Faletua Michiko Ete Lima Aoga Amata

O le masina o Fepuari 2020 na amatalia ai le Aoga Amata (Pre School) a le EFKS Fairfield i le Hall a le Lotu i le 391 Cabramatta Road i Cabramatta.O le sini autu o lenei faamoemoe pei ona saunoa iai le faiaoga le faletua ia Michiko Ete Lima o le tapu'eina ma fafau le Gagana Samoa i le soifua tuputupu ane o le fanau. " Ua iai sailiiliga ua mautinoa e moomia e tamiti laiti ni gagana se lua e atina'e ai ma olaola le faiai a o soifua ane." E le gata i lea a o le faitauina ai o le tusi paia ma malamalama i la tatou gagana Samoa ma le tu ma agaifanua. O Aso Lulu ma Aso Faraile mai i le 10am agai atu i le 12noon i le aoauli vasega o le vaiaso.E toaono tamaiti laiti na amatalia le aoga ia Fepuari 2020 ae o le taimi nei ua atoa le toaluasefulu o tamaiti o le Aoga Amata.O le mamao o nofoaga e malaga mai ai matua e momoli ma fa'aao'oga le fanau e sau mai Penrith,Austral ma Edmondson Park. Saunoa fo'i le faletua ia Michiko o totonu lava o aiga e amata mai ai lenei aoaoga taua tele i le talanoa faasamoa i taimi uma i le fanau iti.O se popolega i le lumanai ua totoe nei na o fanau second generation na fananau i fafo ua avea ma matua ma e ono mou malie atu ai le gagana vagana aoga faapenei e fesoasoani e puipui le faatumauina o le tautala faasamoa.O le numera a Michiko e faafesootai mai ai matua mo le aoga o le 0414439754.