ ਨੂੰ ਬਹੁਗਿਣਤੀ ਰਾਜਾਂ ਵਿੱਚ ਬਹੁਮਤ ਵੋਟਰਾਂ ਦੀ ਲੋੜ ਪਵੇਗੀ।
ਇਸ ਬਾਰੇ ਹੋਰ ਜਾਣਕਾਰੀ ਲਈ ਉੱਪਰ ਦਿੱਤੇ ਆਡੀਓ ਬਟਨ ‘ਤੇ ਕਲਿੱਕ ਕਰੋ।
