Ua vala’au le failautusi aoao o malo ‘aufa’atasi, Antonio Guterres, i le sa'ilia o se filemū i le taua i Sasa’e i Totonu e auala i feutaga'iga ae lē o osofa'iga.
Na ia saunoa e leai se tali fa’amilitari o le fa’afitauli lenei.
Na ia vala’au fo’i i le toe tatalaina o le Vāinu’u o Hormuz mo le toe feoa'i sa’oloto ai o va'a.
"A message that in a world moving toward greater fragmentation and sharper power competition, international law is indispensable. Without it, instability spreads, mistrust deepens, and conflicts spiral out of control. This applies everywhere, and it applies urgently to the conflict in the Middle East. There is no military solution to this crisis."
O le fa’aiuga o le vaiaso talu ai na faia ai feutaga'iga o se filemū i le va o Amerika ma Iran i le laumua o Pakistan i Islamabad ae le'i fa’ai'uina i se maliega.
Ua fa’aalia e le sui o Isara’elu i malo aufaatasi, Yechiel Leiter, ua fa’amanino atu e le faigāmalo i Lepanona lo latou mana'oga e to'esea le fa’alapotopotoga a Hezbollah mai o latou ‘ele’ele.
O le vaiaso talu ai na faia ai feutaga'iga i le va o Isara’elu ma Lepanona na ‘auai iai ma le failautusi o le malo Amerika, Marco Rubio, i le talanoaina o se alāfua mo se filemū i le taua.
O le tulaga o loo tuta'ia ai feutaga'iga, o le vala’au a Lepanona e taofia le taua, toe faataga fesoasoani ma tagata sivili ona toe fo'i mai nofoaga o loo saili lafitaga iai.
"We are both united in liberating Lebanon from an occupation power dominated by Iran called Hezbollah. Lebanon is under the occupation, and we are suffering from their constant barrages of missiles and terror attacks trying to cross the border. We talked about a number of things and most importantly, the vision, the long-term vision, where there will be a clearly delineated border between our countries.”
Ua fa’aalia e le palemia o Italia, Giorgia Meloni lona lagolagoina o le Tupu Sā o le Ekalesia Katoliko Roma talu ona faitioina e Donald Trump le Afioga Pope Leo XIV.
O loo malosi faitioga o Trump i ni ana lafoga lē taupulea e fa’asaga i le Tupu Sa, soso’o ai ma lona tu’uina i luga o le social media o sona ata e gaosi i le AI e fa’afoliga ma fa’atusa ai o ia iā Iesu Keriso.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
