Ua sauni atu le Alii Pese iloga i tausaga ua tele Rev Falefatu Enari faatasi ai ma nisi pepese ma faaili iloga i lenei vaitau e faafiafia i le 'Samoa Stand Up' Festival e faia i le Aso Toonai nei i Don Bosco Savaii.
Saunoa le sui o le aiga o Lauaki Namulauulu Mamoe le fetalaiga ia Manumaleuga Simon,o se faamanatu atu a le faigamalo i le sao o la latou tuaa ia Lauaki ma lona sao tele ia Samoa i vaitaimi o kolone na soalaupule ai loa le aiga potopoto ma faagasolo tapenaga mo lenei faamoemoe.
O lenei Koneseti o vaega uma o le faamanatuina o le 64 tausaga talu na tutoatasi Samoa ma sa ia faafetaia ai foi Sponsors na o latou ofo e lagolago lenei faamoemoe muamua mo Savaii.
O le Susuga Rev Falefatu lea na lauiloa mai lava i le 1984 i ana pese o le 'Fo'i mai Dear,' Dear Ea,'Vi'i o Loveni' ma isi la'a ta'imua i nisi iloga mai fafo ma Samoa nei pei o Wayno,Tofaga Meke,Mautoatasi ma Lena,Melisa Band,Lewis on the Track,Mr Tee ma Mc ia Dr Tua ma General Victor.
O le susuga fo'i ia Rev Falefatu Enari le faatonu o le Tala ma le Pese ia Lauaki o loo faagasolo i le taumeasina Resort na ia fatuina le Vii 'E lagona Pea si ou I'uleo' ma o le a faafofoga iai tau aiga ma Savaii i lea po e manatua ai lenei Toa manumanu o Samoa ma lona Tala Faasolopito 'Lauaki Namulauulu Mamoe/.
