O loo gasolo lelei pea galuega a le APEN poo le Australian Pasifika Educators Network o loo faatonusili ai se tamaitai Samoa ia Amanda Moors Mailei.O le tausaga e 2020 na faavaeina ai lenei faalapotopotoga e lagolago ma faamalosi i galuega a alii ma tamaitai faiaoga Samoa i totonu o Niu Sau Uelese ma Ausetalia atoa i aoga maualuluga ma Iunivesite E toa sefulutasi sui o le laulauafono a le APEN ae o sui auai e luaselau luasefulutolu. O leisi sini autu a le APEN o le faamalamalama atu i tagata lautele o Ausetalia uiga o tamaiti Pasefika i totonu o aoaoga.Ma e talu mai le faavaeina i le 2020 ua soo atu nisi o aoga ma iunivesite i lenei faasoa.
Saunoa Amanda Moors Mailei Faatonusili Australian Pasifika Eductaors Network o la latou galuega e soo atoa ai Ausetalia ma e lata mai nei na galulue ai ma le ACT i Canberra i se silapasi poo le curriculum e faasoa atili ai i faiaoga ma tamaiti aoga Pasefika.O la latou sini autu ia sau se taimi faasopolia uma Ausetalia i la latou atinae faapei o gagana Samoa ma le pasefika i totonu o Niu Sila.
O le sini maualuga ia faaauau pea a latou seminar ma workshops ia faalauaiteleina ai le malamalama o Ausetalia i tagata pasefika ma tamaiti aoga talu mai le ono tausaga talu na faavae.Ua talafeagai foi lenei galuega ma le faatupulaia o fuainumera o tama ma teine Samoa ma le pasefika ua ulufale atu i iunivesite ma aoga maualuga i setete eseese o Ausetalia nei.e talitonu i latou e le o toe mamao ae faapei o Niu Sila le ofi atu o le gagana Samoa ma le pasefika i totonu o Mataupu autu.
