Amata le Sa i faigamalaga i le va o Initia ma Ausetalia.

Ua fa'aalia le to'atama'i o nisi i le faai'uga a le malo tele i Ausetalia e taofia uma faigamalaga i le va o Ausetalia ma Initia, ona o le pepesi o le faama'i KOVITI-19 i le atunu'u o Initia.

Taofia malaga i le va o Initia ma Ausetalia. Source: AAP

O le Sa, e pei ona faailoaina mai e le minisita o le vaifafo, Marise Payne, e na o se taimi le tumau, ae o tapena nofoaga i Ausetalia nei e tausi puipuia ai ni tagata e to'atele e malaga mai.

E 'ova i le to'a 9,000 tagatanu'u Ausetalia o loo poloka i Initia ma faatali i le aso e toe tatala ai e le malo tele le Sa.

O le Sa o loo aofia ai ni faasalaga o sala tupe ma le fale puipi.